1系定位本來係玩揭背車仔,自從 135i硬頂同開篷雙雙爆出後,家陣連 120i都追加埋 Convertible版本。車價相對更抵玩外,換裝電動軟篷頂後嘅 120i, 22秒便以新面貌登場,黑身啡櫳靚絕配搭,當然可以全天候 Show off。記者:徐影龍攝影:伍慶泉Model: Michelle@Pure Models

■閂篷時為一架雙門 2+2 Coupe小跑。

135i有「縮水 M3」美譽,開篷版更係賣到斷貨。無他嘅, 1系玩靈活細車格局,車價門檻又唔算高,就算打工仔都唔算重負擔。今次輪到 120i玩開篷,唔跟大佬 5系咁用高級硬摺篷設計,依然採用電動軟篷,好處除咗襟用、平價同更慳油外,對車身體積較小嘅 1系嚟講,收納空間要求亦無咁大。開篷時間約 22秒,時間屬中規中矩,勝在電軟篷收合過程簡單順暢,最重要係行緊車都可開閂(車速 40km/h以下),就算遇着過雲雨,都可隨時閂篷,避免變落湯雞。引伸落去,若停燈位見到靚女等過馬路,㩒吓個掣咪可以喺佢面前玩「變形金剛」囉,包佢一定留意你。就算你已經有美相伴,當遇到貨 Van佬眼甘甘望你隔籬位靚女時,亦大可「閉篷收花」,最多咪畀佢睥 22秒啫。

放大圖片

 

放大圖片
■ 22秒變靚啲,開篷後滿載瀟灑感。

■ 22秒變靚啲,開篷後滿載瀟灑感。

 

內櫳皮料質感佳

上次試過 135i,已經好欣賞 50:50嘅前後車重分佈,能更穩定同易於操控。嚟到 120i,呢個優點仍然保留,尤其對屬尾轆車嘅 120i嚟講,呢點更為重要。配備 2.0L直四引擎,話就話性能上不及「縮水 M3」咁堅,不過都有成 156匹馬力,推架 2+2細車已相當具爆炸力啦,開埋篷迎風疾走,嗰種快感同刺激度又係一般硬頂車畀唔到你嘅。內櫳仍偏向豪華格局,全黑車身同車廂,配上啡色皮椅及門內側 Two Tone襯色,坐同摸都 Feel到真皮嘅高級質感,真係唔開篷 Show off都對唔住你同架車。

放大圖片
■真皮軚盤一貫高級質感,軚感頗重,女仔泊車好易攰。

■真皮軚盤一貫高級質感,軚感頗重,女仔泊車好易攰。

放大圖片
■雙圓大錶板跟硬頂版一樣,勝在易睇易明。

■雙圓大錶板跟硬頂版一樣,勝在易睇易明。

放大圖片
■咪睇小 2.0L直四偈,玩埋+/-波一樣飆得好刺激。

■咪睇小 2.0L直四偈,玩埋+/-波一樣飆得好刺激。

放大圖片
■最抵讚係開篷與否,尾箱仍有可觀空間,叻過好多硬摺篷車款。

■最抵讚係開篷與否,尾箱仍有可觀空間,叻過好多硬摺篷車款。

 

放大圖片

 

規格引擎: 1,995cc直四馬力: 156ps/6,400rpm扭力: 20.4kgm/3,600rpm傳動:六速 Steptronic+/-波箱售價:$409,000查詢: BMW HK( 2577 6168)

arrow
arrow
    全站熱搜

    stacylife 發表在 痞客邦 留言(0) 人氣()