「翻版徐子淇」鍾浠文隻身來港進軍模界，可惜首次工作便「撞板」收場，慘遭經理人照肺，受盡委屈的她壓力爆煲，更要尋求醫生幫手，自此學懂放鬆及保護自己。 挾「翻版徐子淇」之名殺入模界的鍾浠文（Zelia），兩年前由上海來港發展。雄心壯志的她期望闖一番事業，可惜首個工作即「撞板」，她說：「當日一個人去做，喺我立場我係模特兒，應該有專業操守，人哋叫着咩冇可能Say No，所以當日着比堅尼影相。」過了數日，經理人急召她返公司開會，她說：「聽完電話真係有啲驚，好似發生好嚴重嘅嘢！原來係經理人叫我以後小心，影啲咁性感嘅衫會影響形象。」 被經理人照肺後，Zelia直言大感委屈：「少少唔開心，當時我唔識講廣東話，唔識同人溝通，大會畀比堅尼我咪着囉！冇諗太多。（有冇後悔？）冇！好彩唔係好肉酸，效果好Fashion，只係性感咗少少。」自此，她開始學識保護自己，Zelia說：「遇到類似情況會第一時間打畀公司，始終由係公司去傾會好啲，我唔知個尺度去到邊。（學精咗？）都算係，唔想又再有唔開心嘅事發生。」 問到被照肺後有否崩潰？Zelia承認曾找醫生朋友開解：「心情一定唔好，搵咗醫生朋友傾。佢話我個心情好似食完減肥藥咁，亂發脾氣。（需要食藥控制情緒？）咁又唔需要，多咗同朋友傾偈，始終都係要自己去克服。不過，喺唔開心中都有開心，因為證明公司重視同緊張我！」 天生內向的Zelia，原來小時候曾被誤以為患自閉症，原來她很少同人溝通，加上經常足不出戶，她說：「好少同人傾偈，成日收埋自己唔願出街，畀人覺得有自閉症。（父母唔擔心？）唔擔心！因為我會同佢哋傾偈，只係唔會主動搵人。」
鍾浠文天生內向，小時候曾被誤以為患上自閉症。
被照肺後的鍾浠文直認曾心情低落，要找醫生朋友開解。
雖曾被照肺，但鍾浠文仍以性感打扮行騷。
放大圖片
曾被照肺
求助醫生
鍾浠文自被公司照肺後學懂保護自己，事事學「問」為先。
留言列表
