保時捷雖以跑車打響名堂，但以 Cayenne進軍 SUV市場，依然賣個滿堂紅，但請恕小妹妒忌心重，每次喺街頭睇到打蠟打得立立令嘅 Cayenne在招搖，心諗：「喺街行梗無問題，玩越野係咪真係得 o架？」不過當在德國親身體驗新一代 Cayenne在越野場的辛辣，才發現打造豪華的 Cayenne都可如此粗獷。記者、攝影：趙慧敏
上山落水超刺激 放大圖片 
泥水浸腰輾過特大泥水氹，引擎依然無死火，直行直過。
繼環保與實力兼備嘅 Cayenne S Hybrid後，今次德國之行，還試盡 Cayenne S及 Cayenne Turbo兩款型號。個人認為，單是 Cayenne S已能滿足大部份香港車主，擁有 4.8公升 V8引擎，有 400匹馬力，單是與上一代比，已高出 40匹，去到 3,500rpm已有驚人 500Nm扭力，就算香港出名彎多嘅路，應付都綽綽有餘。不過有時玩車梗想試吓頂級享受，另一款 Cayenne Turbo就畀到你。我們就在德國萊比錫（ Leipzig）生產大本營內嘅越野路段，親嘗 Cayenne Turbo實力。 Cayenne Turbo擁有 4.8公升雙渦輪增壓引擎，馬力更達 500匹，由 0至 100km/h，只需 4.7秒，速度不容置疑，在越野功能上，駕駛者只要憑着中控台不同越野功能的按鈕，車輛便會在懸掛、差速鎖等方面自動調整。至於要征服的越野路段，分別置有 60°斜坡，傾斜 40°的路段及水道，經過水道水花四濺，上斜坡又隨時覺得有翻車可能，惹得我大呼小叫，經當地車手提示下，先知道只需按下相關按鈕，車身便會自動調節適當功能，應付呢啲場面，原來極 Easy。
放大圖片 
激斜爬山玩齊 40°- 60°大斜坡，拾級而上毫無困難， 700Nm扭力果真驚人。
放大圖片 
40°傾側在右傾 40°的路段，依然無翻車危機，定過抬油。
200km/h仍然夠定 放大圖片 
■車尾線條保持 Porsche一貫的優雅。
有機會揸百萬 SUV去越野兼狂野一番，絕對令人充滿期待。由工業城鎮萊比錫跑去古城德累斯頓（ Dresden），全程來回足足 240公里！先接觸市區路段，拜輕量化車身所賜，雖車身龐大但卻靈活感十足；踏上公路路段後才是實力表現，在無限速路段，右腳油門已不經意越踩越深，車速瞬間以 200km/h飆馳，但轉數錶顯示仍不足 3,000rpm，有排都未到極限。而且在高速下，車身穩定性強，就算切線爬頭，亦沒有因為車身高而出現的搖蕩感，此舉多得 PASM主動式懸掛系統之幫助，令行車保持舒適及穩定。雖然車速已令人沉醉，但令人意外的 Cayenne Turbo卻少以一分 Turbo狂野的咆哮聲，車廂保持一份寧靜，是否喜愛實屬個人喜好。
放大圖片 
■全線新 Cayenne都採用呢款五環式儀錶板。
放大圖片 
■車廂保持寬敞豪華感，留意中控台下方兩邊扶手位，擺明預你越野狠劈，有乜依郁都可揸住碌柄。
放大圖片 
■越野模式可調節不同路面行駛狀況。
放大圖片 
■倒後鏡設計修長，但視野廣闊。
Porsche Cayenne Turbo 放大圖片 
■車頭有濃厚的 Panamera的影子。
引擎： 4,806cc V8＋雙渦輪增壓馬力： 500bhp/6,000rpm扭力： 700Nm/2,250rpm-4,500rpm傳動： 8速 Tiptronic S自動波箱售價：$1,786,400起查詢： Porsche Centre HK（ 2926 2911） 
■改款後，車身設計更加勇猛。\n
留言列表
