「我阿哥好憎佢」家強警告林楚麒咪扮未亡人

下月是 Beyond主音黃家駒逝世 17周年死忌，當年以未亡人姿態出席喪禮的林楚麒，卻巧合地於近日復出參演音樂劇，又屢將家駒掛口邊。家駒胞弟黃家強昨扯火怒轟林楚麒扮未亡人博宣傳，更直斥：「阿哥好憎佢，我都好憎佢。」

其他娛樂名人影片

黃家駒 93年意外身亡，與他拍過拖的林楚麒當時以未亡人姿態出席喪禮，但不久又銷聲匿迹，至近日年逾 40的她宣佈復出，於本月尾聯同莫鎮賢演出音樂劇。連日來林楚麒狂接訪問，自稱早年曾與家駒訂婚，又謂為他梳起唔嫁，不過家駒胞弟黃家強昨於新城電台宣傳下月的慈善演唱會，提到林楚麒復出時，他即收起笑容說：「叫佢唔好亂講嘢啦，小心啲！」

放大圖片

年逾 40歲的家駒舊愛林楚麒消失 10多年後，最近脹爆復出，公告不婚宣言。

放大圖片

Beyond主音黃家駒雖已逝世多年，但其樂與怒精神不死。

「佢好對唔住我阿哥」

問家強會否採取法律行動，他激動地說：「我又繼續講嘢，咁佢就死。」是否與林楚麒冇偈傾？他即說：「叫佢唔好講大話啦。」所指是林楚麒自稱為家駒梳起唔嫁？家強說：「拍拖係有，但分咗手十世啦，人哋都唔喺度，扮未亡人做乜，佢知自己乜事 o架。分咗手後，佢（家駒）之後都有兩個女朋友，唔該佢啦， please！」林楚麒是否不應借家駒做宣傳？家強炮轟說：「梗係唔好啦，做乜嘢扮未亡人，仲要扮阿哥係佢 last一個，邊係啫！我只想澄清唔好誤導歌迷，同埋佢係好對阿哥唔住先分手。」林楚麒有第三者？家強說：「總之好對我阿哥唔住，原因唔想講，因為我阿哥好憎佢，所以我都好憎佢，夠啦！家我阿哥唔喺度講唔到，所以我代阿哥講，唔好話同阿哥訂咗婚，如果係攞隻訂婚戒指出嚟，佢只係阿哥其中一個。」林楚麒日前接受本報訪問時繼續揚言不婚：「咁多年嚟慣咗一個人生活，亦都好享受，我希望呢個小小空間可以保持。爹哋成日想我嫁，但唔使諗，我唔嫁。」問她曾否拜祭家駒時，她卻尷尬說：「私人嘢唔想答。」採訪：溫敏芝、馬建華攝影：陳俊強


黃家強昨提起林楚麒隨即扯火，怒罵她扮黃家駒未亡人博宣傳。

家強怒插林楚麒 借家駒出位

已故樂壇班霸Beyond靈魂人物黃家駒死後17年，最近他的舊愛林楚麒復出樂壇，有報道指她聲稱為家駒「梳起唔嫁」，即惹抽水之嫌，結果辣慶家駒弟弟黃家強，怒火中燒狂插林楚麒：「分手十世唔好扮未亡人！」

家強慶爆不忿有人利用亡兄做宣傳。

家駒於93年在日本宣傳時從3米高台墮下，昏迷一星期後傷重死亡，當年林楚麒頭戴白花自封未亡人哭崩喪禮，事隔17年，下月10日是家駒48歲冥壽前夕，林楚麒宣布復出樂壇，簽過氣歌手莫鎮賢為經理人，連環接受傳媒訪問為月尾演出的音樂劇宣傳，有指她至今不忘家駒，願意為他梳起唔嫁，顯出一副癡心情長樣子。

佢唔好誤導歌迷

林楚麒對家駒癡心情長，至今仍念念不忘。（資料圖片）

家駒離世17載，他的歌聲仍長存樂迷心目中。（資料圖片）

經常有fans到家駒的墳前拜祭。

然而，林楚麒的一番癡情剖白，卻嚴重地辣慶了家強，昨日家強到新城接受訪問，記者提到知唔知林楚麒復出？他不屑說：「睇到少少，叫佢唔好亂講嘢，叫佢小心啲。（你會採取行動？）我都講嘢佢就死。（你哋冇偈傾？）叫佢唔好講大話。」

對於有指林楚麒聲稱為家駒梳起唔嫁，家強連珠炮發地怒罵：「分手十世，唔好喺度扮未亡人，佢知乜事。（佢哋冇拍過拖？）朋友囉，拍拖係有，但分手十世，佢（家駒）之後仲有兩個女朋友，唔該佢（林楚麒），please！」

雖然死者已矣，但家強不忿有人利用亡兄做宣傳，他咬牙切齒地說：「梗係唔好（利用宣傳），佢哋分手年幾兩年，哥哥之後仲有兩個女朋友，佢（林楚麒）自己都知，仲要扮我阿哥係佢last一個，邊係，叫佢唔好誤導歌迷，當年佢對我阿哥唔住至分手。（有第三者？）唔講原因，我好憎佢，我阿哥憎佢所以我憎佢，佢知乜事，叫佢唔好再講，夠嘞！」

攞隻訂婚戒出嚟

對於有傳家駒和林楚麒於89年曾在Beyond其餘三位隊友面前訂婚，家強鄭重否認：「依家我阿哥唔喺度，所以我代阿哥講，叫佢唔好話自己同阿哥訂過婚，攞隻訂婚戒指出嚟囉，佢只係阿哥其中一個女友。」至於林楚麒電話飛留言信箱，至截稿前未回覆。

此外，家強將於下月聯同張學友、關淑怡舉行「他來自非洲慈善演唱會」，為非洲孤兒院籌建宿舍，屆時家強將與非洲小朋友合唱《遠方的朋友》。

不離不棄仍單身

黃家駒雖然已離世17年，但被指是家駒女友的林楚麒，仍經常將家駒名字掛在口邊。

1993年

家駒於1993年6月30日離世，林楚麒當年頭戴白花、身穿孝服，儼如未亡人的身份現身靈堂，兼為家駒守夜，猶如家駒親人，而當時她被指在靈堂表現失常。

2008年

家駒逝世15周年，林楚麒受訪時表示，她與家駒在1989年已經訂婚，又表示家駒在玩具店淋雨向她示愛。

2010年

林楚麒表示花了十年時間才接受家駒離世，又謂自己仍是單身。

黃貫中：Band仔多女友

Beyond成員之一的黃貫中（Paul，圖右）昨在電話中對家強不滿林楚麒借家駒宣傳而大動肝火一事表示：「自從家駒過身之後，我冇同Gina（林楚麒）聯絡過。其實一個女仔嫁唔嫁，與我無關。（家駒與她分手後，是否還有其他女朋友？）我哋唔講私事，講真個個Band仔都好多女友，唔會逐個講，我淨係知道Gina曾經係家駒女友！」

黃貫中Paul

葉世榮：唔清楚佢梳起

至於另一成員葉世榮（圖左）則表示：「其實睇番報道，林楚麒都冇話自己係未亡人，只不過係傳媒講！（林楚麒話自己梳起唔嫁？）我就冇睇佢其他訪問，所以唔太清楚，家強對佢有意見可能有佢原因，同埋好睇林楚麒講過啲咩！」

噏得就噏博宣傳

黃家強鬧爆林楚麒，叫她勿拿亡兄黃家駒做宣傳。不少藝人曾借其他藝人新聞「抽水」博見報，惹起連串是非。

岑潔儀

王秀琳

王秀琳被踢爆與郭富城遊車河後即「升呢」，每次出席活動均將城城掛在口邊，令見報率激增，但負面新聞亦隨之而來，城城更指她「諗多咗」。

王秀琳

范植偉

范植偉因公開跟前女友王心凌的合照，兼大爆對方的「初夜論」，而被指博宣傳，更遭全城狂插，人氣急跌，更有網友要求范植偉退出娛樂圈。

岑潔儀

音樂才子陶喆早前來港開騷，與他曾鬧緋聞的岑潔儀不避嫌高調踩場，成為焦點；日前她升呢做老闆娘，更表明不會找陶喆幫手。

莫鎮賢寸爆家強清醒啲

身為林楚麒（Gina）經理人的莫鎮賢，昨日在電話中對於家強怒插林楚麒借家駒之名宣傳，莫鎮賢句句有骨寸爆家強，他說：「大家都喺呢行咁耐，希望佢清醒少少，每次都係記者問到，Gina先講少少，支筆喺人哋度，人哋點寫我哋都控制唔到，不如佢叫記者收筆唔好寫好過啦，佢要咁細路仔咁激氣就激飽佢！」莫鎮賢繼續一輪嘴反擊：「Gina養尊處優十多年，依家復出，佢唔支持都唔好踩人，我身為Gina經理人，我好肯定話畀大家知，Gina從來都冇話自己係未亡人，邊有人會自稱自己係未亡人呀！」

莫鎮賢力撐林楚麒沒有說自己是未亡人。（資料圖片）

盧巧音：咪借人過橋

至於Beyond忠實fans盧巧音則說：「我對呢位小姐唔係熟，所以冇乜意見！（覺得佢借家駒宣傳？）如果佢要做宣傳就自己去做，唔好借人過橋！」

盧巧音