世界盃熱潮將至，任達華屆時會與一班波友睇波狂歡，他透露已調動工作，更向太太琦琦請好假，為無暇陪嬌妻而 say sorry。任達華讀書時代已學識調酒、飲酒，但堅持做保守型爸爸，不會讓女兒學飲酒。
其他娛樂名人影片
任達華昨日在中環出席 Tequila酒活動，大談酒經，同場的 Mandy Lieu和 Kama盛裝出席，任達華更教一班女將調酒，原來他學過調酒，任達華說：「以前讀白英奇時讀酒店旅遊，所以學識調酒，我會將啲橙汁溝入酒度，帶出啲香氣。」
放大圖片 
（左起） Mandy Lieu、任達華和 Kama昨日同場大談酒經。
放大圖片 
任達華一向痛錫琦琦，不過講到世盃，老婆都要借歪。 資料圖片
無意教女兒飲酒 放大圖片 
任達華即場教 Mandy Lieu（中）、 Kama調酒。
任達華謂從來不會調酒給太太和女兒喝，也自命保守爸爸，不會教女兒飲酒，更不會用來媾女，他笑着說：「我只會用相機識女仔，時間係最好證明，你哋都冇影到我醉酒啦。我係享受飲酒型，唔係灌酒嗰類。」任達華又透露有收藏靚酒，最貴買過一支幾萬元的名酒，現時相信已升值至十多萬，問到可會留給女兒 Ella結婚才開？他說：「唔會，會同成班男人飲。」世界盃將至，任達華會請假欣賞，他說：「唔陪老婆喇，我同老婆 say sorry，冇法啦，四年一度，係大件事，或者會安排幾場佢鍾意嘅國家，一齊睇。」
Mandy拒借酒澆愁
同場 Mandy Lieu自誇酒量到家， 18歲才開始飲，她說：「我喺馬來西亞時，有個朋友調酒，成日調畀我試，試試吓都好酒量。家都幾到家，不過唔會飲好多。」問她分手時有沒有借酒澆愁？ Mandy Lieu說：「冇，我係用 enjoy嘅角度飲。」採訪： Rita Leung攝影： Dicky Chan 
Kama穿上閃亮圖案裙出席，在巨型的酒樽旁宣傳。
留言列表
