明星靚相大分享☆

自蔡一傑涉嫌醉駕釀意外後，關於他的感情事傳聞四起，有指他與密友張耀揚感情生變。身為傑仔好友的張智霖（ Chilam），前晚指傑仔平時絕不會酒後駕駛，但談到傑仔與張耀揚的感情事，他起先表示二人並非情人，但後來卻漏口風，指曾與二人聚會，但不覺他們有異樣，意即感情依舊。

其他娛樂名人影片

蔡一傑日前與好友張智霖夫婦及伍詠薇等飯敍後，拉隊再到伍姑娘家談心，及後蔡一傑涉嫌醉酒駕駛，駕車在薄扶林沙宣道失控，撞毀郵箱、消防龍頭和圍欄，幸車毀人無恙。前晚傑仔兄長蔡一智偕太太到銅鑼灣欣賞《 B+偵探》首映，二人拍照後即匆匆入場，張智霖夫婦也前後腳到場，袁詠儀以沒化妝為由，不但不接受訪問，連拍照也拒絕，為避記者還走錯戲院。張智霖則大方談蔡一傑，他謂已致電傑仔，心情還未平復， Chilam說：「佢向來係奉公守法嘅人，發生意外冇人想，希望佢經歷小小意外後，唔好唔開心，啲無聊傳聞快啲離開佢。」

「唔覺佢哋有異樣」

有傳傑仔因與張耀揚感情生變而以酒澆愁， Chilam先說：「好奇怪，點會係一齊，我覺得唔係，只係謠言啫。」後來談到有傳傑仔喜歡男性時，再提到他與張耀揚的緋聞， Chilam竟似說漏了嘴，指二人感情依舊，他說：「係咪都冇所謂啦，每個人喜好都唔同，之前佢哋一齊出過嚟，我唔覺得佢哋有異樣。」又有指傑仔已成功撬林一峰牆腳， Chilam說：「都係謠言，好似火種咁，越燒越大，好朋友最好都收聲，唔使澄清。」傑仔有否為私人感情不開心？ Chilam說：「真係冇嘢，嗰晚我哋一齊食飯，之後我去咗上《勁歌》走先，冇去伍姑娘屋企吹水。」

放大圖片

蔡一傑（右）與張耀揚近年常出雙入對，被指關係如密友。資料圖片

放大圖片

蔡一智夫婦為避訪問，合拍後即閃入戲院。

盼孫興吉人天相

是否談感情？ Chilam說：「我冇 join真係唔知，其實佢架車係我叫佢買，家搞成咁唔知乜感覺。」有指傑仔車毀人無恙也算幸運， Chilam說：「惟有用呢個角度睇，損失好多錢但冇傷身。」會否勸傑仔不要再醉駕？他說：「一時疏忽啫，佢平時飲完酒唔會揸車，可能嗰日真係太攰。」至於傑仔因與伍姑娘有親密合照而傳緋聞， Chilam笑說：「冇可能有曖昧關係，平時都係咁攬頭攬頸。」談到莫少聰和孫興在北京涉吸毒被捕， Chilam表示希望莫少聰不要因此不快；他也希望孫興沒事， Chilam說：「可能受咗啲事情影響，唔開心先會咁，希望佢吉人天相。」採訪、攝影：譚倩宜


張智霖前晚先否認蔡一傑和張耀揚的緋聞，後又指二人關係依舊。