鄭伊健自年前與梁詠琪分手後，隨即搭上無綫花旦蒙嘉慧（YoYo），二人火速同居，感情穩定。日前伊健的新歡與舊愛不約而同現身中環購物，幸好未有碰個正着，避開尷尬場面。現年34歲的梁詠琪（GiGi），自06年與鄭伊健分手後，結識了現任法籍男友Sly，二人拍拖三年，雖然男友曾向GiGi求婚，可惜梁母至今仍未接納這段異國戀，她惟有暫時將婚姻大事放埋一邊，專注工作密密搵銀。 日前晚上七時許，GiGi獨自往中環ifc一間首飾店行逛，甫進店內，她便發現記者拍照，並即主動走出門口向記者說：「我有同事生日，我嚟買生日禮物畀佢咋！」然後折返入店內繼續選購。由於首飾多款式，心大心細的GiGi兜了數圈，再埋飾櫃烏低身研究，未幾她着店員取出一條連吊墜的白金頸鏈細看，期間亦有打電話詢問朋友意見，足足研究了十分鐘，她又將鏈放在頸上，對着鏡子左照右照。擾攘近半小時，她最終扑錘購下這條數千元的頸鏈，並以信用卡簽帳找數。GiGi見記者仍不停拍照，於是拿起手機反拍記者。心情大靚的GiGi，手持禮物袋步出時仍笑笑口，問她買了甚麼，GiGi說：「買咗條頸鏈畀同事囉！（係咪真o架？）梗係真啦！」隨後獨自搭(車立)走人。 而跟伊健相戀四年的YoYo，早於一小時前，亦獨自現身附近商場行街，當日見她在名店Paul Smith選購男裝，期間又不時講電話，未知是否向男友報告行蹤。講完電話，她又繼續專注睇男裝皮鞋，但發現記者便匆匆走人。當她乘扶手電梯離開時，仍不時回頭向着鏡頭微笑。不過，若然與GiGi撞到正，YoYo又會否笑得出呢？
梁詠琪買頸鏈
鄭伊健的新歡舊愛YoYo及GiGi都是愛購物一族。(資料圖片)
蒙嘉慧獨自購物，未知是否揀禮物送伊健？
蒙嘉慧細心挑選男裝鞋，期間又傾電話。
心大心細的GiGi打電話詢問朋友意見後，又試戴頸鏈。
追蹤組
GiGi扮到靚一靚逛街，不忘揮手示好。
留言列表
