平賣高檔朱古力　月賺20萬 @ 明星靚相大分享☆

創業通

朱古力令人想起開心和浪漫，對28歲的Crystal來說，更是滾滾財源，因為她開設的Chocolat-ier朱古力專門店，以較平價錢出售歐洲高級朱古力，令這類高級食品更加親民，成功吸納一班OL、家庭及公司客，月賺達20萬元，難怪Crystal說：「一粒朱古力能解千愁！」

記者於上年暑假行經尖沙咀gi商場地下，見到一間朱古力專賣店，面積不足100平方呎，惠顧的人不多，記者心想：「呢間鋪一定做唔長，都係搵過第二間做訪問。」事隔大半年，這間店果然消失了，記者自以為眼光獨到，誰知前2個月上網看到幾個人氣美容、旅遊blogger 在寫有關朱古力的食後感，介紹一間位於尖沙咀K11的朱古力專門店Chocolat-ier，記者見幾得意，便到實地視察。
這裏約100平方呎的counter，似曾相識，老闆Crystal說：「我哋由gi搬過嚟，你可以隨便試食，食到邊隻味啱先買。」Crystal很好客，不斷叫途人試食，食完不買也不會黑面，加分！記者今次走漏眼，這小店不單只沒有執笠，還月賺20萬。
Chocolat-ier專賣來自英國、比利時等歐洲20款口味朱古力，以自助夾糖形式售賣，每100克賣$89，主要走中產路線，價錢看似有點貴，但相對賣$10或以上一粒的高級朱古力而言，這是親民價，「由於gi個場以年輕人居多，唔係幾中我哋嘅target，今年6月知道K11有位，就轉場試試。」由於K11多名店，客源廣，包括OL、遊客及家庭客等，命中率大好多。

自助夾朱古力
現時Chocolat-ier以自助夾糖形式售賣歐洲高檔朱古力，每100克售$89，老闆Crystal說：「試過有個男仔每日都落嚟K11店買100克朱古力，最初我以為佢暗戀我，點知佢真係好鍾意食朱古力，亦啟發到我咁樣每次買100克好貴，我之後加咗每次買200克只係$139。」

失意時愛上朱古力
Crystal於2005年畢業於中大酒店及旅遊管理學系，她曾到美國康乃爾（Cornell）酒店管理學院交流，畢業後再修讀水療總監管理課程，創業前她任職水療發展工作，協助廣州花都喜來登酒店（Sheraton）、W酒店及成都瑞吉酒店（St. Regis）等成立水療設施，「09年時有段時間好唔如意，我勁唔開心，有次行開Spa展覽時，買咗支法國護膚品牌Sensation Chocolat嘅朱古力沐浴露嚟試，啲可可味好醒神，沖完後心情好咗好多，仲啟發我開朱古力店嘅念頭。」加上Crystal在美國交流期間及英國旅行時，見當地十分流行食朱古力，「讀書時去英國旅行，發現火車站好多朱古力店，覺得價錢唔貴又好好食，我影低咗相。當我有構思開Chocolat-ier，即該搵番啲相出嚟，check吓朱古力係邊間廠出，然後上網同佢哋聯絡，廠方好快喺兩星期內回覆，見gi嘅租金只係$15,000，我就租咗gi開店。」

節日推出禮盒包裝
在gi死守了4個月，Crystal開始另謀散貨出路，「我主要賣Biteb! Gourmet Collection英國品牌朱古力，答應咗間廠每年攞5千公斤貨，否則唔可以用批發價入貨，兼冇得喺香港獨家售賣。但gi以年輕客人為主，消費力一般，每個月收入同支出最多打個和，所以要搵其他途徑散貨。」上年12月Crystal便花了$15,000租了淘大商場攤位做聖誕展銷，單是9日展銷期，賺了5、6萬元，為Crystal打了支強心針。「證明以大眾化價錢賣高級朱古力係有得做，第一次做展銷冇經驗，冇為聖誕節特別入啲具節日氣氛嘅禮盒；之後情人節我訂咗啲比利時Chokito禮盒裝朱古力，有心形罐、紅唇圖案等，每pack賣$188，好受情侶歡迎，好多男仔都臨急抱佛腳，呢類貨就最方便。展銷亦帶嚟唔少熟客，之後專程去門市幫襯。」吸取過經驗，今年聖誕，Crystal將會提供大量禮盒裝及禮物籃供客人訂購。

爭取公司回禮市場
其後轉了場，反應好了不少，但只靠一間店要賣5千公斤朱古力，則十分困難，「今年我請多兩個全職幫手，一個做marketing、另一個sales負責行街搵客負責批發，因為Biteb! Gourmet Collection嘅朱古力係散裝夾糖形式，所以包裝上好有彈性。」目前Crystal會批發到高級住宅及公司，包括Queen's Garden、獅子會等，「自從喺K11開業，多咗 walk in嚟問，好似問可唔可以幫佢哋喺包裝上加logo，用嚟送畀啲客。」另外，她亦接婚宴客做回禮禮物，只需$1,000包括15圍酒席禮物（約180份），每份禮物有約6粒朱古力及包裝盒，而且有專人到場set up。「我會搵店員喺鋪頭pack包裝盒，我自己親身或者搵店員去現場set up，逐張枱放上回禮禮物，通常1個鐘內搞掂。婚宴客我哋會計落批發，所以為起每份都唔使$6，回禮禮物係我哋嚟緊想打嘅市場，始終朱古力有分淡旺季，節日同冬季好賣啲，如果吸到公司及宴會客，淡季都可以有固定收入。」現時Crystal會出席不同商會活動以作宣傳，「例如專係撮合唔同企業商機嘅微企會、BNI等組織嘅聚會，席間交換咭片，有啲公司客就係咁吸納返嚟。」此外，她和團購網合作吸納新客，亦找美容blogger試食攻OL客群，反應不錯。

安裝八達通吸學生
在10月初，Crystal更在鑽石山荷里活廣場開設分店，攻家庭及學生客，「K11主攻遊客及OL，佔公司30%收入；荷里活會打算增加用八達通收費，吸納埋班學生客，好多人覺得呢個場人流麻麻，但我喺度擺咗幾次road show，次次都有得賺，所以我放心花6萬喺度開分店。」 Crystal說現時批發及門市各佔5成生意，而一間店每月大約賣到200公斤朱古力，為增加銷路，她在今年年底還會在成都及台北開加盟店，由Crystal提供貨源及員工培訓。「因為我過去4年長期喺內地參與大型屋苑及酒店水療項目，成都有班高消費客群，對外國貨好受落，覺得內地市場有得做，咁啱成都同台北有朋友有興趣開加盟店，我唔使出錢投資，供貨就得。」Crystal希望將這盤生意，發展到中、港、台，平食高級朱古力，不是西方人獨享，中國人也可以。

點入貨？
Crystal從網上找貨源，並以電郵聯絡歐洲不同的朱古力廠傾批發事宜，「基本上攞貨唔難，但唔好慳嗰少少錢，未食過就入貨，我會先訂少少返嚟逐粒試，兼畀埋朋友試食，因為口味好個人，要收集多啲意見。」此外，Crystal還會行香港會展舉辦的美食展或展銷，看看有沒有其他朱古力食品，如Chocola's朱古力薯片都是透過展銷會找回來的。

創業成本
租　金：$15,000 入　貨：$5,000 雜　費：$5,000 總投資：$25,000

每月收支
租　金：$26,000 人　工：$66,000（5全職2兼職）入　貨：$50,000 雜　費：$30,000 營業額：$420,000 盈　利：$248,000 Chocolat-ier Facebook http://www.facebook.com/#!/Chocolat.ierHK ####

老闆Crystal覺得朱古力能給她正能量，故辭去原本月入6、7萬的水療發展經理一職，開朱古力專門店。