明星靚相大分享☆

25/11買餸煮飯仔
事隔兩日（ 25日），呂方與戴辛尉又雙雙到時代廣場超市買餸，二人全程有講有笑。
封面故事
呂方搭上霆鋒初戀女友　嘟嘟發火：佢同我冇關係
2010年01月15日
08年，嘟嘟（鄭裕玲）宣布與呂方分手後，兩人屢傳復合。但事實是去年尾， 48歲的呂方已經暗中溝掂著名歌唱老師戴思聰的幼女、霆鋒的初戀女友戴辛尉。 11月 25日，兩人更在時代廣場的超市拍拖買餸，然後齊齊返家玩煮飯仔。
新女上場，呂方亦刻意與嘟嘟畫清界線。去年十月，呂方將昔日與嘟嘟的情侶車牌換走，完全搞清手續。
至於一向精明硬朗的嘟嘟，驚聞舊愛另結新歡，突然緊握雙手，皺晒眉面黑黑話︰「同佢已經冇關係，唔關我事！」可見「呂方」仍然是她的死穴。
當年與呂方拍拖，嘟嘟發揮廿四孝女友本色。多年來，呂方都住在嘟嘟淺水淺 Manhattan Tower豪宅，好食好住唔在講，兩人還甜蜜到共用「 8722」（發財易易）車牌。
去年 5月，嘟嘟上吳君如《星星同學會》做嘉賓時，正盛傳她與呂方復合。席間嘟嘟話︰「人人都渴望愛情，都希望生活完美，有人陪兼且夾，依家好開心……」不過，她強調日後不會再公開感情生活。

23/11攜女友會友
去年 11月 23日，呂方、戴辛尉與林利被報章影到在北角食飯。離開時，林利由友人送走，而戴辛尉則由呂方送返堅尼地道寓所，惟當時傳媒不認得該女子是戴辛尉。《蘋果日報》圖片

於超市內，呂方鬼咁風騷，不時向戴辛尉介紹食品，更推住車仔跑來跑去，心情靚爆。

當日他們買的是兩人分量的餸菜，包括有菜、豆腐、牛肉及小食，最後由呂方埋單。

晚上 7時，呂方到超市買紅酒、芝士及海鮮，大顯住家男本色。

02/12上門短敍
離開超市後，呂方駕車到戴辛尉寓所，只見他對大廈環境熟悉，相信並非首次到訪。

拍拖買餸
正當大家以為嘟嘟與呂方復合，其實呂方已經溝掂戴思聰幼女戴辛尉。去年 11月 25日，兩人更拍住拖，在超市買餸返家煮飯仔。當日下午四時許，兩人在銅鑼灣時代廣場的 city'super買餸。昔日愛煮蠔冧嘟嘟的呂方，似乎對食頗有研究，對住細他 15年的戴辛尉，甚有駕馭能力。記者埋身偷聽他們說話，只見呂方甜絲絲講︰「知唔知呢隻豆腐好滑 o架……嗱！買牛肉就一定要睇顏色同脂肪……總之一陣包你食過翻尋味……」
其後，呂方叫戴辛尉先揀小食，自己則細心買菜買肉。記者觀察他買的分量不多，只夠兩人撐枱腳之用。最後呂方碌卡俾錢，便駕車與戴辛尉自北角（男方寓所）方向駛去。不過，警覺性甚高的呂方，未幾已發現有人跟蹤，只見他踩行油門，在一個十字路口撇甩記者。其後數天，呂方每次出入都左望右望，極度小心。
暗上女方家
事隔一星期（ 12月 2日）晚上 7時，呂方又再出動，今次他獨自到上次那間超市買餸，然後到戴辛尉位於堅尼地道的寓所，記者等到凌晨仍未見他出來。
其實去年年尾，兩人開始打得火熱，更被傳媒拍下齊齊晚飯的照片。不過，為了掩人耳目，兩人搵埋好友林利做電燈膽，而戴辛尉亦因為離開樂壇太耐，傳媒唔認得佢。
據知情者透露︰「呂方同 Wancy（戴辛尉）都拍咗拖 3個月，佢哋其實識咗好耐，因為呂方以前係戴老師學生，不過近十幾年大家都好少見面。自從上年呂方出番嚟唱（登台），搵番老師練聲，佢兩個（呂方及戴辛尉）至撞番啫。不過戴老師一向對個女好嚴，對未來女婿嘅要求亦好高，所以呂方呢排勤力咗好多，好俾心機搵錢。戴老師呢關唔易過 o架。」
舊愛結新歡，而感情尚未有着落的嘟嘟，生活 dry爆。她自爆除了健身外，閒時便與曾華倩結伴畫畫，甚少外出應酬，勁深閨！
去年 12月 15日下午四時，嘟姐駕車離開淺水灣寓所。化了淡妝的她到附近的油站入油，一聽聞記者講呂方有新戀情，她即時皺眉，斬釘截鐵對記者說︰「唔好問我啦！同佢已經冇關係，都唔關我事……人哋嘅嘢唔回應喇！」明顯與舊愛畫清界線。
記者再問有關呂方的問題時，她更緊握雙手，語帶激動說︰「我都講過私人嘢唔答，唔關工作嘅嘢唔答，我都冇必要答你哋！」記者遞上呂方與戴辛尉的拍拖照時，她索性擰歪面，喃喃自語︰「你哋唔好再跟啦，咁樣好無謂！」說罷便開車返家。
上周二（ 5日），記者再採訪嘟嘟的新節目《逐格鬥》時，認人能力甚佳的她，一見該名記者即緊張說︰「我唔回應喇！」說罷即急步走人。

15/12畫清界線
記者遞上呂方與戴辛尉拍拖相，嘟嘟即緊張擰歪面兼緊握雙手（下圖）。

12月 8日，被踢爆新戀情，呂方即火爆鬧記者，並急步上車。

呂方寸爆回應
12月 8日晚上 7時半，呂方與戴蘊慧（戴辛尉家姐）及男性友人，到中環南蠻亭食飯，至十時多離開。就新戀情一事，記者上前向他求證，原本心情大靚的他，得知記者來意，即收起笑容︰「哦！嗰個（戴辛尉）係細嘅，（指着身旁的戴蘊慧）呢個咪係家姐囉！我哋識咗好耐啦，（用手形容高度）佢咁細個已經識 o架喇！」說罷即急步上車，記者再問他是否與戴辛尉拍拖？他即時黑面寸爆︰「用吓腦啦！唔好傻！（喝止記者）你哋唔好影喇！」說罷便開車走人。
戴思聰︰女大女世界
記者致電戴思聰，對於呂方與幼女的戀情，他卻不欲多談。
記︰最近戴辛尉同呂方來往好密喎，仲一齊買餸煮飯仔？
戴︰我唔理啲後生，女大女世界。
記︰佢哋有冇話你知？
戴︰佢哋（呂方與戴辛尉）不嬲都有 keep住聯絡。
記︰你覺得呂方人品點？
戴︰我唔講呢啲嘅，我哋只會講唱歌、講技巧，唔講私人嘢。
記︰最近有冇見過呂方？
戴︰（語氣不耐煩）佢會嚟練聲嘅！
記︰你鍾唔鍾意佢哋來往？
戴︰我不嬲都唔鍾意新聞！
記︰戴辛尉揀男友，要唔要過咗你呢關先？
戴︰我都唔知！（說罷便掛線，其後電話轉駁到留言信箱。）
至於呂方的好友林利，亦一早收到風，不停帶記者遊花園︰「佢（呂方）蜜運？嗰個咪我囉！佢同戴辛尉？師徒關係啫！（戴辛尉老竇就係老師，使乜搵呂方教？）唉！呂方冇人要 o架嘞，得我要咋！（佢上去戴辛尉屋企，凌晨都唔落嚟喎！）哎吔，我依家食緊飯唔答得咁多，係咁先啦。」

戴思聰曾因合約問題與徒弟陳曉東及鄭嘉穎相繼反面。面對非常現實的未來外父，呂方真係要俾心機銀。《蘋果日報》圖片
 
冇咗嘟嘟，呂方不但頻頻返大陸登台， 09年尾亦到大西洋城開騷，連《超級巨聲》的嘉賓都肯做，足證他開始為事業發力。《蘋果日報》圖片

戴思聰幼女戴辛尉
霆鋒初戀女友
現年 33歲的戴辛尉，為戴思聰幼女。於樂壇打滖多年的她，星路平平，最為熟悉的只有與謝霆鋒的一段初戀。當年剛入行的霆鋒，只得 15歲，回港跟戴思聰學唱歌，與年長他 2年的戴辛尉譜出姊弟戀，相戀 1年分手收場。至 02年，流出二人數張親密合照，唯男方一直否認。

改名轉運
原名戴蘊思的她，曾一度改名戴葳葳，曾於台灣出唱片， 01年又改名為戴辛尉，簽約正東唱片公司，再進軍樂壇。 06年於北京發展，更推出唱片《我愛着他他愛昨天》，撞正當時鋒芝復合時間。

戀栢芝細佬
06年，戴又被拍得與張栢芝細佬張豪龍出海滑水，其間二人態度親暱，男方更情不自禁搣戴辛尉鼻哥。霆鋒情歸張栢芝，戴辛尉竟然又同栢芝細佬浩龍拍過拖，呢個世界認真細。

95年，霆鋒與戴辛尉相戀。當年霆鋒比女友細 2年，兩人拍埋甚有姊弟戀 feel。

屢傳復合
呂方與嘟嘟 92年開始拍拖，至 08年尾宣布分手，不過，年多以來一直有傳二人復合，可惜最後都各走各路，結束 19年情。
宣布分手
08年 10月，呂方與拍拖 16年的鄭裕玲正式宣布分手，男方即搬離淺水灣愛巢，租住紅磡海韻軒酒店式住宅，至 12月搬返北角與老父同住。
暗溝金巧巧

08年 11月，應邀到上海為電視節目《舞林大會》演出的呂方，被拍得與吳啟華前女友金巧巧食大閘蟹，當時被問到約會一事，呂方避忌反問：「邊個金巧巧呀？我唔知邊個金巧巧。」
平安夜箍煲

08年 12月，平安夜當晚，呂方駕駛仍掛着情侶車牌的寶馬座駕，往嘟嘟的淺水灣寓所方向，惟中途被交通警截停抄牌。發現記者的他，掃興掉頭走人。
閃電復合
09年 1月，呂方於新春期間到美國南加州登台，同時嘟嘟亦事先張揚會到美國拉斯維加斯度假，盛傳二人閃電復合。
夜蒲攬女
09年 5月，呂方被拍得與三名男友人到灣仔夜蒲。其間情緒高漲的他，與女伴愈玩愈埋身，又攬又錫，事後他局住承認︰「個女仔係店內職員，人哋見到我好熱情，係有攬住！」但堅稱對方並非女友。
棄發財易易車牌
呂方的寶馬，價值 70萬，當時有指是嘟嘟送給他的大玩具，而寶馬車牌亦與嘟嘟揸開的「 XX8722」相同，不過去年 10月，呂方已將昔日的情侶車牌換去，擺明畫清界線。

呂方車　新牌

網友插狂抄
逢周日晚播出的遊戲節目《逐格鬥》，由嘟嘟與艾粒主持，遊戲玩法是由兩隊藝人對戰多個遊戲環節，最後以過三關形式分勝負。不過第一集播出後，反應麻麻，連嘟姐的造型，亦被評似足 MJ，加上遊戲環節有抄襲《獎門人》之嫌，遭網民插爆。

抄衫
被網友評服裝似 MJ都冇壞啫，人哋係國際巨星，件件衫都係名設計師手筆。 
MJ上身
嘟嘟着埋套衫唔單止 MJ上身，連呢個掹褲頭嘅動作，都似足 MJ的經典自摸手勢。
 
由於記者早前曾問過嘟嘟回應，故她一見記者，即如驚弓之鳥，急急腳走人。

悶爆錄影
雖然《逐格鬥》係遊戲節目，但主持人嘟嘟似乎唔多投入當中娛樂氣氛。非拍攝時間，她都是坐埋一邊發呆，與其他人保持距離。

抄橋
《逐格鬥》了無新意，其中踩石春路環節，在以往《獎門人》中亦見慣。