明星靚相大分享☆

30歲已屬中女嘅 Niki心急嫁人上岸，可惜未來老爺、奶奶都唔鍾意佢， Niki真係要搵家姐教路。
封面
男家反對　上岸撻 Q　貪錢周麗淇榨乾紗廠闊少
2010年03月10日
自從去年姣佘出手搶霉穎，輸家 Niki周麗淇避走大陸搵銀，感情似冇着落，原來係收埋瘟仔，與富豪仔暗交 1年多。
Niki新歡名叫 Eric卓，為毛紗廠太子爺，上週四（ 4日）更被本刊獨家拍得二人同車私會，再直上 Niki曼克頓山 1號香閨。據知急住嫁人上岸的 Niki，卻未得未來奶奶歡心，更被男方家長認定貪慕虛榮。 Niki想升呢做卓太，隨時撻 Q。
互動片段

周麗淇跑馬地私會闊少
 
Kathy對細妹 Niki照顧有嘉，除咗公開寸「佘穎戀」話想劏「佘」，更幫細妹搵筍盤。《忽然 1周》圖片

30歲中女周麗淇 Niki，對溝紡織界筍盤甚有計仔， 06年就曾與莫少聰外甥、老豆為紡織業商家嘅 Jordan Wong傳緋聞；今次新歡 Eric，其家人亦同紡織有關，卓家為金徽毛紗廠老闆，主要出口毛紗到韓國，除咗喺葵涌總部外，更在東莞設有廠房，卓家更住在西貢碧濤花園價值 3千萬獨立屋。
家姐搭路
Niki今次搵到筍盤，全賴家姐周汶錡 Kathy幫手。據知經常同富豪食飯嘅 Kathy，亦認識不少闊少，而 Niki被霉穎飛甩後， Kathy急忙為妹妹搵「碼頭」，不時帶佢出席飯局。據知情者透露：「年幾前 Kathy同朋友食飯帶埋 Niki，佢就喺嗰日識到 Eric喇。 Niki知 Eric嗒佢糖，即刻搶攻啦，好快佢哋就拍拖！」 Niki主動出擊，三兩下手勢已經姣掂 Eric，上年二月正式拍拖。

急返女竇
由於紗廠太子爺 Eric父母反對， Niki甚少前往卓家位於西貢的獨立屋， Eric惟有迫住上 Niki曼克頓山 1號香閨。
 
身高約 5呎 9的 Eric官仔骨骨，個樣都算靚仔。兩人返竇時都甚有警覺性，就算返到 Niki屋企，都前後腳女先男後上樓，兩人仲好醒目，周圍望怕有人跟。

日日陪打機
難得釣到金龜， Niki亦甚為着緊，公開活動推得就推，據知由於 Eric鍾情打 XBox， Niki就全天候陪打機增進感情，亦唔希望戀情曝光受影響。
人前人後表示單身，繼續扮輸家的 Niki，上週四（ 4日）本刊卻拍得二人密會，當晚 10點 Niki獨自坐的士到跑馬地，警覺性甚高的她周圍望，然後火速跳上早已守候多時、男友的 Benz跑座駕，之後 Eric更火速踩油到 Niki居住嘅曼克頓山 1號。

等仔
上週四（ 4日）新歡 Eric忽然駛車到跑馬地入英皇駿景攞嘢，被迫留喺車廂嘅 Niki即刻縮低個身傾電話。
 
跑車接
Eric 5分鐘返回座駕，駕着 50萬的 SLK350火速返回 Niki曼克頓山 1號香閨， Eric Cheuk的車牌字頭，亦以其英文名縮寫 CE做登記。

「呢個女人貪慕虛榮！」

好朋友啫！(真實對白)
週一（ 8日） Eric被問到同 Niki關係時， Eric甜笑否認：「好朋友啫！」

一心上岸嘅 Niki，又點會甘心日日陪男友打機咁純真。近年工作不多，但就愈着愈貴，其實全靠 Eric背後科水。心急 Niki更希望變上等人，試過睇中 Eric家姐的保時捷座駕，半年前趁 Eric家姐離港，即叫 Eric攞家姐架跑車嚟揸，女友要求 Eric當然冇托手踭，只可惜揸咗冇耐，即被卓母發現，又命令 Eric收回。
據卓母身邊好友透露：「 Eric好孝順，條件又好，佢兩老都覺得 Eric可以搵個好啲，嗰次 Niki偷揸波子，令佢哋睇清楚呢個女人，仲同個仔講：『呢個女人貪慕虛榮！』」不過 Eric愛淇心切迷晒落去，據其身邊友人透露， Eric對 Niki「手鬆」之餘，仲甚為緊張，試過為 Niki在朋友間流下男兒淚，真係愛得冤！
卓母：唔識佢！

邊個嚟 o架？唔識喎！(真實對白)
拒認仔女友︰ GEric父母見到記者都好友善，問兩老對 Niki評價，卓父諗一諗先話：「邊個嚟 o架？唔識喎！」隨後卓母就補充：「出心做朋友一定唔抗拒。」 Niki冇心咩？有骨喎！

雖然父母極力阻止，不過 Eric對 Niki死心塌地，更因此同家人嘈交，只可惜貴為紗廠太子嘅 Eric，現時幫手打理家族生意，但實質揸手嘅物業同工廠股份都冇，就連溝女戰車 SLK 350都屬父母公司名下。本週一（ 8日） Eric離開公司，對同 Niki戀情就甜笑不作回應。

F：《 FACE》　 E： Eric
F：係咪同 Niki拍拖呀？
E：唔係！唔係！（甜笑）我哋係好朋友啫！
F：係咪好事近？
E：未！未！
對於 Eric同 Niki拍拖，卓家兩老口徑一致，見到 Niki張相都話唔識：「邊個嚟 o架？唔識喎（介唔介意佢同 Eric一齊？）出心做朋友一定唔抗拒。」
至於 Niki所屬的 BMA唱片公司董事總經理 Raymond則話：「我冇聽過 Niki話要結婚，佢啱啱先同公司續咗約，遲啲會出碟，家手頭上仲傾好咗幾個廣告代言添！（係咪同闊少拍拖？）藝人私人嘢，我哋唔理！」
低調富豪
Eric父親卓仕章為金徽毛紗貿易有限公司老闆， 1986年創業，喺東莞有幢三層高嘅毛紗廠，香港辦公室喺葵涌，市值 220萬，而卓家 4口就住喺市值 3,000萬的西貢碧濤花園，亦有幾部靚車，除咗 Eric揸嘅 SLK350，更有 E350同埋令 Niki流晒口水嘅波子，絕對係低調富豪。

「金徽毛紗貿易有限公司」的香港辦事處設於葵涌大街，卓家喺 91年以 122萬買入，家市值 220萬。

卓家於 97年 12月以 2,600萬買下碧濤花園，家就市值 3,000。 90年代卓家已有貨。

學識低調
Niki以前拍拖就算冇親口承認，都極高調默認，同初戀情人、製衣少東 Jordan就試過戴「 JN」英文名縮寫情侶頸鏈，同鄭嘉穎拍拖，人前人後都表現親暱，但今次同 Eric拍拖成年超低調，慌死人知。睇嚟 Niki今次好認真，諗住一擊即中上岸。

04年同鄭嘉穎拍《翡翠戀曲》時撻着，相戀 4年後，其後多次合作不時晒恩愛，可惜之後因佘詩曼介入，最後不歡而散。《忽然 1周》圖片
 
對於周麗淇另結新歡，阿佘週一為《公主駕到》開廠時表示冇回應，亦不願意拍照。
 
除咗鄭嘉穎， Niki同初戀情人 Jordan拍拖最耐，更喺 06年 8月帶住 JN（ Jordan及 Niki英文名縮寫）的情侶頸鏈出席自己生日聚會。《蘋果日報》圖片
 
係 Niki初戀情人嘅製衣少東 Jordan（左）其實相當神秘， 06年有週刊影過的，其實並不是 Jordan真身，但唔重要啦， Niki已有新歡 Eric！

無心戀戰
01年出道嘅周麗淇，初出道時亦係宅男殺手， 04年同鄭嘉穎拍《翡翠戀曲》撻着，之後以情侶檔拍過《天幕下的戀人》和《最美麗的第 7天》，但自從「佘穎戀」後， Niki冇眼睇轉戰國內，有傳賺過百萬，但隨着同紗廠闊少 Eric拍拖後鬥心大減，想做闊太多過想做一姐。

關心妍離巢去咗 Neway， Niki順利升做 BMA一姐，可惜 Niki想做闊太上岸，鬥心一定唔強，不如捧瑤瑤好過囉！
 
以往南華搞活動，會搵 BMA一姐 Niki撐場，但據知自從 Niki唔太積極，只肯做搵真銀嘅廣告工作後，南華惟有搵陳法拉代佢。
 
Niki曾表示過今年會積極歌、影、視發展，新碟 5月會出街，不過最近一次上《勁歌金曲》和出碟（右圖）已係上年 9月嘅事。

Niki同大劉女友甘比（陳凱韻）超 friend，唔知甘比有冇教佢點樣氹掂卓家兩老呢？

富貴出面
一直希望似好友甘比一樣富貴嘅 Niki，雖暫時未做到闊太，不過有闊少 Eric照顧亦愈着愈富貴，出入都周身超級名牌。

Celine裙$44,000
唔只袋用尊貴嘅 Hermes，就連出活動套衫都愈嚟愈富貴。《蘋果日報》圖片
 
同過氣師姐關心妍一齊睇演唱會， Niki都帶住個 Hermes，估值約 10萬。《忽然 1周》圖片
 
就算自己平時出街， Niki都揸住價值約 5萬嘅 Hermes袋。《蘋果日報》圖片
 
98年， Niki未入娛樂圈做模時，包包面加勁哨牙，要戴牙箍嘅佢超嚇人。