房祖名同薛凱琪（ Fiona）喺 05年合作《早熟》後就傳緋聞，傳足 4年幾兩人一直唔認拍拖，舊年有指 Fiona難忍祖名花弗性格而怒斬情絲，不過最近兩人又為新戲《分手說愛你》再次碰頭，噚日仲一齊喺尖沙嘴為電影宣傳接受訪問。
專吼台灣妹
但就喺訪問期間，祖名忽然收到一個台灣長途電話，之後佢就面色一沉，顯得好唔開心，佢即刻自爆話早前去咗台灣為唱片宣傳，其間約會過兩個女性友人聚舊，之後仲三個人一齊買消夜返咗祖名下榻嘅酒店，點知好衰唔衰佢一拖二返酒店嘅情景就被台灣狗仔隊拍低咗。其實祖名經常喺台灣俾人影到同女伴夜蒲約會嘅相，今年 3月佢喺台灣俾狗仔隊影咗同身材弗爆嘅混血熱女郎逛信義誠品書店，加上佢嘅緋聞對象亦離唔開台灣女星戴佩妮、梁靜茹同蕭亞軒，祖名似乎對台妹情有獨鍾，不過祖名噚日就唔多滿意咁話：「朋友唔係男就女，大家又唔係表現得好親密，聽到後都好唔開心，其實本來冇事嘅，只係朋友借咗架 600萬港幣嘅勞斯萊斯畀我揸，全台灣只係得十架，可能太過招搖先俾人跟，下次唔會再揸呢啲車。」
放大圖片 
房祖名噚日受訪時自爆被台灣狗仔隊拍到一拖二返回下榻酒店。
放大圖片 
薛凱琪同房祖名傳緋聞傳足 4年多，但兩人從未承認戀情。 資料圖片
Fiona贈興
而同場嘅過氣緋聞女友 Fiona雖然力撐祖名拖女返酒店食嘢好正常，但同時又似有所指咁話：「佢咁醒，有嘢就唔會畀人影，唔會喺正門入去咁大模廝樣啦，相信佢為人唔會咁做。」 
今年 3月房祖名同火辣巴西日本混血兒到台北市信義誠品逛街。 資料圖片
全站熱搜
留言列表
