作為一家之「煮」，當然都想將廚房搞到Colourful，既能刺激我嘅創作靈感，又唔怕响廚房匿得多變黃面婆！丹麥品牌Bodum推出好多七彩繽紛嘅咖啡壺、廚具，款款都又靚又實用，真係魅力沒法擋啊！
叻太一向都係丹麥品牌Bodum嘅粉絲，品牌始創於1944年，歷史悠久，並一直以「Give up bad design for good」為設計理念，保留傳統風格之餘，亦不斷設計及生產多元化嘅家居、餐用及煮食用產品，既實用又為家居帶嚟無窮驚喜。今個夏天，Bodum就主打為經典咖啡壺系列推出高雅嘅金色不銹鋼款式，並推出多款方便咖啡壺，無時無刻幫你醒醒神！ 紀念愛爾蘭設計大師Eileen Gray而發行，咖啡壺嘅通花外框設計美觀精緻外，更具多重保護性a。方形圓柱手柄設計，切合手形，令人可同時一手握緊兩個咖啡壺，難怪一推出即廣受巴黎大、小咖啡店所喜愛。$560至 $780 以硼矽玻璃製成，輕巧、美觀、實用，而且有唔同大小、顏色選擇，附設嘅凹凸坑紋防滑圈，除可防滑亦避免雙手攞熱飲時會燙傷，用作甜品杯亦冇問題。$120至$320/2件 結合咗Coffee Maker及Travel Mug製作而成嘅旅行咖啡壺（Travel Press），唔使花時間等咖啡沖泡好。防漏設計方便隨身攜帶，加上Double Wall設計，咖啡得以長效保溫，而今夏最新款除有搶眼嘅藍色、黃色選擇外，更設有飲用開關口，去到邊飲到邊。 $280至$320 Joseph Joseph新出Y形調味瓶，內膽細分為兩格，一邊放鹽一邊放胡椒粒，更可隨意調校粗幼大小，磨出理想嘅胡椒粉。整個瓶身均由高級陶瓷製成，防腐蝕損壞達10年。$480 除咗Bodum值得推介外，嚟自荷蘭嘅餐廚品牌Rosti Mepal，設計同樣色彩奪目，而英國品牌Joseph Joseph則以外形取勝，望見即刻醒神！ Rosti Mepal最新抵港嘅Loomm bowl碗子，首先將要煮熟或翻熱嘅食物放入以耐熱塑膠外殼盛載嘅陶瓷碗，再將磨沙膠蓋反轉放在碗上，然後直接放入微波爐，由於外面有一層隔熱塑膠外殼，所以叮好後徒手從微波爐攞出嚟都唔怕燙手，即時仲可以上枱享用美食！$180/隻 查詢：2968 1088 細時睇王司馬嘅《牛仔》漫畫，深深被牛仔牛爸嘅父子情所感動，記得當年知道王司馬不幸早逝，《牛仔》被迫停刊，我都有灑過幾滴男兒淚！估唔到今年書展，竟然畀我遇上重刊嘅《牛仔》，二話不說就買晒成套漫畫，仲即晚成為叻仔嘅睡前讀物。本地漫畫向來打打殺殺當道，難得有呢一股清泉，作為家長，真係120分支持！ 《牛仔》 作者：王司馬 定價：$40/本、$120/一套三冊 放暑假，日日跟媽咪去買餸都搞到成身大汗，返到屋企，第一件事就係想沖個泡泡浴！咁啱媽咪買咗個超級得意嘅Bubbles貴婦狗沐浴露/洗髮液/洗手液瓶，只要輕輕按佢可愛嘅頭頭，就可以唧出沐浴露，分別有黃、紫、黑、粉紅、粉藍和白色6種顏色選擇，我問媽咪呢隻狗狗咁得意，可唔可以買多幾個？點知媽咪話：「係Pylones嚟o架，成百幾蚊個呀！唔好話畀爸爸知呀！」 帶Bubbles狗仔回家，為你嘅浴室增添色彩趣味！$180/件 最細個表妹Zita係今年末代會考生，佢依家等放榜，有時都會嚟同我Tea兼同囝囝玩，好抵錫！見佢咁乖，咁啱知道本地插畫師John Ho同荷里活廣場合作，推出「愛在風雨中」雨傘，表達灌注滿愛嘅人生，就無懼風雨障礙，亦藉此鼓勵本屆中五學生，希望各位考生明白會考只係人生小小里程碑。由8月4日起（會考放榜日），只要消費滿$800或以上（以兩張當日收據計算），並捐款$10予香港公益金公益服飾日，即可免費換領，而本屆會考生更有特別換領優惠，等我都換把送畀佢，知道我呢個大表姐好撐佢！ 換領日期：8月4日至換完即止（數量有限，先到先得） 換領時間：12:00nn至10:00pm 換領地點：鑽石山荷里活廣場客戶服務中心 查 詢：2118 8811
Eileen系列咖啡壺
簡單嘅按壓式設計，能帶出咖啡真正嘅香濃及味道。
放大圖片
旅行咖啡壺（Travel Press）$280至$320
夏日炎炎，出外最好帶備飲品，旅行杯特設防漏設計，瓶身以塑膠及硅製成，既堅硬又輕便。$100至$120
PAVINA系列水杯
Chambord系列咖啡壺，頂蓋用咗新改良嘅開關設計，加強防漏。$540至$920
Joseph Joseph新出Y形調味瓶 $480
Rosti Mepal最新抵港嘅Loomm bowl碗子
Rosti-Mepal隔蛋匙能輕易置於碗上，一次過將蛋白、蛋黃分開。$28
Rosti-Mepal計時器
同場加映：
重現溫馨父子情
貴婦狗沐浴瓶
全城齊撐會考生
(左)Eileen系列咖啡壺$560至 $780(右)PAVINA系列水杯$120至$320/2件
留言列表
