「o靚模始祖」Angelababy在日本紅爆，不甘示弱的諸葛梓岐與周秀娜（Chrissie）同樣殺入東瀛搵食，Baby坦言沒有將任何人放在眼內，Chrissie反贈言Baby要睇長遠。至於諸葛早已灌錄好唱片，並改用新名「MZ」攻日，三人實行由香港鬥到日本，誰勝誰負，不妨拭目以待！
Baby在日本逐漸吃香廣告界，無懼諸葛梓岐及周秀娜強攻。
行運一條龍的Baby由香港紅到日本，透露下半年會全力發展電影事業，但為保日本不失，一有檔期便會趕回日本：「可以喺日本發展已經係夢想成真，我會努力工作，答謝大家支持。」對諸葛闖日本樂壇Baby全不放在眼內，坦言不視對方為競爭對手：「我唔會當任何人係競爭對手。」言語間包括Chrissie也不放在眼內，甚至對月尾攻港的日本藝人土屋安娜，也覺得對她沒有威脅！Baby更覺自己幸運，「愛情、事業」兩得意，人生、心靈都好滿足。
另外，Baby早前錄製的玻璃唱片連同她在廣告中所穿的紅色連身裙，同放上拍賣網站出售，至昨晚九時截標，吸引不少網友競投，結果以36萬1千日圓（約3萬3千港元）成交。
寄語要睇長遠
加入戰團的Chrissie下周二（17日）將到日本三日，為寫真集舉行簽名會兼與日模藤井莉娜（Lena）拍平面內衣廣告，有電視台接洽她，可惜沒有檔期，稍後更為TGC時裝騷試身。對Baby沒有視她為競爭對手，Chrissie說：「咁嚴重！我嘅諗法係贏咗自己先算。（佢係你對手？）唔敢當，我覺得日本有得做就開心，我對自己有信心，總之呢啲要睇長遠。」
周秀娜寄語Baby做事要睇長遠。
諸葛梓岐將在日本出唱片，日前她跟環球的兩名高層密會。
周柏豪勸fans
至於諸葛早前已靜悄悄地灌錄好新歌，下周便赴日本為新歌拍攝MV，圖挽回「失地」，她將棄用諸葛梓岐改用英文名MZ（Marie Zhuge的縮寫），她說MZ這個新名等如不同名字代表不同身份，感覺很有趣。
另方面，周柏豪在電台接受訪問時表示，與Baby在洛杉磯拍完adidas廣告回港後將二人的合照放上微博，隨即惹來Baby的fans不滿，揚言要自殺，兩人的fans更爆發罵戰，他勸兩邊fans不要互罵。
Baby東瀛升呢目中無娜
o靚界阿姐Angelababy與周秀娜鬥足兩年，Baby最近主力攻日，娜姐也跟足咬住唔放！不過Baby未驚過，豪言不會視任何人做競爭對手，擺明目中無「娜」！ 貴為「o靚模鼻祖」的Baby，自去年遇上「天敵」周秀娜後，兩人無論在電影、寫真、甚至攻日都鬥得你死我活！雖然Baby早於去年已埋手攻日，搶去日本天后安室奈美惠的廣告代言身份，又出碟打入當地樂壇，似乎已站穩陣腳，但她對周秀娜心存避忌，多次出言暗踩對方唔同級數！ 直至最近，成功脫「o靚」的Baby，在寫真戰中已講過不會跟周秀娜競爭，近日她接受本報專訪時，被問到周秀娜、諸葛梓岐（Marie）等同樣攻日時，她即豪言不會視任何人為假想敵：「我不嬲唔會當任何人係競爭對手！」擺明指二人不夠「呢」！對於有傳日本名模土屋安娜攻港，Baby也不放在眼內：「唔清楚，總之對我冇威脅！」為兼顧港、日兩條戰線，她表示會港日兩邊飛：「我下半年會全力發展電影事業，如果檔期許可，我都可以趕返日本！可以喺日本發展已經係夢想成真，我會努力嚟答謝大家！」記者笑她事業愛情兩得意，她甜絲絲說：「人生同心靈都好滿足！」 另一邊廂，周秀娜亦死跟Baby，本月17日飛往日本為寫真造勢。據知3日行程緊湊，除了搞簽名會外，亦會與日模藤井莉娜（Lena）拍攝內衣廣告，期間更會為下月4日舉行的Tokyo Girls Collection試身。對於Baby暗指不放她在眼內，身在盤龍峽的娜姐說：「咁絕？咁我都同佢一樣，鬥贏自己先啦！日本始終係一個國家，好難攻到入去，真係要投放好多時間，我會學好日文先囉！」至於Marie亦已錄好新歌，下周赴日拍攝MV，成為與日本環球合作的處女作。她更把Marie Zhuge縮寫成「MZ」闖日：「唔同名代表唔同身份，好有趣！」 專案組
周秀娜於盤龍峽任「私影模」，雖然打扮密實，但仍擺出咬手指等煞食甫士。
諸葛梓岐得好友王友良幫助，順利過日本發展。
周秀娜：咁絕？
Baby已「2字頭」大個女，打扮亦漸趨成熟，散發淡淡女人味。
乜都鬥一餐
Baby與周秀娜近年極速彈起，除了在本地鬥到難分難解外，最近更齊齊攻日，可謂一波未平一波又起！ 攻日 同樣獲邀行Tokyo Girls Collection，今年影日本漫畫雜誌攻陷宅男，被封「香港o靚模寫真女王」，本月赴日為寫真搞簽名會。 電影 擔正《惡胎》、《殭屍新戰士》及沙灘排球電影，據知她接拍《惡胎》時開價5萬元一組戲！ 寫真 連續兩年成為寫真女王，去年更推出人形攬枕，話題多多！今年的寫真集更推出3D版DVD及浮床等產品！ 攻日 去年成功攻日，獲邀行Tokyo Girls Collection，被封「香港女神」！最近取代安室奈美惠成為沙宣代言人，推出日本唱片！ 電影 今年兩部賀歲片《花田囍事2010》及《全城熱戀熱辣辣》均獲好評，片酬更高達20萬元，有價有市！ 寫真 去年的寫真集銷量超過2萬本，今年推出的告別作《Paradise》強勢持續，衝破2萬本關口！
周秀娜
Baby
玻璃唱片Set $33,000成交
自去年簽約avex後，Angelababy積極在日本作多方面發展，上月更強勢殺入當地樂壇，為代言的洗髮用品唱廣告歌《Beauty Survivor》，備受注目！該曲日前被製成獨一無二的玻璃唱片，連同Baby在廣告中穿着的紅色連身裙，一同放上當地的拍賣網站一Set過出售，吸引不少網友競投！香港時間昨晚9時截標，結果錄得180次叫價，並以361,000日圓（約33,000港元）成交！
Baby新碟推出特別版，引起網民狂Bid。 資料圖片
柏豪上載合照接死亡預告
周柏豪昨日出席活動時透露，剛與Angelababy於洛杉磯拍廣告返港，由於二人早已認識，故合作愉快，還相約行街拍照，怎料當他將相片放上微博後，竟引起Baby的粉絲呷醋，有人留言狂插柏豪：「你係咪鍾意Baby啊？成鬼日發Baby嘅相！真係飽死！」甚至以死相脅！而柏豪粉絲亦留言抗議：「你不要愛上她，我們會心碎的！」 柏豪無奈地說：「有Baby嘅粉絲喺我個微博留言，叫我唔好打Baby主意，唔係就跳樓死！我覺得好誇張，粉絲都話佢諗多咗，叫佢唔好咁，我就留言叫粉絲唔好嗌交！（怕唔怕『海綿蛋糕（黃曉明）』呷醋？）我唔識佢，幻想唔到佢感受，不過我唔會做第三者！」
周柏豪上載與Baby的踎街照，想不到招人妒忌！
柏豪對於被狂迷威脅，大感無奈！
微博貼合照惹狂插周柏豪：唔會打 Baby主意
其他娛樂名人影片
黃曉明同 Angelababy雖然冇承認過拍拖，但係呢段地下情其實已經人所共知，近日周柏豪無厘頭做咗佢哋嘅第三者，仲俾 Baby嘅 fans喺微博度留言狂鬧。
放大圖片 
周柏豪將同 Baby嘅合照放上微博公諸同好，點知就惹起對方嘅 fans反感。
放大圖片 
周柏豪同 Baby啱啱去完洛杉磯為運動品牌拍廣告，兩個喺街頭擺甫士影相留念。
引發 fans罵戰 放大圖片 
21歲嘅 Baby着上 Valentino紅裙拍台雜誌封面，展現成熟嘅一面。
噚日周柏豪現身 RoadShow嘅寫字樓接受訪問，佢透露啱啱先喺洛杉磯同 Baby拍完 adidas廣告返香港，難得咁開心，周柏豪咪將同 Baby喺當地嘅合照貼上微博，點知就惹到周身蟻，佢話：「有 Baby嘅 fans留言叫我唔好打 Baby主意，佢仲以死威脅，我咪同佢講話唔會。」但周柏豪嘅 fans見佢俾人鬧梗係代佢出頭，佢話自己 fans就問嗰位 Baby嘅 fans，係咪佢自己諗多咗，結果就引起罵戰，搞到佢要出手安撫。怕唔怕黃曉明呷醋先？周柏豪表示：「呢樣我冇諗，我都唔識佢，我真係幻想唔到佢嘅感受，不過我係絕對唔會做第三者。」雖然今次個 trip搞出個大頭佛，但係周柏豪對呢個行程好滿意兼好開心，因為佢喺當地受到好好嘅招待，佢同 Baby都有一架旅行休息車跟出跟入，唔怪得周柏豪話覺得自己好似巨星啦！
Baby大喊減壓
此外， Baby上年成功晉身日本市場，今年就積極打入台灣市場，仲榮任台版《 Vogue》 8月號封面女郎，大講入行以嚟嘅心路歷程，不過就冇提感情事，訪問中 Baby仲透露喺日本工作壓力好大，仲要大喊嚟減壓。除此， Baby都成為咗《 S Cawaii》同《 Glamorous》兩本日本雜誌嘅封面女郎，佢都算巴閉。 
Baby將積極攻台，佢接受台灣雜誌訪問時，完全不談及感情。
留言列表
