無論樣貌定身材，都被人視為完美的陳法拉，早前秘密接受第三度加工，今日首度公開。究竟有咩唔同？她微笑不語，到她張開口大笑才見到端倪，原來是戴了透明牙箍！已三度箍牙的她，達成未了的心願，從此可以擘大口放聲笑餐飽。記者：吳允冲攝影：楊錦文（陳法拉）、陳陶鈞（ Makeup）Makeup: Annie G. ChanWardrobe: tout a coup
其他副刊影片 鋼牙少女 放大圖片 
■箍牙後自信笑容返晒嚟，法拉：「揀男友，一定要牙靚，同埋要無口臭！」
由參選國際華裔小姐開始，直到成為花旦，陳法拉的美貌一直備受認同，雖然無相為證，但原來她中學時亦有一段 Ugly Betty的日子，鋼牙可謂伴着成長，「我本身牙齒咬合唔好，下排牙齒向入，所以 12歲開始就箍牙，是傳統鋼線牙箍。」之後突然長出智慧齒需要剝牙，便拆除牙箍，到第二次戴上，中途又要選華裔小姐，一次又一次將鋼牙拆掉。直到最近，才再次接受牙齒矯正療程，戴上的隱形牙箍，這第三次接觸，她自言好舒服，「以前貼鋼會令到嘴唇凸出，初初箍時直情完全食唔到嘢，用隱形牙箍就對飲食完全無影響，好開心。我日日 Keep住戴，完全無影響拍劇，除咗拍大頭 Shot時會除牙箍，平日講對白都無問題。」
箍唔完手尾長 放大圖片 
屢箍未成的法拉，牙齒有中線移位的問題，因她第一次箍牙時剝了一隻牙，其後又未能完成療程，位置未拉好，令牙齒有偏向左邊的問題，雖然牙齒不是完美，但她從不介意，自言最愛大笑，「身邊好多人笑時有好多顧忌，我不嬲都開朗，唔會諗棚牙，一定笑咗先，唔會刻意遮住。」牙形不算整齊，但她平日護牙絕不鬆懈，「我好鍾意食甜嘢，尤其是朱古力蛋糕，所以我隨身帶住牙刷，食完嘢就刷牙或漱口，飲菊花茶、汽水時一定用飲管。愛護牙齒唔單止要箍牙令牙形整齊，顏色、質地都要留意。其實箍牙唔止為咗靚，亦對牙齒健康好重要，好似我有一隻門牙本身歪咗，撞到下面隻牙有裂紋，到老年會爛、會壞，箍牙可以避免這問題。牙齒跟着我一世，我一定會好好 Take Care。」
唔做白姐姐
做藝人，無論唱歌拍劇，牙齒都好重要。原來法拉剛簽約唱片公司，正籌備處女唱片，近日亦在烈日下埋首與劉璇、黃宗澤拍新劇《女拳》，「呢排好熱，出外景好辛苦。《女拳》是民初背景，講述幾個女強人，點樣在男人當道的社會中，用自己方法爭取權力的故事。」每日在烈日下暴曬，思想阿 Q的她雖會搽美白用品，但對膚色不是很着緊，「皮膚黑就會顯得牙更白，你睇黑人就知啦！」
美國 invisalign隱形牙箍 放大圖片 
矯齒療程採用 3D電腦技術度身訂做，並以醫學用的透明塑膠製造，只要每兩星期自行更換新一副隱形牙箍，它便會逐漸地移動你的牙齒，直至把牙齒矯正整齊。療程收費因個別情況及牙醫而異，較傳統金屬矯齒療程貴約 30%。
放大圖片 
■進食及刷牙時更可自行除下。
放大圖片 
■戴上了也難被察覺。按情況箍 4-36個月。
查詢： 3106 8677
大翻身真人騷 放大圖片 
化妝師 Will Or
「箍咗牙啫！」不少原本臉圓圓的女星，突然「變臉」，圓潤面珠變成瓜子口面後，都以箍牙為擋箭牌，名單包括周麗淇、周汶錡、江若琳等。究竟箍牙係咪除了能令牙齒變得整齊，仲可以有瘦面變靚的功效？今次找來兩名隱形牙箍使用者——學生 Megan同 OL Debbie，再經星級化妝師 Will Or出手，睇吓箍牙加上化妝後，係咪真係醜女都可以大翻身？
Case 1：麪包超人變瓜子口面 放大圖片 
學生 Megan因為牙齒下排有齙牙而使用隱形牙箍，本身臉形亦有 Baby Fat，常被嘲面肥，肥面視覺也使眼細看來欠精神。她花年半時間箍牙後（療程費用$45,000，收費因個別情況而異），包包臉 Bye Bye，加上 Will的「減肥」妝重點將面形變尖，眼妝亦令雙眼更有神采，整體比以往更 Young更可愛。
放大圖片 
放大圖片 
藍綠色 Eyeshadow散發夏天感。
放大圖片 
放大圖片 
放大圖片 
將胭脂集中由顴骨掃向面珠，可令面形睇落更瘦。
放大圖片 
最後加上粉紅色唇彩便告完成。
Case 2：唔做哨牙珍嫁得出
OL Debbie天生假哨牙，牙齒咬合有問題，臉形脹如咬着兩個叉燒包。為了儀容，她決定以隱形牙箍箍牙。「唔辛苦，好開心。」是她兩年箍牙歷程的結語，「我要剝 4隻牙先箍得，情況算複雜，但過程真係唔辛苦，我瞓覺都戴住。初時感覺有少少 Pressure，但一兩日就習慣，而且每次更換係越戴越鬆，食嘢時又可自行拆除，完全無影響食慾，連咬字 Speech我都一日內適應。」箍牙後兩頰變尖，被人讚是瓜子口面，難怪花了五萬都說值得。今日加上 Will的妙筆減腫，變身成功， Debbie好開心咁話終於嫁得出，面形尖晒後自信返晒嚟，更籌備去關島等地影幾輯結婚相！
放大圖片 
放大圖片 
放大圖片 
放大圖片 
放大圖片 
在臉上掃上 Highlight可突出面部輪廓及令下巴變尖。
放大圖片 
啡眼影有消眼腫效果；眉骨 Highlight則突出輪廓。
放大圖片 
假睫毛令眼變大；下眼線則對內雙眼皮的人很重要。 
■做過兩次鋼牙妹，法拉話用隱形牙箍箍牙舒服得多。
留言列表
