賭王千金何超雲 10月將啟程往倫敦，入讀有時裝設計師搖籃學府之稱的 Central Saint Martins，明知校內卧虎藏龍，超雲指首先不多想要有甚麼成就，大前提是做好本份。她早前先投入另一角色以模特兒身份，示範風格不同的 Carnet珠寶， Carnet設計師張王幼倫大讚超雲能自然入戲，活潑或優雅的設計她都能駕馭得到。
放大圖片 
Meandering Time黑、白鑽鑲珍珠陀錶Tassel Flower18K白鑽黑鑽戒指Tassel Flower18K黑、白鑽鑲珍珠耳環（全部未定價）
貴為何家淑女的賭王千金何超雲，佩戴珠寶的機會自然較同齡女生來得早，她指自己愛欣賞珠寶，也對設計珠寶萌生濃厚興趣，她說：「細個已經鍾意金光閃閃嘅嘢，自然鍾意欣賞珠寶，甚至想做珠寶設計師。我知道做珠寶設計係一門好高深嘅學問，我第一眼係會留意成件珠寶嘅 design、 shape，亦都會留意唔同珠寶戴喺唔同年紀、膚色嘅女人身上，都會有好唔同嘅效果。」
對於張王幼倫的珠寶設計，超雲說：「 Carnet好 charming、好 feminine，線條好有 flow，成功嘅珠寶應該係可以唔受時間潮流限制， Carnet就有呢份魅力。」張王幼倫則對超雲示範甚有搖滾味、 classic style或極有 flow的 tassel design，都恰如其份各有美態，大讚世姪女說：「超雲真係幾叻 role playing，戴唔同 style嘅珠寶都投入到唔同嘅角色。」
放大圖片 
放大圖片 
Azure Sea白鑽藍寶石及珍珠鉑金胸針18K白金白鑽藍寶石手鐲、耳環
放大圖片 
放大圖片 
Musical Cloud 18K灰鑽白鑽戒指Musical Cloud 18K灰鑽耳環Orchid 18K白金白鑽黑鑽手鐲
視自己為對手
對珠寶設計產生濃厚興趣的超雲，坐言起行報讀倫敦設計名校 Central Saint Martins，花了半年時間才獲 Saint Martins接受申請入學， 10月會先入讀基礎課程，她說：「我係張白紙，呢個係一個好興奮嘅新嘗試，先打好基礎，我都未知自己對邊類科目最有興趣或者有天份，希望可以慢慢靠觸覺去搵啦。」超雲續說：「我知道入面一定係卧虎藏龍好多對手，不過首先嘅本份係做好自己，自己先係自己嘅對手嘛。」 Saint Martins盛產明星如 Stella McCartney，超雲說：「我諗都冇諗過做第二個 XXX，不如做番唯一一個何超雲啦。」
放大圖片 
放大圖片 
Cecilia鉑金白鑽頸鏈Blanche de Carnet白鑽戒指Dew Drop 18K白金、鉑金鑽石耳環
放大圖片 
Mosaic鉑金白鑽戒指Diamond Ring Drop18K白金白鑽吊墜耳環
放大圖片 
Floral Fantasy18K白金及鈦黑、白鑽鑲紅寶石、粉紅寶石及紫晶胸針Floral and Fauna18K白金及鈦鑽石鑲綠寶石、粉紅寶石、藍寶石及紫晶耳環
張王幼倫執着原創 放大圖片 
資料圖片
從事珠寶設計工作有 20年的張王幼倫（圖），為電影《達文西密碼》（ The Da Vinci Code）設計的別針令人印象深刻，跟所有具視野的設計師一樣，張王幼倫只會往前看不作停留，她說：「 The best is yet to come，幫《 Da Vinci Code》做設計唔算係一件傳統嘅珠寶，不過係一個好有趣嘅 project。」對於設計工作，張王幼倫的執着，行內人所共知，她說：「求其做不如唔好做，我唔係做緊麪包，珠寶係 luxury goods， luxury對我嘅定義係生活品質，同埋我好執着原創。欣賞其他藝術品抱住欣賞、尊重嘅心情係好應該，但唔好走去 copy， inspired同 copy只係一線之差， copy兩分鐘就可以，設計最寶貴嘅永遠係原創。」
採訪： Michelle Leung 攝影： Matthew Lam化妝： Annie G. Chan 髮型： YoYo Hui of Hair Culture珠寶： Carnet（太子大廈）服裝提供： Dior、 Valentino、 Yves Saint Laurent場地提供：四季酒店 
留言列表
