明星靚相大分享☆

新一代性女 Vienna夠膽鏡頭前呻吟、教人玩性玩具兼自爆性史，區區叫她教幾招挑起男人慾火的打扮，簡直小兒科，深明男人都愛看女人心口兩團肉的硬道理， Vienna即場示範如何露 Bra晒事業線，男人固然睇嘢，姊妹亦應份學嘢！記者：葉雪芯攝影：陳陶鈞鳴謝： now903成人極品台

其他副刊影片 互睥嚇窒賤男 放大圖片

■說得對，一沙灘比堅尼少女，哪個男人不？

Vienna雖然日日出現在 now903成人極品台大講性事，但不等於她愛親身上陣露肉給人看，她自言骨子裏其實保守過 o靚模，「我自己唔係太鍾意暴露，我鍾意娃娃、公主呢類打扮，內心傾向比較少女化，不過對住男朋友當然又另計啦。」身邊一眾雄性動物非常羨慕 Vienna的男友，認為做她男友真幸福，因為即使她內心如何「少女」，但對住男友一定變身「慾女」，樣樣遷就瓣瓣滿足，包括讓男友大飽眼福，「佢鍾意我着得越低胸越好，又鍾意我着貼身連身裙，又鍾意我着 Deep V，即係要睇到事業線嗰隻，我都會着畀佢睇嘅，仲會着到有咁 Sexy得咁 Sexy，所以我對於點樣着衫可以性感啲好有研究，仲會諗計改衫，或者喺衫裙上面動少少手腳，令平平無凡嘅一件衫變得有睇頭，令男友覺得我係性感女神。」炎炎夏日，男士眼睛即變探射燈，專射向一街女士事業線，男士愛吃冰淇淋，有人認為是猥瑣，但 Vienna卻認為這是天性，是 DNA作祟，「男人天生逢胸必睇，基本上全世界所有男人都鍾意睇胸露肉，就算係個紮晒胸嘅 TB，佢都會照睇。」為滿足男友和工作需要而着性感衫是一回事，但被陌生人的貪婪目光籠罩胸脯，她卻甚抗拒。 Vienna試過行街 Shopping，被男人眼甘甘全程左望右望，焦點當然是胸前兩團肉，「我都幾介意俾其他男人太注意咁實我個胸，咁樣會搞到我周身唔自在，我會睥番佢轉頭，一路睥係咁睥，睇佢知唔知驚，如果佢仲係繼續，我會開聲問佢：『望夠未？』」

女人應份裝假狗

Vienna雖然甚麼都男友行先，但她說有時女人着得性感未必是為男人，「我有部份女性朋友，性感衫係着畀自己睇，係一種自信心表現，覺得自己 Sexy得起，着得出驕人身材，自己望鏡都開心啲。男士唔明呢個女人心態，有啲男士會好大男人，唔想女友俾其他人望蝕晒，有好嘢要留番自己上床嘆。」女士為求衣着性感突出身材，各師各法，不惜出動各種掩眼法，甚至裝假狗也在所不惜， Vienna直言：「係女人都需要裝假狗，呢個係一定嘅，人無完美，想行出嚟靚啲，裝假狗有乜問題？唔夠大就梗係要墊大佢，就算個胸有 D、 E Cup又如何？大都會墮 o架嘛，搵嘢托吓都一定要啦，不過最緊要都係睇場合，唔好係又露唔係又露，或者露得太過份，會俾人鬧 o架！」咦？是否影射某某呢？

放大圖片

■誰不想有浸大 E神的噴血身材？「長平公主」裝胸作勢在所難免。

放大圖片

■嫌煩不想裝假狗？ Fine，一於學莊思敏來個隆胸，一了百了免煩。

Vienna教裝假狗1.中門大開露靚 Bra 放大圖片

■靚 Bra外露托靚胸， Vienna：「吸引過唔着衫。」

Vienna：「好多晚裝都賣性感，身材好就話可以左右露半球啫，要黐膠紙其實都好麻煩，胸形唔靚着上身又會墮奶，索性着個靚 Bra或 Bikini外露仲好啦，托到胸仲可以加 Nude Bra砵仔糕水餃墊，露啲唔露啲咁先誘人。」

2.Tube-Top裙變心形胸 放大圖片

■ Tube-Top裙平平無奇。

Vienna：「平平無奇一件 Tube-Top裙真係無乜睇頭，身材平庸啲，直頭好似包住條浴巾出街咁。我會加個扣針喺乳溝位，令條裙有番 Details，心形胸即時現形，男人鍾意睇女人露波罅嘛。」

放大圖片

■在乳溝位置加金色閃石扣針。

放大圖片

■心形胸現形。

3.吊帶熱褲現胸形 放大圖片

Vienna：「着吊帶褲通常會配背心或者 Tee，咪以為着褲感覺密密實實、條吊帶又鬆鬆哋就無乜特別，查實兩條吊帶剛好跨過胸脯，挺腰收腹再一谷，成條吊帶即時變 S形，令胸部線條更加突出，兩條吊帶仲要喺胸前吓咁，男人睇到，不知幾有幻想。幻想啲乜？自己諗啦。」

4.自改性感背心+不扣鈕熱褲 放大圖片

Vienna：「一件好普通嘅背心，同樣道理，為求露到事業線，不妨在乳溝位置加珠珠扣拉低領口位；或者試試縫金鏈變掛頸背心，剪開背脊衫尾位加珠鏈，又可以突出腰部線條。其實白背心襯牛仔熱褲最好睇，想性感，唔好扣褲頭鈕，咁先夠若隱若現。」

放大圖片

■乳溝位置加珠珠扣拉低領口。

放大圖片

■背心肩帶縫金鏈變掛頸背心。

放大圖片

■剪開背部衫襬，加珠鏈露腰。

逢大必好？大開中門反效果

呂慧儀在港男選舉來一襲鮮紅，一招超低胸直劏領口，事業線固然無所遁形，連左右半球也盡覽無遺，理論上有着等於無着；郭羨妮亦同樣試過玩中門大開戲法，左右半球任睇唔嬲，但卻惹來反感，事實說給大家知，原來露得太多適得其反，不過以上意見只限女士，男士個個睇到流口水。

放大圖片

郭羨妮

放大圖片

呂慧儀

切忌高低胸

隆胸整容易被列為裝假狗之一，港姐出身的陳茵媺都有份被認為是疑似隆胸人物，是否真有其事不得而知，但回看她參選時的泳衣照，嘩，高低胸！現在自然得多，即使無隆過胸，都有理由相信當年她墊過三五七個 Pad出場。

放大圖片

■參選時泳衣照

放大圖片

陳茵媺

Nude Bra甩漏 放大圖片

Lavina

Vienna說得對，不夠大，當然要谷大胸！而最易裝假狗之術，當然是戴 Nude Bra示人， o靚模靠胸上位，照計 Lavina對戴 Nude Bra應該駕輕就熟，偏偏就在這關鍵位穿崩，整個砵仔糕幾乎跌了出來，真的失禮死人！

男人照裝 放大圖片

不只女人有鋪裝假狗劈好，原來男人老狗都有！上 YouTube，找到不少男士教戴 Nude Bra的片段，部份人有易服癖，此圖是挪威易服癖人士 Esben Esther P. Benestad示範如何戴砵仔糕裝假狗，（http://www.youtube.com/watch?v=6aK-D1BW-6w）

，裝得很似，但越似越覺惡心，為免惡心，男士們請不要看。