迷你單反雖甚得潮人歡心，連 SONY亦要加入戰團；但專業級玩家，α單反先至係佢哋最愛，最新型號α 55外形雖無大突破，但使用新半透明式反光鏡技術，自動對焦更可靠之餘，拍片時即使跳住舞都唔怕失焦，包 Sharp！記者：許福合攝影：陳陶鈞
其他副刊影片 半透明式反光鏡
α 55具備首創半透明式反光鏡技術，雖然個樣差唔多，但體形已比傳統單反細些少；新技術是以固定式半透明反光鏡盒，代替傳統活動式設計，光線可穿透鏡片直達感光元件，可大為提高對焦速度，做到實時 AF對焦，α 55連拍達 10FPS，而且係每張相都有 AF，與高階單反真可一拼。新技術同時亦應用在影片拍攝上，當拍高清影片時，亦可做到準確自動對焦，筆者試過拍攝芭蕾舞，即使轉咗幾個圈，都仍然無失焦，臉部五官仍然好 Sharp，感覺比大部份手提攝錄機效果更好。
放大圖片 
■使用半透明式反光鏡技術，以固定半透明反光鏡代替傳統鏡盒。
放大圖片 
■ D-Range光暗反差控制得非常好。
放大圖片 
■攝錄芭蕾舞時，轉住拍都可完全無走焦。
放大圖片 
■因使用半透明式反光鏡，觀景器係電子 EVF。
α機首配 GPS
機背 3吋 92萬像素屏幕，畫面銳利之餘，更可作上下及 270度轉動，無論拍片定影相，都相當實用。α 55加入時下潮玩的 3D全景相功能，只要對景物一掃就可製成 3D全景相，不過要睇番立體效果，就須要經 HDMI駁 3DTV。新機使用 15點自動對焦，並細分為 3個十字對焦區，對焦快捷又靈活。要相片清啲可使用 Multi-Frame NR，佢會將 6張相片進行合成，從而達到減噪效果，適合用來拍攝夜景相片。α 55係首部α相機內置 GPS全球定位，管理相片時可作地點分類，旅行影相最啱。
放大圖片 
■ 3D全景相身須要經 HDMI駁 3DTV睇。
放大圖片 
■ 3吋屏幕，可以上下及 270度轉動。
相片測試10FPS連拍 放大圖片 
連拍 10張相，抽其中 3張作 Sample，留意臉部相當 Sharp，連拍對焦極有水準。
放大圖片 
放大圖片 
一掃全景
使用上認真無得彈，一掃就影到，不過合成時，部份位置仍有瑕疵。
放大圖片 
放大圖片 
Profile 放大圖片 
感光元件： 1,620萬像素 Exmor APS HD CMOS感光度： ISO 100-12,800（ Hi 25,600）快門速度： 30-1/4,000秒連拍： 10FPS屏幕： 3吋 92萬像素 LCD錄影： 1,920× 1,080＠ 50i AVCHD記憶卡： SDHC/SDXC/SD/MS Duo體積： 124.4× 92× 84.7mm重量：約 500g查詢： SONY（ 2345 2966）
同場加映平玩α 580 放大圖片 
同場仲有部α 580新推，定位差唔多，對焦系統亦係 15點加 3個十字對焦，不過α 580就使用傳統式單鏡反光系統，屏幕只能上下反轉，同樣可以攝錄高清 1,920× 1,080i影片，最高連拍速度可達 7FPS，亦都唔錯。 
留言列表
