繼武廣高鐵後，貫通廣州南站到新會及珠海的廣珠城際軌道，也於上周開通了！平時要穿州過省的打工仔最開心，話終於可以變成「一小時生活圈」，而我哋北上東南西北地短線遊，分分鐘快過住新界的小記返將軍澳的公司呀！記者：柴敏攝影： Hot Spring模特兒： Rita@ Inspire鳴謝：康泰旅行社、江門麗宮國際酒店、乳源麗宮國際溫泉度假村、韶關市中國旅行社有限責任公司
其他副刊影片 12生肖溫泉池進補
「夠唔夠？夠唔夠？」更衣室裏清潔阿姐同我用四五條大毛巾包住 Rita。此乃廣東最北，但冬天溫度總徘徊冰點間，溫泉後的山上，隆冬還會下一兩場雪。舊年 1月，韶關乳源縣麗宮國際溫泉度假村開幕試業，山坡上自是散落各種藥材溫泉池、熱石板、熱沙池，同成條泥鯭咁大的魚仔池。導遊：「這個弱鹼性偏矽酸鍶泉（到底有多少人睇一次就讀得出呢？）的水質已達到日本的命名水平，浸完可令骨骼更強健外，還可令牙齒更穩固。」嗯，邊浸邊飲睇吓棚牙會不會白了靚了我就不敢，但係室內區裏倒有好多新鮮玩意。如窗前擺了 12生肖頭像的溫泉池，原來是據該生肖的人的體質特點，加入不同中藥或香薰元素等大家適時進補， Rita：「隔籬嗰個叫五行八卦池，成個七彩洗衣機咁勁 o架！」池水一路係咁洗住你係咁轉，等你走勻五行補充養份那般。然而我還是喜歡游室內池。按摩夠，泡夠泡暖了，一鼓作氣游過大泳池到戶外去，九秒九標上水衝往湯藥池。冷風吹來臉上凉冰冰的，身體卻給泉水泡得火熱，冰火的體驗，皮膚是不是就會變得細嫩滑溜？
放大圖片 
■室內還可在桃花樹下嘆 48℃高溫的池水……雖然，支花係假的……
放大圖片 
■冰火係好玩，但戶外真係好鬼凍，回到室內 spa都係煙霧迷漫。
放大圖片 
■ 12生肖池每個都就番該生肖而加入不同中藥。
放大圖片 
■乳源泉賜你一對翼……
$628拜年@家族別墅 放大圖片 
■滿山都是獨立別墅，適合成個大家族來玩。
酒店座落在平靜鏡湖中央，人人有露台，雖然跌到零度的夜晚，特別係湖上那陣冷風，着實令人思念那軟熟的床鋪，看到穿着浴袍赤住腳去泡溫泉的人，真係雞皮都起埋。溫泉，還是等朝早太陽出來了才去泡吧。且晨早空氣清新，及湖上平靜的氣氛，實在令人可以安安樂樂地發個吽哣充充電。沿山而建是一列的別墅式住宅，一座有成七間房三個廳一個廚房仲有個私家泳池仔，成座租居然只收$8,800！最少可以住成 14個人喎！新年合家歡，每人$628就住別墅包全場玩通宵都得喎！房裏除了基本 DVD機等還備有港人最愛麻雀枱，好！今晚就來場雀王爭霸戰啦！
放大圖片 
■別墅房間樓底好高。
放大圖片 
■主樓建在湖上，浪漫如畫。
a.乳源麗宮國際溫泉度假村地址：韶關乳源縣乳城鎮侯公渡青崗
韶關浸溫泉
好誇張，今程我們搭勻高鐵同城軌，好一條鐵道遊，走遍兩條平時點都不會連成一氣的旅遊線。廣州電視新聞日播夜播，好多客運大巴都話乘客量減剩三成！諗落又係，兩條鐵路好似打通了各地經脈，現在由廣州南站去到中山市汽車站，由以前坐大巴$40人仔/2個鐘，變成家搭城軌$25人仔/28分鐘，走勻全程貫穿廣州、佛山、中山、江門同珠海五市，都係約 50分鐘「 」一聲就到！新鐵路仲要開價最平$8最貴都係$44人仔咋！
放大圖片 
放大圖片 
罪惡之蒟蒻豬手
在度假村最令人驚艷同期待的另一節目，就係食飯！不只為肚餓，而是遠離城市，接近農田的農家菜，新鮮之餘，真係喚起了大家久違了的「雞有雞味、菜有菜味」。
彭公豬手約$68/例牌 放大圖片 
噢~罪惡之彭公豬手！那厚到食蒟弱般的肥豬手，醃到似豬腳薑，淡淡的甜裏吮落又有甘甘的陳皮香。
雞湯浸大布腐竹木耳 約$33/例牌 放大圖片 
爆冷！最快被洗碟的是這道腐竹！正宗客家人只用純黃豆做腐竹，那濃烈而純粹的黃豆香，香港食不到的香滑口味！
金獎陳皮骨 約$57/例牌 放大圖片 
用 20年珍貴陳皮，將豬骨浸過才炸，薄薄脆皮跟厚厚肥膏在嘴裏相融，實在太好吃了！
陳皮酥 約$33/例牌 放大圖片 
唔知有多少層，皮薄勁鬆化的陳皮酥，包住薄薄冬瓜茸與點點陳皮，食完個個落手信舖買盒裝「粗嘢」都要再回味。
出爐世遺 拜過陽元石生孖仔
例牌的行程，泡完溫泉神清氣爽之時，大家會去鄰近的大峽谷散散心。不過要趕在時代尖端，就要去丹霞山了！早在唔知幾多千百萬年前的地殼運動，形成如今壯麗的地貌，纜車上已可望到著名的赤壁丹崖，天色好時，或橙，或黃，彩色的沉積岩，混合着或深或淺的綠樹林蔭，形成天然的奇畫。去年 8月才被正式列入《世界自然遺產名錄》，旅客就嘭一聲增加了兩成達 300萬人！真係一朝得志！咁 300萬人爬上來為睇乜呢？旅行社必定帶你去睇兼拜的，高 28米直徑 7米好似弟弟的陽元石是也！聞說山下順流而去可達多仔村，村裏有一成婦女都興生孖仔，就係因為隔住條河對嚿石日拜夜拜咋！
放大圖片 
■只要 3分鐘左右就可到達第一個觀景台啦！
放大圖片 
■夏天時遊客乘遊船沿山下錦江，蜿蜒河流可達多仔村，村裏一成媽媽總生孖仔或三胞胎，真係拜得石多自有石庇佑。
放大圖片 
放大圖片 
■山下還有香蕉、蜂園同草莓田，非常鮮甜。約$24/斤
廣東韶關明日多雲， 4-6℃
放大圖片 
放大圖片 
留言列表
