年過六十的「花姐」宮雪花日前在「仁美清敍」透點走光闖出禍來，作為主席的羅霖前晚在公開場合透露會中八位董事已一致通過踢花姐出會，並已去信通知對方發逐會令，她更鬧爆花姐多次刻意走光，嚴重有損仁美聲譽，以後該會的活動亦絕不歡迎花姐。
其他娛樂名人影片
前晚「仁美清敍」主席羅霖、蔣怡、周嘉玲、余安安等人現身灣仔君悅酒店，出席護膚品牌活動，記者問到羅霖對於宮雪花日前在仁美活動透點走光一事，她即激氣地說：「本身嗰晚有公司會捐錢，點知有會員露點，好事變壞事，性感可以，但要靚，美感同健康，令到好多會員都唔開心，第二朝即刻開會，呢個會員唔係第一次發生呢啲事，我哋八位董事一致通過，已發信畀佢取消佢會籍，佢對我哋聲譽嚴重受損，中英文信通知晒佢，要嚴正處理。」
放大圖片 
作為會長的羅霖，力數花姐刻意屢犯走光，有損仁美聲譽。
放大圖片 
呂晶晶作為成員，也表示會檢點衣着。
「以後活動唔歡迎佢」 放大圖片 
蔣怡於寒冬下穿起性感單膊裙，認真賣力專業。
問到羅霖會否覺得花姐刻意透點，她表示：「你哋話呢，佢唔係第一次係咁，我哋勸喻過，佢嗰晚坐喺台下已經不斷喺度撥件衫。」再問到會否向花姐親自解釋，羅霖表示：「唔需要，封信寫得好清楚，以後嘅活動都絕對唔歡迎佢。」至於羅霖亦在活動不慎露底，她表示：「我係打底王，我屋企打底褲有二，三十條，着衫都會貼乳貼，多年無失手。」此外，作為會員的呂晶晶昨日出席亞視活動時表示：「可能珊姐同羅霖姐覺得亞姐要高貴大方，佢一露唔夠端莊，呢個係警示，以後着衫小心啲，唔排除有人想博出位。」
宮雪花聞被逐發爛渣
對於羅霖指踢宮雪花出仁美清敍，宮雪花昨日在電話回應說：「我冇聽過，我唔想答。」那宮雪花可覺得自己當晚透點打扮太過火，跟場合不配，她即大發爛渣：「我冇覺得唔啱，我唔想答啦！」隨即收線。採訪：譚倩宜 攝影：陳慧安 
宮雪花日前現身仁美活動「意外」地透點，成功搶風頭，卻惹來會長黎燕珊等多位董事成員不滿，踢她出會。
留言列表
