上年 6月，翠翠就應 SCG無縫綠色中國（集團）有限公司邀請出席上市酒會，仲跟該公司高層形影不離，翠翠明顯同內地富豪好投契。《蘋果日報》圖片不死港女
月收 30萬家用　葉翠翠又有新老細
2010年01月06日
港姐股神葉翠翠自從爭佬失敗，被趙薇橫刀奪愛，搶走坐擁十億身家的內地富商男友黃有龍後，即變身豪門棄婦，攞晒同情分。被黃有龍飛甩後，雖然痛失大水喉，但翠翠生活依然富貴，除了新添了一部 50萬元的 Audi房車，又被發現豪擲 5萬買按摩椅。
事出必有因，據知，原來去年年中跟黃有龍甩拖後，翠翠已極速搵到一位內地富豪「新老細」射住，該富豪更月擲近 30萬家用畀翠翠。唔怪得翠翠，即使冇乜工開都唔使愁。
葉翠翠自從爭佬失敗後，即傳黃有龍向她討回過千萬的投資物業利潤。表面上，於 TVB月薪只有萬鬆啲的翠翠大難臨頭，但本刊收到可靠消息，指翠翠其實定過抬油，皆因她一早搵到新老細接棒。


傳言與黃有龍已成婚的趙薇已大肚 6個月，所以近排經常缺席《花木蘭》公開活動驚大肚現形。上個月中佢去上海做宣傳時，成身包到冚兼睇落有啲腫脹，真係似有咗。網上圖片
 
舊水喉
翠翠於前年 4月因拍內地樓盤廣告搭上內地地產富商黃有龍（圖），識咗兩個月就氹掂男友用自己個名開公司買兩個合共約 3千萬的寶馬山賽西湖豪宅，但翠翠自稱 8月就同對方分手。
 
新水喉富豪 A
翠翠的新水喉亦係一位內地富豪，仲豪到月畀翠翠 30萬家用，睇嚟翠翠冧內地富豪真有一手。
 
唔識人
07年，富貴律師曾權威曾資助翠翠媽媽醫腎病的醫藥費。不過曾律師話翠翠發達後已經冇同佢聯絡。《蘋果日報》圖片

冧佬有法
翠翠早前接受週刊訪問時，自爆前年八月跟前男友黃有龍冇聯絡，實情她於今年跟黃有龍斷纜後已極速暗交一名內地富商。知情者說：「對方係內地商家，翠翠經常都要往返內地，所以即使佢俾黃有龍飛咗，佢都唔使搏命接 job搵錢。佢仲識得冧 TVB高層，經常『萬歲』，所以高層都識做冇出聲。」
扮慘吸水
唔少姐仔捱生捱死，其實翠翠不嬲係有錢佬吸水高手，據知佢每當結識富豪，都例牌跟對方講阿媽患腎病要大筆醫藥費唔在講，早在冧掂黃有龍之前，就曾向唔同追求者呻窮，其身邊人說：「佢如果想換手機就會話自己部手機壞咗。佢試過搬屋想換電視，就同曾權威律師講自己連買電視嘅錢都冇，對方即刻畀咗差唔多 1萬蚊佢買 LCD電視。再加上佢同有錢佬出去蒲時，劈得杯杯清，啲有錢佬都鍾意帶佢出去玩。所以大水喉一條閂咗即刻又搵到另一條。」
搵到新老闆，所以翠翠最近唔志在接劇同接商場騷，最近一次亮相已經係上月初《 72家租客》記招。本週一，記者曾致電翠翠手機，但至截稿前仍未聯絡得上。
有數得計
翠翠收入少，但被黃有龍撇甩後，佢依然富貴，錢從何來根本有數得計，講白啲，識富豪係正職，做藝員可能只係兼職囉。
收入少
翠翠家跟無綫簽嘅係代理人合約，月薪約 1萬 3千。
電影：
《 72家租客》　約$800
《 LaughingGor之變節》　約$800
電視劇：
《王老虎搶親》
《誘情轉駁》
《宮心計》
註：葉翠翠演出的劇集以該劇播映出街、每半小時戲分為 1個騷，而翠翠每騷收入約 1千元。
TVB收入（ 09年）：$13,000× 12　$15.6萬
共接 10個活動收入約$15萬
09年總收入約$30萬 7千 2百
（未計拍劇收入）

支出多
去年 8月買咗架黑色 AUDI A5新車返無綫開工，家住緊嘅寶馬山賽西湖單位月供約 6萬， 08年 3月翠翠又以父母名義，買入 450萬將軍澳日出康城「首都」一個約 900呎單位。
AUDI A5　 50萬
寶馬山賽西湖單位（買入價$1610萬）　 72萬
月供 6萬（以首期 3成，分 20年還款及按揭利率 2.5%計算）× 12
首都單位（買入價約$450萬）月供 1.7萬　 20.4萬
（以首期 3成，分 20年還款及按揭利率 2.5%計算）× 12
09年 10月買入 Osim按摩椅約　 5萬
09年支出：$147萬 4千

收埋食
葉翠翠兩年前因為衰高調買豪宅，搞到被 TVB雪藏，又被人笑佢係做「港姐股神」到爆。今次冧掂新水喉後，翠翠為免麻煩決定低調行事，算佢醒啦！


高調拖喼 08年 6月
08年 6月連掃兩個總值三千萬嘅賽西湖單位後，仲慌死人唔知佢窮港姐升呢買豪宅， 8月清楚被影到佢拖喼進駐賽西湖。《壹週刊》圖片
 
阿媽任影 08年 8月
葉母喺賽西湖打點裝修，「咁啱」又企喺單位窗邊被影到。《壹週刊》圖片
 
開始收聲 09年 10月
被趙薇橫刀奪愛後，已有新水喉的翠翠即扮低調，出席《 72家租客》開鏡儀式時，只輕描淡寫祝福對方。《蘋果日報》圖片

葉翠翠傳被新富豪包養 月入30萬生活無憂

港姐股神葉翠翠自從爭富豪失敗，被趙薇橫刀奪愛，搶走坐擁十億身家的內地富商男友黃有龍後，即變身豪門棄婦，拿到不少同情分。被黃有龍甩掉後，雖然痛失錢路，但葉翠翠生活依然富貴，除了新添了一部50萬元的Audi房車，又被發現豪擲5萬買按摩椅。

事出必有因，據知，原來去年年中跟黃有龍分手後，葉翠翠已極速找到一位內地富豪“新老板”罩住，該富豪更月擲近30萬家用給葉翠翠。難怪葉翠翠即使沒什麽工作都不用發愁。





arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄