明星靚相大分享☆

地點：奧海城／時間：4月6日

徐淑敏嫁人上岸後，要數電視台「新咪神」，定非高海寧莫屬，「乳」不驚人誓不休嘅佢，每次出現都唔會令人失望，好似呢日同姚子羚、張嘉兒現身奧海城為「2010 TVB最受歡迎電視廣告大獎」進行第二站公投活動嗰陣，高海寧雖然明知姚子羚同張嘉兒根本唔係佢對手，但為咗搏見報，佢都搏到盡唔會留手，身穿白色 LowCut短裙嘅佢，喺活動上面仲頻頻向現場觀眾飛吻，又大放生電，真係殺人唔使本呀！

咁都未算，飛吻同電眼都不過係熱身，去到遊戲部份先係精髓，「新咪神」竟然在眾目睽睽之下「烏」低身，即時出現咗兩個奇景，波濤洶湧就唔使講喇，最爆笑係打出嚟隻肥美燒鵝髀，唔係咁露一露都唔知原來高小姐咁好肉地，假若他日打仗，拉埋佢上山一定冇死，肚餓都有隻燒鵝髀頂肚呀！


三大美女姚子羚、張嘉兒同高海寧排排企，為咗搶鏡，「新咪神」忽然向現場觀眾大派飛吻。


到遊戲部份，高海寧亦唔怕羞，主動幫細孖周志文遮眼，細孖真係好艷福喇！


細孖真係鬼馬喇，以為遮住對眼就冇人知佢偷摸「新咪神」秀髮，睇吓高海寧個樣幾風騷！


輪到張嘉兒畀人摸喇，一眾男士嘅興奮度明顯大減，象徵式模兩吓就算！


嘩，明知自己着低胸仲要烏低身，顧到上又顧唔到下，結果春光乍洩不特止，仲打出對燒鵝髀，真失禮。


「新神」出巡，現場男子即刻拎定相機，對準高海寧性感部位狂影，認真瘋狂。