地點：九龍灣／時間：4月4日

司徒瑞祈（阿水）同沈卓盈早前一齊出席商場嘅復活節活動，不過唔係諗點樣做復活蛋，由於個活動叫「環保生活由我做起」，所以要考兩人嘅環保知識之餘，仲要佢哋以環保物料為對方設計衣服，聽落都幾有新意，所以阿水同沈卓盈都絞盡腦汁，力求創新。

當阿水為沈卓盈着上用雜誌紙做嘅半截裙同頭飾時，睇落都冇咩特別，反而沈卓盈以廢物循環做出嚟嘅衣飾，就認真Cute，除咗有件報紙披肩同膠袋連身裙外，仲有佢為阿水精心設計嘅手袋仔同蝴蝶結，阿水着咗之後，真係搶晒鏡，佢仲話阿水應該改名做「Lady Water」，引嚟全場爆笑，邊個靚啲，大家一清二楚啦！


沈卓盈為阿水設計的衣飾，果然夠特別，以後佢可以改名做Laby Water喇。


阿水俾個手袋沈卓盈，同佢帶埋個頭飾就大功告成，不過好似普通咗啲。


阿水先同沈卓盈着上半截盈，不過要小心啲，避免掂到敏感部位，俾人話鹹豬手啦！

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄