Angelababy師妹楊汀叮是日本發燒友，最愛到北海道吃平靚正兼天然的美食！ 愛吃喝玩樂的楊汀叮最愛旅行，其中日本更成為她的第二個家，與友人經常到東京、北海道自由行，對當地熱門玩意與蒲點非常熟悉，她說：「每次去東京，都會去築地食新鮮又好味嘅海產，盛產海產嘅北海道更加唔使講，又平又正！」 在港當模特兒的汀叮為保苗條身材，平日三餐總會「就住食」，但到充滿美食的地方旅行，當然要解放一番，她笑說：「我好鍾意北海道，覺得佢係一個自給自足嘅地方，而嗰度嘅嘢食亦好天然。每次去除咗三餐外，一定會食甜品，特別係雪糕，次次去完返港都會肥成十磅！」前些時，汀叮為工作首次踏足青森，激讚當地民風淳樸：「仲清靜過北海道！啲風景真係好靚，知道青森水果出名，仲試咗啲柿。」 另外，汀叮去年亦曾與家人返鄉下大連，為婆婆慶祝生日，她說：「對大連冇乜印象，因為成十年冇返過去，嗰邊落好大雪，自己唔小心凍病咗。」
汀叮去年到北海道小樽旅行，手持雪糕與熱爆的霉菌公仔合照。
身處遼寧省大連市的汀叮在街頭自拍，身穿毛毛厚衣但仍冷病。
汀叮大讚日本交通工具的車廂整潔。
到青森工作的汀叮，不忘參觀當地的藝術博物館。
回鄉探親變病貓
汀叮最愛遊日本，次次也狂擦美食！(資料圖片)
全站熱搜
留言列表
