麥浚龍（Juno）的家庭背景，讓他甫入行已被標籤成「有錢仔」、「二世祖」，即使他在娛樂圈這9個年頭內，如何努力也好，外界亦只會將他分類為「用金錢堆砌出來的藝人」，令Juno不得不澄清：「我出道以來都係用緊自己賺返嚟嘅錢！」
經常作潮人打扮的Juno，一直被歸納為「有錢仔」，他對此作出大控訴，表示一向是「自己搵自己使」。
入行9年的Juno，在娛樂圈的定位愈來愈清晰，歌曲貴精不貴多，成功爭取外界對他的認同。不過Juno坦言他的背景仍惹來不少誤解，經常被歸納為「有錢仔」，他謂：「試過有記者朋友問我，覺唔覺得因為我同何超儀都來自特別嘅家庭，會令觀眾投入唔到《維多利亞壹號》個故事，我聽到之後真係有啲唔開心。在我眼中演員只有分演得投唔投入、神唔神似，如果要係嗰種人先可以演，你只係做番你自己，唔係演繹緊一個角色。如果真係要係角色本身嗰種人先可以演到的話，咁做《癲佬正傳》係咪等於要我真係癲？唔通做殺人犯嘅，全部都要殺過人？」
缺乏安全感
家庭背景看似是他的負擔，但Juno卻是個非典型少爺，不反叛不專橫，是個有禮孝順仔，更享受家庭生活。今年26歲的他直言有意組織家庭：「我想有自己家庭，仲成日講笑想今年內生BB，因為我爸爸都係26歲生我！」緋聞女友鍾欣桐可是他的理想對象？他答得很玄：「拍拖同結婚都好講緣分，暫時緣分仲未到。」早前Juno就被拍得與中美混血女模Janine撐枱腳，他直認對對方有好感，似乎緣分已悄悄走近，但Juno直言不心急拍拖：「都唔可以講係恨，我覺得拍拖要由朋友開始，我都信一見鍾情，不過會去認識佢先，可能因為我個人冇乜安全感。」
他又表示自己是個浪漫系男生：「我嘅浪漫唔係轟轟烈烈嗰種，而係好淡淡然，朋友話因為我係雙魚座，不過我冇研究過，所以我唔知道係唔係。」問他做過最浪漫的事？Juno笑謂：「我覺得好多嘢都可以好浪漫，我唔係嗰種同女朋友手拖手行沙灘嘅人，我鍾意兩個人留喺屋企。」戀家的Juno又指因缺乏安全感，因此很喜歡「大大件」的東西。他說：「我好鍾意被包圍嘅感覺，我依家住緊嗰間屋，四面牆嘅其中三面都有好大個架，放晒漫畫、DVD同書，我好鍾意好多嘢嘅感覺。」
麥浚龍跟何超儀同樣來自富貴家庭，二人合拍《維多利亞壹號》引起不少話題。
跟阿嬌的戀情疑幻似真，但Juno表示未搵到結婚對象。
出碟創紀錄
Juno去年底曾表示要向電影發展，但近日就推出新曲加精選，他笑言是為了「破紀錄」：「我想造一個紀錄，好似上次《雌雄同體》攞獎就造咗一隻精選，今次係為咗《弱水三千》。好多人都覺得Juno係個另類歌手，你問我，我覺得自己係個Pop Song Singer，可能係香港先會分得咁細，外國好多歌都可以係Pop，對我嚟講歌冇分商唔商業，只有好聽同唔好聽。我仲刻意將新歌放喺最後，我想聽眾同我一齊經歷。造呢隻碟嘅期間，我拍緊兩齣電影，我唔想呃鍾意聽我的歌的朋友，如果真係有人期待的話，我希望做到啲真係值得人哋期待嘅歌出嚟，所以都刻意唔做太多歌。」他自爆喜歡親自向音樂人邀歌：「都算係度身訂造，不過我好鍾意儲埋啲歌，好似《弱水三千》我都收咗兩年先拎出嚟用，我想喺最適合嘅時候先用。」
望紅館開唱
Juno表示愈來愈清楚自己定位，但初出道時亦曾演繹不適合自己的歌：「我知道自己唔適合唱好甜、好浪漫嘅情歌，雖然最後都有唱過，好似《天台晚餐》同《如果可以待你好》。」他坦言《雌雄同體》是個很大的轉捩點：「當時都有人話我唔應該唱呢種題材，講變性，好彩最後得咗，呢首歌真係幫咗我好多。」
明年即將是入行10年的大日子，Juno直言想舉行首個紅館演唱會，電影方面他亦想有新嘗試：「我之前三齣戲都係三級片，嚟緊想拍啲輕鬆嘅戲。（笑片？）咁又唔可以搞笑，幽默就得！」
感謝填詞人
「我好想多謝林夕、黃偉文、周耀輝同馮穎琪。上次做《天生地夢》隻碟先係第一次同林夕合作，今次係第二次，我自己好欣賞佢嘅詞；黃偉文由我出道已經好幫我，真係要好多謝佢；周耀輝就係三位填詞人之中同我感情最好，係無所不談的好朋友。我兩次上台攞獎都唔記得多謝馮穎琪，所以我要喺度多謝番佢。」
（右）林夕
Juno新碟MV找來蒼井空合作。
撞正犀利哥
Juno在剛剛推出的新曲加精選《Nothing Lasts Forever》中，繼續大玩麥氏的浪漫曲風：「我好鍾意《紙箱國》個故事，我知道流浪漢呢個話題好沉重，我想用個浪漫的方法講呢個故事，唔係想忽略呢個社會問題，只係唔想太沉重，好多人都問係唔係因為『犀利哥』，其實我哋上年底已經開始構思，只係咁啱啫！」
留言列表
