開篷車逐一上場迎夏日，諗起都令人興奮，當中最多車迷期待之選，必定有 Mercedes-Benz E Class Cabriolet。上個月先喺北京車展作全亞洲首發，今個月已經火速到港。新車備有的 AIRSCARF暖頭頸功能、特強保溫軟篷、全新 AIRCAP自動擋風系統等配備，即使冬天開住篷都唔怕凍親，一年四季都可以型住揸。記者：許維雅攝影：周旭文Model： Sukmi
放大圖片 
■軟篷 20秒內可自動開關，百看不厭的表現。
放大圖片 
Coupé變開篷加 5萬 放大圖片 
■ E仔開篷率先到港有 E350及 E250 CGI，分別以炭灰、白及墨綠色上陣。
可能好多人都覺得平治今年的新車重頭戲一定係超跑 SLS，但論車款大眾化， E Class Cabriolet一定絕不遜色。自平治推出全新 E Class之後，外形及配備各方面的提升都成功刺激平治舊年銷量，成為眾 Class之冠，取代 CLK開篷的 E仔開篷輕易成為今年的焦點。代理於前日喺數碼港舉行大型發佈會，正式宣佈引入 5款不同型號的開篷系列，包括 E200 CGI、 E250 CGI、 E350、 E500及 E500 AMG，入門價由$599,000起。記者計過數，各車款由 Coupé變開篷都係加 5萬元，架架一樣好均真。車價以 Coupé版作比較，全因 E仔開篷係外形以至內櫳的設計，大致上都跟雙門版 E Coupé一樣。以經典織布軟篷頂上陣，唔少車迷的確有點失望，不過棄硬頂開篷，一來可能為迎合取替 CLK的方向，二來覺得硬頂只會跟 E Coupé分別不大，令開篷車失真。總厚度達 23.5毫米的軟篷，採用特效吸音軟質，不單止隔音出色保持 E仔一貫的車廂寧靜，仲有更強的保暖效果。
放大圖片 
■明明中控台的設計跟 E仔一樣，但感覺格外醒目。
放大圖片 
■前座頭枕有 AIRSCARF暖風。
放大圖片 
■設於前座中間的開篷按鈕以電鍍半長方框設計， AIRCAP按鈕則置於框內。
放大圖片 
■軟篷備有三隻顏色選擇，包括黑、啡灰及藍色。
放大圖片 
■關閉軟篷後將伸縮罩一推，立即增加 90升儲物空間至 390升。
放大圖片 
■開篷後更顯出 E仔車尾微微昂起的跑味線條。
AIRCAP冬天暖住開篷 放大圖片 
■仿桶椅及內櫳外觀上的設計都跟 E Coupé一樣，跑味甚濃。
開篷車一向有一種難以取替的魅力，開篷後的休閒美態特別有型搶眼，不過唔少車主都憂慮冬天時無用武之地，好凍嘛。鼓勵冬天一樣可以揸開篷的全新 E仔，當然唔止一個保暖軟篷咁兒嬉，前座配置 04年研發的 AIRSCARF頭頸暖風系統， E仔所附系統更係全新改良版本，出風口增至上下 36度的範圍調節，咩身形都啱位。另外，全球首創的 AIRCAP自動擋風系統更可以凝聚暖流於車廂，輕輕一按前座中間按鈕，擋風玻璃頂部便會升起一塊 6厘米的導風板，後座中間則升起一塊擋風板，改變氣流方向，減少亂流及逆流同時，亦有過濾風噪雜音的作用。發佈會率先展示 E250 CGI及 E350兩個型號，記者獲分配一架炭灰色車身襯黑篷的 E350優先試駕，炎熱天氣令我未試到暖流係咪會唔走，但開了篷後一樣冷氣充足，更可以肯定的係，於時速 40km/h以下可以 20秒之內自動開關的軟篷雖然令車重增加約 580公斤，不過仍然無損 E350的速度感， 0-100km/h只需 6.9秒，如此有快感的休閒太令人羨慕喇。
Mercedes E350 Cabriolet規格
引擎： 3,498cc V6馬力： 272hp/6,000rpm扭力： 350Nm/2,400-5,000rpm傳動： 7前速半自動波箱售價：$818,000查詢： 2895 7339（仁孚行） 
留言列表
