自從Kelly舊年七月生咗「蝦餃仔」劉昇，所有出埠工作如果時間超過48小時，佢寧願有錢唔賺，留响香港湊仔。不過四月初，Kelly為咗去台灣宣傳國語碟，破例同蝦餃仔分開三日兩夜，成為產後最長一個trip。


去台灣，指定動作一定要上《康熙來了》，遇着主持小S，問題辛辣包括懷孕期間，老公Alex有冇要求「曳曳」等，搞到Kelly口啞啞。講到餵人奶問題，Kelly就自爆有日「蝦餃仔」未肚餓，但佢谷奶谷得好辛苦，於是叫老公Alex幫手飲緊啲，但最後俾護士阻止。原來母乳頭兩滴係最有營養，稱為「黃金奶」，應該要留俾BB飲，Kelly唯有聽話留番俾「蝦餃仔」歎！

好在Kelly「臨崖勒奶」，將「黃金奶」留俾BB唔益老公Alex，如果唔係，十個月大嘅「蝦餃仔」又點會周身肉咁大隻。

Kelly响《康熙來了》節目上，自爆請老公飲人奶趣事，仲講到指手畫腳好肉緊。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄