暗寸周秀娜　浸大 E神楊梓瑤 Carol 晒料：波大唔係無腦！書展寫真集大分享 @ 明星靚相大分享☆

踏入六月，一班o靚模已整裝待發，執靚自己，迎戰七月書展的寫真大戰。
去年周秀娜（Chrissie）以滴牙膏、人形攬枕等招數，成功突圍，今年亦繼續賣大包，以3D立體全裸寫真迎戰。娜姐最大勁敵，是憑34E漏奶上圍，在短短個多月極速上位的「浸大E神」楊梓瑤（Carol）。
同樣係潮州妹的Carol，E Cup立體身材唔收埋，但她講到明唔會為事業放棄學業，要真正騷到quality（學歷）證明：波大唔係無腦！

「浸大E神」Carol 楊梓瑤
年齡：21歲
三圍：34E、24、34
身高：160cm
成名作：08年《Bandai girl》冠軍、美少女廚神八強
寫真賣點：E級漏奶水著

新血加入
每年七月的書展，例必是o靚模的寫真戰場，去年彈出周秀娜，賣出三萬本寫真集，連科技大學都要開talk「解讀周秀娜現象」，風頭一時無兩。
過去「o靚模女神」Angelababy和「露暈娜」周秀娜，鬥到有你無我，今年Angelababy繼續玩高檔，由著名攝影師Wing Shya（夏永康）操刀，到關島取景。至於周秀娜亦不示弱，以二百萬重本製作，遠赴歐洲，在巴黎、蒙地卡羅和尼斯三地取景，除了晒胸前事業線，寫真集更會潮玩3D技術，摸唔到掂唔到，起碼有立體效果睇到，加埋3D寫真DVD，有聲又有畫，綽頭十足。
至於加入戰場的新血，暫時以逼爆身材的「警鐘胸」Jessica C和「浸大E神」楊梓瑤，被看高一線。

目標明確
浸會大學人文學系副學士二年級的Carol，靠34E立體身材做賣點，影親都係三點式泳裝相，擺明車馬的Carol坦言唔介意：「人哋點睇我唔知，我自己覺得年代唔同，有好嘅條件就要騷出嚟，我以前係肥妹仔，成一百二十磅無乜信心，難得減肥成功，我樂意同大家分享。」
瘦身唔瘦胸，保持34E有妙法，Carol說：「可能係遺傳，我媽咪都唔弱（指身材），同埋我哋係潮州人，好鍾意食魚同飲魚湯，可能有幫助啩。」
求學階段兼職做o靚模，Carol話自己會好好分配工作和讀書時間，「我仲有三年先讀完，點都好，我應承父母會完成學業，而且我唔想俾人感覺女仔波大就等於無腦。」
正如去年，只有中學程度的周秀娜出席科大知識無限講座備受抨擊，前車可鑑，Carol深信有學歷自然唔會俾人睇小，內涵同外形同樣要兼備。

過江美眉
浸大E神外，本土o靚模仲有以人多取勝的「新八模」，月中率先推出《新8模少女館》寫真集，當中以有仔有女的廿一歲「模媽」Mia（陳靜儀）最出位。
今年亦有台灣過江龍來港搶食，有「宅男女神」之稱的台灣三人組，Ann（吳思緯）、Nikki（曾韋綺）和Mina（馬傳欣）將在書展推出《無瑕青春》寫真集，三人將於月中來港造勢，當中貌似徐若瑄的Nikki表示：「公司覺得香港有o靚模市場，今次來港出寫真集測試反應，之後在台灣再推出。」除了寫真集，三位美眉亦會唱埋歌，收錄一首單曲，與寫真集一齊出。寫真大戰，一觸即發！

漏網之魚
07年Janice Man（文詠珊）和Angelababy（楊穎）以少女模特兒入侵模界，獲封「o靚界女神」，「o靚模」一詞成為她們的代名詞，其後還有「車模」、「Game模」、「模Art」等湧現。依家做「o靚模」，唔單只要年輕貌美，仲要逼爆身材，鬥性感。

憑住34E漏奶身材，突圍而出的「浸大E神」Carol，講到明要做個有學識的o靚模，硬撼周秀娜。