周秀娜師妹 Mia Jeana 面目全非壹週刊 1056期 @ 明星靚相大分享☆

After
被稱為「翻版諸葛梓岐」，其實三年前Jeana仲係扁鼻，pizza面，變身後如今已判若兩人。

書展舉行在即，去年靠露暈刷牙食雪糕成功搶灘的周秀娜，今年再下一城推出3D洞房寫真搶攻，而另一邊廂，同門八位新進o靚模師妹，同樣會加入寫真戰團，胸群而出。
肯剝肯露就可以做model，若然肯投資進行全面「後天改造」，天使面孔、魔鬼身材更加唾手可得。新八模中，至省鏡的Jeana（何佩瑜）同失婚媽媽Mia（陳靜儀），入行前、入行後眼耳口鼻面目全非，努力改頭換面「起錨」做o靚模新星。

Jeana圓變尖
o靚模寫真戰一觸即發，周秀娜同門新八模將推出《8模美女寫真集》在書展分一杯羹。新八模當中，擁有42吋長腿同34C美乳的Jeana率先跑出，被卡拉OK連鎖店Neway睇中拍世界盃廣告。
樣靚身材正，個樣同「Neway細嫂」諸葛梓岐仲有幾分相似，不過三年前，Jeana參加○七年舉辦的第二屆亞洲遊戲展小姐競選，獲冠軍的她，外貌身材明顯經過大改造，當時34C豐滿身材未發育，十吋闊的Pizza面，斷估減肥都無可能減到變瓜子口面。腮骨無晒，鼻樑位置更愈生愈高，新舊照對比，望落完全兩個人。

Mia不再三尖八角
Jeana成功改頭換面，至於現年廿一歲、有一子一女的失婚o靚模Mia，同樣是新八模焦點之一，尤其是跟郭秀雲之子錢景峰拍拖，令她多次成為娛樂頭條新聞人物。
背景複雜過人的Mia，早前被人揭發入行前叫Boey，細細個已經鍾意化濃妝扮大人，惜面形帶方兼「鞋抽」，強妝之下令Mia散發出陣陣男子氣概，人妖味極濃，與今時今日眼大鼻高面尖娃娃樣，簡直兩回事。
Mia創造全新面孔，鼻翼變窄，豬膽鼻消失，雙眼水汪汪，就連壯闊腮骨都無埋，不過Mia仍死撐無後天改造：「我冇整容，只係打過Botox同箍牙，當時十八歲生完BB，覺得baby fat，所以打Botox。」

$500抽水價
上週六（五月二十九日）周秀娜帶住A Lin（裴殷）、DaDa（盧頌之）、Annie G（吳燕安）、Hailey（陳煦晴）同一班新八模於澳門金沙酒店出席《GME6+8美•夏水禮》，為即將推出的寫真造勢。
四圍春光明媚，酒店大發「鹹濕財」，以入場費五百蚊安排好色之士入場近距離任[目及]三點式o靚模。當晚有賓客把持唔住，一手攞酒，另一隻手就對班o靚模上下其手，A Lin同新八模Rika慘成抽水目標，最後要出動助手、保安逃離色魔魔掌！