明星靚相大分享☆

單拖睇女裝

六月十日下午五點，六十二歲阿 Lam手持 MacBook Air同一把遮，獨自流連銅鑼灣街頭，雖然頭戴 cap帽，但沿途仍被不少路人認出，對他評頭品足：「嘩，咁多白頭髮，睇落好蒼老呀！」
一直頭耷耷行的阿 Lam並無理會，只一口氣在利舞臺的 Esprit、無印良品同 Uniqlo睇男裝，但全程齋望無買；臨離開時，他忽然像醒起什麼似的，跟住急步再回頭到 Esprit，直奔女裝部，細心地睇了接近十分鐘，可惜仍無所獲。
之後，阿 Lam像夠鐘趕時間，急急腳行去位於禮頓道中心地庫的新寧餐廳，餐廳的位置本來已十分隱蔽，亦未到人多光顧的黃金時間，但阿 Lam似乎仍嫌不夠穩陣，要求入房坐，他坐低幾分鐘後，一名身材嬌小，樣貌端好，戴住白色眼鏡，年約四十的熟女，逕自走入阿 Lam預先安排好的廂房，坐在阿 Lam隔籬。
現場所見，他們刻意將房內燈光調暗，枱面上點了蠟燭，增加情調外，外面經過的人亦不容易睇到房內情況。
匿埋撐枱腳，其間阿 Lam郁手為對方的麵包搽牛油，之後兩人又同食一碟西班牙燴蝦飯，關係非比尋常。

驚到擘大口

當記者拍照時，不知所措的阿 Lam表現驚青，嚇到擘大口，之後又即刻打電話 call救兵，至於他身邊的女伴亦反應超快，擰歪面迴避鏡頭，似乎早有遇突發事要閃的心理準備。同一時間，餐廳職員亦出手阻擋，推撞地驅趕記者。
偷會女友被撞破，阿 Lam連飯都未食完就匆匆埋單，由餐廳職員安排，經用來運送垃圾的後門離開，再搵司機在附近接載他逃離現場。
第二日，阿 Lam明知有記者在屋企樓下守候，於是搵來老婆葉蒨文扮恩愛夫妻，一齊到時代廣場食晚飯交戲兼補鑊，可惜兩人沿途各行各路，毫無交流似唔識多過似夫妻，一餐晚飯，只食了短短四十五分鐘就急於鬆人。

各有各玩

阿 Lam同葉蒨文十四年的夫妻感情，其實早已到比水還淡的地步。「早幾年 Sally（葉蒨文）好想離婚，想回復單身，開始過新一段感情，但阿 Lam死都唔肯放手，加上佢哋又要面唔想俾人亂寫，最終妥協仍然一齊生活，但係就住樓上樓下，唔單只唔同房，甚至唔同一層樓，阿 Lam都唔再介意 Sally做啲乜，唔干涉對方感情生活，但喺工作方面佢哋仲係好拍檔。
「其實阿 Lam嘅生活好規律，不過近呢兩年都有識吓啲新朋友，好似呢個女人就完全唔似 Sally咁霸道，好似阿 Lam近年愛上食齋， Sally死都唔肯就佢，點都要食肉，仲無辣不歡，但佢呢個新女友就乜都配合就晒佢，阿 Lam鍾意乜就乜。」阿 Lam身邊人說。
一碟飯，兩份食，阿 Lam女友何只百般遷就，簡直抵得諗，完全符合一向慳儉的阿 Lam。

有名無實

林子祥與葉蒨文結婚 14年，由初期的恩愛夫妻，至近年多次傳出婚變。

82年
林子祥想找新人合唱《重逢》一曲，在其太太吳正元介紹下認識了葉蒨文，埋下二人相戀的伏線。

92年
林子祥與葉蒨文合作拍攝《瀟灑闖紅塵》音樂特輯，二人火速撻着，葉蒨文更不惜背負第三者之名與阿 Lam苦戀。