李綺雯早過黃婉曼「跳出香港」李綺雯靠陳七講波突圍忽然１周 779期 @ 明星靚相大分享☆

無綫今年無得播世界盃，一班主持在《世界盃動起來》齋噏遭網民鬧爆，好彩仲有「帶大家跳出香港睇天氣」的天氣女神黃婉曼撐場。不過精明的網友發現其中一位「動女郎」李綺雯（o靚妹），早於01年任亞視天氣女郎時，已自度「跳出香港」金句，足足比黃婉曼早8年。
兩女同撞金句，講波亦同受讚賞。o靚妹分析得有紋有路，拍得住做足功課嘅黃婉曼。記者問o靚妹是否全靠前男友陳七（陳肇麒）幫她打好根基，她直認：「同佢一齊嗰陣成日留意佢比賽，又同佢研究，睇得多梗係有幫助。」

有份主持《世界盃動起來》的o靚妹李綺雯，在F cup咪神黃婉曼人氣力壓下愈戰愈勇，除了得到監製及其他主持好評外，網友對她的過去亦甚感興趣。當中精明網友「cappuccino1234」更於討論區爆料：「亞視6、7年前駱樂同李綺雯已經用輕鬆俏皮的形式報天氣，係好多人以為無記首創咁輕鬆形式報天氣咋。」

騷錢差幾倍
o靚妹01年參加亞視女優勇奪冠軍，之後便與駱樂及Rita Lai擔任亞視天氣女郎，以輕鬆俏皮方式講天氣，當年她已自度金句「帶大家跳出香港睇天氣」，黃婉曼只係執佢口水尾。對此o靚妹直認：「係呀，我一早已經有講呢句。嗰陣時亞視改革天氣報告環節，每次頭30秒由自己度開場白，夠活潑就得，當時出街後反應幾好！」
除了講天氣生鬼，o靚妹在《世界盃動起來》亦以輕鬆幽默方式講賠率，但待遇就同黃婉曼差幾倍。o靚妹身為無綫合約藝員，每集只得千幾蚊，而外援黃婉曼就有約$5,000一集。知情人說：「咁外援梗係貴啲，其實監製對兩個唔同年代嘅天氣女郎嘅表現都好滿意。黃婉曼有身材有觀眾緣，o靚妹講賠率分析好生鬼，睇得出有做功課。所以遲吓世盃入四強，無綫喺澳門搞大型活動，監製都預埋黃婉曼同o靚妹。」
本周一（28日）晚上約8時，記者發現o靚妹現身尖沙嘴漢口道，她先到便利店買報紙同足球雜誌，接着她到附近starbucks嘆咖啡兼刨書做功課，做足準備才入清水灣電視城開工。
對於被盛讚講波好，o靚妹歸功於前男友陳七，她說：「之前同陳七一齊時，我成日睇波經留意佢啲新聞，睇得多自然熟。而且佢同隊友都會教我睇波，所以901同442陣式我都識。」
當記者問她和黃婉曼誰人講波較好時，她大方說：「大家都好俾心機做功課，我哋惺惺相惜。（你好似自然啲。）佢始終係新人，可能會緊張啲。（佢薪酬豐厚過你，仲接咗好多job。）我從來唔鍾意同人爭，世界盃前後我要同陳豪拍無綫劇《阿Sir點解係阿Sir》，好多嘢接唔到。」

主持勁讚

黃婉曼否認跟人口水尾
記者向黃婉曼求證，問她「跳出香港」金句是否參考o靚妹，她表現愕然：「係咩？咁都俾網友搵到，我真係唔知道佢講過，其實『跳出香港』呢句嘢我真係覺得冇咩特別。（同o靚妹熟唔熟？）我哋都有傾偈，佢有同我講過之前報過天氣。佢好勤力，每晚講波前都做好多資料搜集，講《非常好波》時又有好多食字，好好笑。我講波就教學性多啲。」天氣女神咁識講嘢，難怪連國際旅遊展都搵佢做主持，而且還有環球信貸公司以六位數字斟洽她做代言人，收入贏晒o靚妹。

網友爆o靚妹鬼馬報天氣
參加女優出身的o靚妹，當年的鋼條身材受到觀眾注意。不過她最出位的是比其他女優大膽，在節目中試食「龍蝨」。

天氣女郎比併
咖啡店做功課
之後o靚妹選了多份報紙雜誌，再走到附近的咖啡店，為她有份主持的節目《世界盃動起來》做準備工夫。

去年11月，李綺雯（o靚妹）攬啜南華球員陳肇麒（陳七）的密照曝光，但因陳本身有女友Natalie，最後與李綺雯分手。對o靚妹直認講波靠他，陳七因與女友外遊度假而未有回應。