去年書展彈出的 o靚模周秀娜，今年再接再厲推出寫真集，卻遇上貿發局發威封殺 o靚模，周秀娜於是率師妹諗計玩轉書展。一向言論激進的黃秋生看不過眼，前日他先後出席鍾景輝的新書宣傳活動和一個音樂會時，發炮狂轟 o靚模族類是群妖亂舞，其後又點名抨擊周秀娜有小聰明，沒大智慧，讀書少，但最寸莫過於叫 o靚模向專為性工作者爭取權益的組織紫藤申訴，明寸 o靚模是性工作者，隔空罵戰一觸即發。

「會尊重呢個前輩」

對於黃秋生的過火言論，周秀娜笑言只會為阿根廷在世盃出局而不開心，最大打擊是美斯要返歸。不過周秀娜表示會繼續以最佳狀態宣傳即將出版的寫真集，她昨日透過經理人 Roy回應：「我會尊重呢個前輩（黃秋生）所講嘅嘢，包括佢嘅無限大智慧同人生經驗。」周秀娜抗拒用妓女字眼比喻 o靚模，她說：「開口埋口用妓女形容啱啱入行嘅新人，我覺得真係冇必要回應，等佢放低有色眼鏡先講，呢次係我唯一一次代表被標籤為 o靚模所講嘅嘢。」

放大圖片

黃秋生揶揄周秀娜可向性工作者關注組織紫藤求助。資料圖片

放大圖片

周秀娜早前到法國為寫真集取景，新書以靚人靚景做賣點。

Roy事後補充說：「娛樂版面上，每個藝人有佢嘅生存方法，對秋生哥嘅回應冇感覺，我覺得佢曲線宣傳咗我哋四本寫真集同 King Sir本書，呢個係佢嘅 style，佢講嘅說話值得大家去咀嚼。」採訪：比華利


周秀娜懶理黃秋生的炮轟，希望他可放下有色眼鏡看 o靚模。

舒淇撐周秀娜騷身材

舒淇、江美儀、劉浩龍等有份演出電影《美麗人生》昨日在牛頭角一茶餐廳內拍攝煞科戲，舒淇甫坐下即叫嚷：「係咪有叉燒蛋飯」。今次電影描述舒淇被騙感情，舒淇以身經百戰口脗說：「睇吓乜角度，唔開心咪覺得俾人呃，開心咪呃得好舒服囉！」

信秋生善意批評 放大圖片

周秀娜資料圖片

初出道時舒淇曾出過大膽寫真，如今 o靚模賣弄性感襲娛圈，舒淇說：「身材靚想騷畀大家睇，何樂而不為，現今社會好開放，好多女人騷身材，男仔鍾意睇，一舉幾得，最緊要文字唔好太過份，相靚冇問題。」不過黃秋生狂轟 o靚模，又點名斥周秀娜冇智慧，舒淇說：「相信秋生出於唔想教壞後生女啫，我同周秀娜合作過電影《全城戒備》，佢幾乖幾得意，好靚女，身材好正，睇到覺得好索。」採訪、攝影：卓寶花


舒淇力撐周秀娜趁青春將美好身段展示並沒有問題。

秋生企硬：佢哋冇青只有春

黃秋生前日狂踩周秀娜（Chrissie）犯眾憎，更以「妓女」比喻o靚模，激發Chrissie和性工作者關注組織紫藤齊聲反擊，秋生昨日將反o靚模行動升級，再度點名鬧Chrissie為入書展搞事：「佢哋咁做根本就係冇青只有春！」

周秀娜指黃秋生標籤o靚模傷害別人。（資料圖片）

秋生「群妖亂舞」論激發新一場罵戰，被他點名指犯眾憎的周秀娜、「紫藤」及許冠文等聯成一線反擊。

利尺足以殺死人

Chrissie昨日直指秋生標籤o靚模：「雖然我聽從前輩嘅說話選擇收口，亦唔回應佢嘅說話，原因係佢開口埋口都以妓女來形容一班剛入行嘅新人，等佢放低有色眼鏡睇人先至再講！」她又在微博上說：「每個人心中都有一把尺，習慣性用它去量度別人！它鋒利地足以殺死人。我也不例外，但從未想過要傷害別人。」

「紫藤」方面亦相當不滿，發言人吳小姐指秋生言論反映社會人士對妓女的污衊，兩者不應混為一談，她說：「做姐姐仔係合法，有佢哋嘅自尊，唔好將呢啲嘢擺上枱。（好過分？）佢冇諗清楚啲姐姐仔做呢行係點，不如叫佢上嚟做義工，o靚模唔會做性服務，啲港姐都係着比堅尼，又唔見咁講，係咪特別針對o靚模呢？」

許冠文亦認為有人斷章取義，他看過寫真集並不覺得色情，周秀娜出攬枕只覺好cute：「如果話係色情，出街睇招牌咪仲色情！」

黃秋生

許冠文

無限上綱被打壓

四面受敵的秋生無懼抨擊，繼續「反o靚模」行動，他澄清並非歧視妓女：「我叫周秀娜搵紫藤，係因為有o靚模話要搵平機會投訴，佢哋以為咁做好恰當，咁不如去搵紫藤，因為性服務好廣泛，包括意識，唔使一定要上床。我提到妓女，係指妓女上街遊行，都唔會殺入屋邨派傳單，希望大家搞清楚我講乜先，我講嘅係個個人都可以有自己生存空間，但要搵個恰當地方進行。」

秋生繼續插Chrissie誓要入書展的行為不當：「十幾個人開晒會，千方百計搞完一樣又一樣，諗住入書展，仲無限上綱上線去話人打壓你。唔好成日話呢種係販賣青春，青春唔係單指胴體，佢哋咁做根本就係冇青只有春！（紫藤話你言論侮辱女性？）畀人撕爛件衫、噴濕自己擒高擒低擘一字馬就唔係侮辱女性？有啲組織會唔會太敏感？不如先搞清楚我講嘅內容。」何以他要點名鬧Chrissie？秋生說：「因為佢係飾演帶頭角色。」

「撕」模Debby接受意見

對於黃秋生狂踩o靚模的言論，早前因上載「撕」暴片而鬧到滿城風雨的「撕」模Debby（曾麗儀）雖然到上海避世，但她在自己的網誌上留言回應︰「連日來我為我哋嘅寫真做嘅宣傳、拍嘅短片有好多回響，首先好多謝一眾前輩畀嘅意見，我全部都一定會接受。」她還感謝朋友的關心，又謂會加倍努力工作。

Hazel指有人藉着踐踏別人抬高自己。

此外，新八模成員Vibeke（馬卓寧）和Hazel（徐熙素）亦在微博留言回應，Vibeke說︰「我愛貓，不想啃死貓。」Hazel則寫上︰「可恨我們活在虛偽的人群當中，這些人藉着踐踏別人而抬高自己。」

舒淇力撐Chrissie

舒淇在劉偉強愛情片《美麗人生》中飾演恨嫁港女，最後被騙財騙色，昨日她拍煞科戲時被問有否遇上被騙的經歷？舒淇笑說：「睇下咩角度，唔開心就是被騙，開心就係舒服。」

舒淇大讚周秀娜又靚又索。

對黃秋生抨擊o靚模「群妖亂舞」，舒淇不以為然，力撐曾合作拍《全城戒備》的好友周秀娜（Chrissie）：「自拍強姦之類嘅宣傳梗係唔好，但o靚模各出奇謀出位，喺依家愈嚟愈開放嘅社會，手法冇唔妥，一切係見仁見智。」舒淇大讚她又乖又靚又索，男的想睇，女的又想表露身材，一舉幾得，何樂而不為！

舒淇撐周秀娜賣肉冇罪

黃秋生大鬧o靚模似「妓女入屋邨」，被性工作者組織紫藤直斥侮辱女性，秋生即反擊表示絕無歧視妓女！為捍衞女性尊嚴，周秀娜與舒淇聯手還擊秋生！

今年o靚模被禁在書展搞簽名會，即千方百計諗計混入會場，卻被黃秋生狂踩群妖亂舞，指若她們成功入書展就等於「妓女入屋邨」！這番「妓女論」不但辣o靚模，連性工作者也被拖落水，結果被性工作者組織紫藤直斥他是「一言堂」，言論對女性極之侮辱！

o靚模冇提供性服務

紫藤發言人吳小姐說：「秋生言論反映社會對『姐仔』嘅污衊，咁講好唔啱，希望佢唔好再攻擊女性！唔好用咁嘅說話話人。其實做『姐仔』喺香港係合法，佢哋都有自尊，唔好擺佢哋上枱，佢冇諗過呢行做乜嘢就咁樣講，不如嚟做吓義工同聽吓Talk先啦！」紫藤又為o靚模平反：「o靚模同『姐仔』唔同，起碼佢哋唔使提供性服務，唔使拉埋一齊講，港姐都有着比堅尼啦！咁係咪針對o靚模呢？」

同樣拍寫真出身的舒淇，以過來人身份大談o靚模現象。



舒淇、劉偉強及劉浩龍等昨日拍攝煞科戲。

許冠文維護o靚模，認為寫真集冇問題。

許冠文：唔色情！

對於秋生的言論，曾拍過寫真的舒淇感受甚深，更與Chrissie連成一線反擊好友秋生：「自拍強姦之類宣傳當然唔好，但一班o靚模各出奇謀出位，喺愈來愈開放嘅社會，手法並冇唔妥，一切屬見仁見智。其實我同Chrissie合作過《全城戒備》，佢又靚又索，係男嘅都想睇，女嘅又想表露身材，一舉兩得！」

第一手消息請瀏覽on.cc
《即時新聞》

專案組

劉欣宜暗寸Chrissie唔守規矩

為宣傳寫真集，有o靚模拍攝「撕」暴片，有模則諗計到書展踩場，其中周秀娜與新八模更想出以Copybook「闖關」，但劉欣宜看不過眼，若有所指說：「做o靚模要守規矩。」



化身邋遢車房妹的劉欣宜，以緊身背心逼出五吋事業線！

自o靚模被禁在書展舉行簽名會後，諗計硬闖及「撕」暴片等宣傳手法層出不窮，惹來口誅筆伐！對於黃秋生以妓女比喻o靚模，「E Cup Baby」劉欣宜一方面認為他不能泛指所有o靚模，另一方面又與他同一陣線，反對o靚模強行闖書展，她說：「做o靚模要守規矩，要尊重書展大會同公司嘅底線，總之我唔會潛入去！」似暗寸想盡辦法踩場的周秀娜（Chrissie）等。

扯火反駁唔認錯 秋生再鬧o靚模冇青有春

對於被紫藤炮轟侮辱女性，黃秋生無名火起，逐點還擊：「我冇歧視妓女，絕對支持性工作者爭取權益，我叫周秀娜搵紫藤，係因為有o靚模話要搵平等機會委員會投訴，佢哋以為咁做好恰當，咁不如去搵紫藤，因為性服務好廣泛，包括意識，唔使一定要上床。我提到妓女，係指妓女上街遊行都唔會殺入屋邨派傳單，希望大家搞清楚我講乜先！其實o靚模畀人撕爛件衫、噴濕自己、擒高擒低、擘一字馬就唔係侮辱女性？有啲組織會唔會太敏感？不如先搞清楚我講嘅內容。」

此外，秋生又再插o靚模：「我講嘅係個個人都可以有自己生存空間，但要搵個恰當地方進行，佢哋千方百計搞完一樣又一樣，諗住入書展，仲上網去話人打壓你，唔好成日話呢種係販賣青春，青春唔係單指胴體，佢哋咁做根本就係冇青只有春！」問到為何針對周秀娜？他說：「我睇報道佢係度橋，係帶頭角色囉！」

網友斥侮辱性工作者

黃秋生狂踩o靚模的言論，令網民議論紛紛，有網友贊同其說法，認為o靚模道德淪亡睇到厭，不過反對聲音亦十分多，覺得他的言論是一種侮辱，不明他為何變得這麼重道德，又指出他亦曾拍三級片，根本沒有資格批評別人，更認為其「妓女」言論是侮辱所有性工作者。

杜汶澤廁所撞正水着娜姐

自稱是「娜迷」的杜汶澤，在戲院的洗手間「遇上」周秀娜身穿泳衣攬水泡的海報，還拍下照片放上微博，他留言：「上廁所，遇見周秀娜，好開心呀！我是娜迷，全電影圈都知，周秀娜，加油！」其太太田蕊妮即抵死地回應：「小娜迷，那你就待在廁所不要出來好了！」此外，阿澤與王祖藍等昨日宣傳新片《人間喜劇》，到旺角鬧市派發10蚊優惠券，阿澤揚言若票房達1,600萬，將聯同台前幕後每人包十圍狂歡。對於黃秋生的「妓女論」，他說：「任何人都有選擇職業自由，要尊重人哋嘅職業，我好支持周秀娜，係娜迷（唔怕老婆鬧咩？）鬧咗啦！」

杜汶澤（左）與王祖藍到旺角鬧市宣傳。

「撕」暴女Debby含淚受教

因「撕暴」宣傳片遭全城狂插的「撕」模Debby（曾麗儀）避世上海，她欣然接受黃秋生批評o靚模的言論，並在網誌寫道︰「連日來因為我為我哋嘅寫真做嘅宣傳拍嘅短片有好多回響，首先好多謝一眾前輩畀嘅意見，我全部都一定會接受。」她又藉此感謝關心她的好友，承諾會更努力工作。此外，她在YouTube上載新一段短片宣傳寫真，內容不算大膽，講到拍攝感受時更不禁流下眼淚。而新八模成員江怡（Betrys）則在微博表達不滿：「建議藝人們不要穿泳衣、Deep V或任何可露出事業線的衣服，否則會被標籤以妓女作比喻。」她續說被不公平對待及打壓，認為以前都可接受拍三級片，但現在卻說她們的寫真意識不良，反問時代是否退步中。