林敏驄北京攬韓妹　前妻陳伶俐：我哋至係一家人忽然1周 784期－明星靚相大分享☆

08年，陳伶俐林敏驄宣布離婚，結束十年婚姻生活，各不相干。近月二人關係突轉密切，今年的父親節，陳伶俐帶埋兒子與林敏驄慶祝，還送了價值十多萬的Ernst Benz錶給對方，事後更在微博高調晒幸福，復合傳聞鬧得熱哄哄，成為兩本周刊封面。
不過事隔個多星期，林敏驄在微博發放了一些攬女、拖手相，更稱對方為「新女」，名叫「阿花」，更晒命話跟新女兩個人飲一杯水，唔少網友讚他好艷福。
周一（2日），記者向陳伶俐展示林敏驄攬新歡的照片，她即call前夫林敏驄到場對質，更對記者表示：「我哋至係一家人！」

離婚三年，林敏驄與陳伶俐各自各精采，不過，近日兩人的關係，似有新的突破。雖然兩人的兒子林肯及林善撫養權屬女方所有，但有傳兩人已修補關係，林更不時上陳伶俐家中聚天倫。早前兩人接受周刊訪問時，口徑一致，直認關係OK，男說︰「兒子把我們拉近。」女的亦附和︰「依家同佢相處最舒服，好幸福……」

微博晒煙韌照
據知林敏驄近日在北京拍攝劇集《夢飛行》，更與劇中一名韓國演員「阿花」打得火熱，林更在微博放上兩人的煙韌照。

急call前夫解釋
復合在望，可惜卻突然殺出個程咬金。周一（2日）下午4時多，陳伶俐與友人於賽西湖嘆茶。離開時，記者上前向她求證前夫林敏驄是否最近有新戀情，當記者遞上兩人親密合照時，她一臉錯愕，甚不耐煩表示：「其實今日佢（林敏驄）都會上嚟搵我，等佢嚟自己解釋清楚啦。」
約25分鐘後，林敏驄到場，剛去完動漫節的他，手拿着送給囝囝的兩個figure。陳一見他即忍唔住拋下一句：「你自己解釋清楚呀！」當時林不置可否，未有正式回應。
當記者向他求證時，未知是否怕前妻呷醋，他不停帶記者遊花園，更語帶輕佻，問非所答。
記：你同呢個女仔咁親密，係咪你新女朋友？
林：一睇就知女啦！唔通仔咩！（不耐煩口噏噏）
記：你哋兩個人飲一杯嘢喎？
林：吓……（你哋兩個人飲一杯嘢？）賣晒嘛！好出奇咩！
記：咁你哋係咩關係？
林：（又再遊花園）呢度wifi幾多號呀？你哋有冇影阿sir（手上的葉問figure公仔）呀？俾啲嘢佢揸下先（將枱上一支笊籬放在figure公仔手上）嘩，葉問火鍋！（九唔搭八自言自語）依家拍咩呀你呀！係咪想死呀！哈哈……（乾笑幾聲）
此時，陳伶俐表示有事要先返家，她說︰「我依家返屋企先，好快返，你同佢做住訪問先，我一陣至答你。」說罷即離開。記者繼續追問林敏驄。
記：你認真回應同呢個女仔係咩關係先？
林：韓國人嚟，「崔先有」呀叫，「崔智友」個妹！（陰笑）
記：你喺微博度話呢位叫「阿花」喎？
林：都話叫崔先有，唔寫得嘅咩！
記：咁即係咩關係？
林：咩關係……朋友（轉國語）關係！
記：有冇機會發展？
林：朋友關係！
陳伶俐離開後，林敏驄更玩嘢，不但用手機反拍記者，更即時將相片放上微博，以諧音粗口「咁撚插熱娃」等出言挑釁。廿分鐘後，化好妝的陳伶俐折返，見到前夫與記者的氣氛不愉快，即幫口叫林敏驄︰「刪咗佢啦。」
對於前夫的新女，陳表示︰「我唔識呢個女仔。林敏驄冇講過同佢拍拖，佢話個女仔係friend。復合？暫時唔會諗，不過將來嘅嘢冇人知。」

幫前夫補鑊
雖然前夫晒新女，但陳伶俐卻不甘示弱︰「我哋（同前夫）至係一家人，我依家同佢關係好密切，係好朋友，因為佢永遠係兩個仔嘅爸爸。我滿足現狀、冇唔開心，如果佢真係有新戀情，我會戥林敏驄開心。」
問到兒子點睇老竇拍拖？她說︰「佢哋乜都唔知……咁小朋友都希望爸爸有個伴。至於林敏驄放喺微博嘅嘢，始終係佢自由，佢鍾意擺咩，我唔會干涉。」
口沒遮攔的林敏驄，翌日致電本刊另一記者補鑊：「我覺得佢（記者）靚女，先影佢相啫，玩吓之嘛！我喺微博成日都講歪音鄉下話。話佢係俄羅斯特務，又見出面天氣熱，所以先叫佢『咁撚插熱娃』，個記者見到個插字，咪以為我插佢囉！」
經歷兩次婚姻失敗，亦是兩子之父的林敏驄，竟然連尊重女性的基本修養都欠奉。呢啲身教，前妻陳伶俐接唔接受到呢？

賤男新玩意
微博食豆腐
林敏驄開微博只有兩個月，他不時會將女星的性感相上載，更會留下一些猥瑣的言論，睇嚟林敏驄在網上食豆腐食到上晒癮喎！

Theresa防蛋背心
近日改行性感的Theresa，成為林敏驄食豆腐對象，連着住密實背心，林都有一番遐想，Theresa的魅力都幾大喎！

JJ谷到頭暈
JJ着三點式性感照，當然成為林嘅最佳題材。

高海寧冇衫着
林敏驄將34D高海寧合照放上微博，自作猥瑣古仔自娛。

羽翹變乳巢
08年樂壇新人羽翹，在微博話唔開心，心情不好，林敏驄即食住上，話幫人出頭，不過就將人哋個名，改成「乳巢」啫！

陳伶俐看到前夫的攬女照後，表示如果對方有新戀情，她是會祝福的。