本周三（4日）末代會考放榜，o靚模Rainbow（胡心諾）僅考得2分，備受打擊。會考成績好固然飲得杯落，成績欠佳亦不是末路。「浸大E神」Carol（楊梓瑤）是05年會考生，當年她亦只得4分，但她並冇放棄，還花了一年時間勤讀副學士先修班惡補，最後獲浸大副學士取錄，今年更將升讀浸會大學year 2。
既然已經係大學生，本刊即邀請Carol以o靚模為題，用中英撰文，然後請才子陶傑評審。誰知他看後即狠批Carol英文唔掂：「僅僅合格，若果喺外國就肥梗。」認真慘情！
Carol以過來人身份，本周一（2日）帶同當年會考強差人意的成績單，返回母校五育中學，向今屆末代會考生教路兼勉勵。
Carol是05年會考生，回想當年抱着戰戰兢兢心情回學校取成績單，情景仍歷歷在目，她說：「我諗住自己起碼有8分，仲諗住中文會幾好，點知結果得4分，我當堂呆咗，心諗係咪搞錯？」Carol雖懷疑改錯卷，但轉頭已煩於向媽咪交代。Carol說：「媽咪讀書好叻，中四選理科，每科最低有88分，只不過家庭經濟環境唔許可先輟學，所以佢對我好有期望。點知媽咪冇鬧我，反而係我忍唔住喊。」
做兩年Sales賺錢讀書
不過之後Carol化悲憤為力量，立即為自己計劃出路，「我想過報讀IVE，點知好快就滿額，讀副學士又唔夠分，所以決定讀副學士先修班。點知一年學費要3萬6千蚊，我唔夠錢，惟有先去LCX做兩年sales，儲夠學費先再讀。」
之後她成功報讀香港中文大學東華三院社區書院的副學士先修班，「讀完一年就等於會考5科合格。呢一年我真係搏晒命，因為母校五育係中文中學，但先修班用英文教，所以開頭好吃力，考試前兩個月我仲閉關咪書，最後畢到業，總算可以同媽咪有交代。」
原來她的成績足以報讀城大、港大或浸大的副學士，她最終選擇浸大，「因為港大讀完副學士，張證書都只會由附屬學院頒發，但城大同浸大就會寫番大學名，個名好聽啲。」
讀完兩年副學士課程，等同讀了學士課程Year 1，所以9月開學Carol便可以升讀浸大Year 2，對此她充滿期待：「會考係人生少少考試，我覺得讀書為增長知識，最緊要搵啱自己學科，嚟緊我會好好享受校園生活。」
陶傑批評 Carol高興
既然正式成為大學生，本刊邀請Carol寫下中英對照文章，再交才子陶傑評審。Carol爽快答應，更主動提議以o靚模為題，她說：「o靚模係時下流行文化，我諗嚟緊開學都會用得着。」記者將她的大作傳真給才子陶傑，誰知他傳真回覆本刊時，文章已被大幅度修改，第二段更要代Carol重寫。陶傑認真地說：「Carol啲英文文法錯得好緊要，係港式英文。不過，香港嘅制度會寬鬆啲，可以算係僅僅合格；若果喺外國，如英國、印度就肥梗。」
對於文章被陶傑狠批，Carol非但沒有不快，還很高興說：「陶傑係才子，佢話僅僅合格，我已經覺得賺咗。我自知讀書未夠好，所以嚟緊會專心啲，希望下次有機會再俾陶傑品評文章，等佢睇到我有進步！」
陶傑親改文章
黑色為Carol原文
紅色為陶傑改正或增加的字句
Carol應本刊要求以o靚模流行文化為題，分別以中、英寫了同義的文章，以上是Carol的文章全文及給陶傑糾正的版本。
Rainbow重考得2分
去年仍是中四學生的Rainbow，因經常缺課而被踢出校。之後她矢言要完成中五課程，於是報讀了旺角一間私校繼續學業。本周三（4日）是中五會考放榜日，原估計自己有5分的Rainbow，最後只在中文和經濟上取得2分，坦言非常失望。
Carol本周一（2日）拿着當年會考得4分的成績單（下圖）返回母校五育中學，希望可以勉勵今屆末代會考生，即使會考成績不如理想，一樣可以有出路，她說：「條條大路通羅馬，總會有路行嘅。」
陶傑好認真於Carol文章上大肆修改，甚至為她重寫第二段。
佢呢啲係港式英文！（真實對白）
Carol在母校附近遇上Band 1的崇真中學應屆會考生，因當日未派成績單，同學對前途有點擔心，Carol即場教路：「可以讀副學士先修班，唔好以為好渣，同學當中有好多係外國回流嘅勁人。」
雖然會考得4分，但Carol報讀了中文大學東華三院社區書院的副學士先修班，取得3.01的成績（2.5分已可報讀大學副學士），順利報讀浸大兩年的副學士課程。
胸大未必無腦，Carol為了將來的生活，繼續咬緊牙關讀下去。
約11時45分Rainbow抵達學校攞成績表，她與其他學生一樣要排隊，其間她神情輕鬆，仍有心情睇雜誌。
10分鐘後，Rainbow在課室內取得成績表，但見她神情凝重，成績似乎不大理想。
定過神後，Rainbow企定定向學校門外的記者交代自己的分數，她說：「我以為自己會有5分，所以依家好唔開心。（有乜嘢打算？）我會自修補考出年會考，另外亦打算報讀設計學校課程或者語言課程，盡量讀多啲書。」
留言列表
