有時藝人嘅關係真係幾奇怪。早前林峯演唱會尾場，請咗容祖兒做嘉賓。當晚祖兒詐嬌要求咀嘴，電眼峯恭敬不如從命，但到真係咀落去嗰吓，祖兒突然縮沙，擰歪面避開。


媽咪姐以為佢哋純粹搞吓氣氛，點知唔係，佢哋一直避落去。話說周一（2日），兩人出席《翡翠明珠》首映，當晚祖兒拖實王祖藍，冇乜理過林峯。到入場時，祖兒、林峯被安排同坐，但兩人零交流，各自各同其他人影相，全程避忌。祖兒唔知係咪怕friend過頭，驚佢自己嗰位何姓嘅「好朋友」唔開心呢？


我驚俾你咀，有人唔happy嘛！（設計對白）
不知幾多人恨俾 我咀都恨唔到呀！（設計對白）
喺演唱會上面，祖兒呢頭話要林峯咀，嗰頭就擰歪塊面避開，搞到峯哥仔尷尬苦笑。


《翡翠明珠》首映，祖兒同林峯入場後，名副其實同「行」如敵國，兩個坐到背脊對背脊，成個「北」字咁款。


大合照時，林峯同祖兒貌合神離，完全係零交流（左一為狄龍）。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄