明星靚相大分享☆

對於8月10日發行新專輯《蔡依林Myself2010概念專輯》嘅蔡依林嚟講，本來係好開心先啱，但偏偏相反，因為佢舊年真係頭頭碰着黑。首先俾人話佢對上嗰隻《美人計》MV，大吹大擂話用咗港幣250萬喺美國同韓國拍攝。但播出後，就被質疑只係廠景拍攝，根本係講大話、報大數。其次又話佢喺MV入面將男主角放入箱帶返屋企，係抄蕭亞軒舊年嘅《閃閃惹人愛》。
以為出新碟有新氣象？點知佢黑氣未過。事關最近佢新專輯MV一出咋，又引嚟網民大批判，話佢嗰身打扮似將一對鱆魚撻喺膊頭，有啲就話似月曆紙。難怪Joln嬲到爆。

Jolin雖貴為台灣天后級人馬，可惜佢嘅衣着一直係毀多於譽。今次新專輯造型又俾網友狠批為「過期廉價貨」，仲刻意逐一標籤上價錢，認真大整蠱。

07年為專輯《特務J》慶功，其一身打扮就被譏似一隻水母。台灣《蘋果日報》圖片

08年出席第19屆金曲獎頒獎禮時，以Giambattista Valli禮服行星光大道，卻遭連串惡評，有人話似「剪開的花枝片」，亦有人批評將衛生巾當新裝。台灣《蘋果日報》圖片