我都係為生活啫！（設計對白）"
探熱針
無綫三不准 崔建邦迫反陳志雲
2010年09月30日
陳志雲涉嫌串謀詐騙案件，上週二（九月二十一日）正式提堂，昔日靠同陳總打關係在無綫撈得風生水起的「迷雲黨」成員崔建邦（ Amigo）及鄧健泓，近日被指背叛恩師，大難臨頭各自飛。但據了解，原來「迷雲黨」成員接獲公司密令，除不得跟陳志雲同場現身，更不能公開合照及傾偈，勢乘騎虎，崔建邦為保飯碗，被迫同陳志雲各行各路。
公司密令
早年被陳志雲重點栽培的崔建邦及鄧健泓，在恩師出事後，有指二人講一套做一套，崔建邦拒絕陪陳志雲出席佈道會，而鄧健泓則獅子開大口，索價四萬才肯答應擔任陳志雲原定在商台開咪做主持的節目嘉賓。表明立場同陳志雲劃清界線，原來背後大有原因。
「 Amigo一早接到公司通知，唔可以同陳生出席同一個活動，就算避唔到，都唔可以合照或者傾偈，鄧健泓試過同陳生出席同一場合，轉個頭就被公司照肺。其實嗰日髮型屋開張，個老闆講明陳生唔會到，點知佢突然出現，記者嗌影相，崔建邦驚俾公司鬧，咪拉埋髮型師一齊合照囉，點知又俾人話佢哋忘恩負義。」崔建邦身邊人透露。
冇乜工作量的崔建邦，手頭上只有跟何傲芝一起主持的《東張西望》。
七月崔建邦的髮型師新店開張，陳總突然殺到，他跟鄧健泓唯有隔住髮型師合照。
崔建邦好景時購入價值接近五十萬的 Audi，早前因供唔起而賣出，並隨即換了部朋友平讓給他的 Mini Cooper代步。
被指有情有義的王喜，坦言會賣樓支持陳志雲打官司，提堂當日，他就陪住陳志雲出入。
王君馨（右）跟周美欣都是虔誠基督徒，本來答應跟陳志雲到以色列拍宗教節目，都要聽公司指令臨時甩底。
曾經是迷雲黨成員的鄧健泓，近來工作量亦急降。早前難得獲派跟薛家燕（左二）、吳家樂（左一）及陳倩揚（右二）在中秋節目做主持。
生人勿近
崔建邦曾經公開講過，見到陳志雲有難，慨嘆自己想幫都有心無力。事實上，走出雪櫃後，工作量急降兼收入大減的崔建邦，被迫賣車慳住使，為生活不得不規行矩步。
「陳生出事之後， Amigo一直冇收入，好擔心自己前途，而家開番工，都只係得《東張西望》一個節目，連《勁歌》都無得做， Amigo底薪得兩萬，一年要做滿六十個騷，如果唔夠騷，就連兩萬蚊都冇，佢以前搵開十幾萬一個月，而家連架 Audi都供唔起，要靠朋友平讓架二手 Mini俾佢揸。 Amigo聽公司話，都係想保住份工啫，唔通唔使食飯咩？」知情者說。
「陳志雲生人勿近」指令一出，據了解，無綫全體藝人一律要遵守，就連王君馨等虔誠基督徒，原本答應陳志雲跟隨林以諾牧師到以色列，為教會拍攝有關尋找耶穌足跡的節目，最後為自保，臨時搵藉口甩底。
撰文、攝影：娛樂組
留言列表
