等咁耐，終於修成正果，講緊咪最新型號 HTC Radar囉！智能手機玩咗兩、三年，主角唔係蘋果，就係 Android，今次 Windows Phone 7.5 Mango正式宣戰，能否盤據一方，化為三國鼎立那不得而知，但該系統嘅全面中文化，加埋支援 Kinect體感遊戲呢一瓣，肯定蘋果 Google都投晒降！記者：陳國輝攝影：王文忠Model： Irina@Zmodel
手寫繁簡字 亂撩照認 放大圖片 
■ Radar提供中文手寫輸入，至於倉頡、速成鍵盤尚未支援。
可能大家有印象，乜早前 HTC HD7以及 Mozart，唔係行 Windows Phone 7咩？若然你仲記得，倒不如抹咗佢，事關佢採用英文介面之餘，仲打唔到中文，鬼佬就啱用，但呢班玩 WhatsApp大嘅港仔港女，佢哋肯定唔 Like！啟動 Radar，進入主目錄已見到全中文介面，仲可以用筆畫嚟搜索功能，中文化程度，誇張到你唔信！但最抵錫都係中文手寫嘅準繩度極高，老實講，手寫區只得半邊芒，手指大啲都唔掂，但潦草畫符都認到，呢樣要加分；但留意，佢暫時唔支援香港字，而且你想佢將簡體字自動轉繁體，亦無法做到，如果你係 WhatsApp或者 SMS打手，未必咁方便。
放大圖片 
■以筆畫數目去搜尋功能，有啲誇張。
放大圖片 
■得半邊畫面寫字，大致上都夠用。
插上 Kinect玩體感雙打 放大圖片 
■控制手機嗰位負責興風作浪，另一人就要平衡身體，避免跌落水！
Mango另一強項係打機，除咗支援 XBOX Live，仲首次加入要發動全身嘅體感遊戲！只要將 Radar以及屋企隻 Kinect接駁到電腦，你就可以同另一位 Partner雙打，即係一個負責控制手機，而另一個人就郁動全身畀反應，新鮮感真係爆晒燈！不過，暫時只提供一款《 Drifting Crisis》遊戲，而且中途撈機亦唔多順暢，但話晒隻 Game仲係免費，如果你屋企已經有 Kinect，不妨單撈玩吓！
放大圖片 
■試玩手機版《 Need For Speed》，畫面流暢到痹。
放大圖片 
■睇串流電影無窒格，而且喇叭聲夠晒雄亮。
全景實試 放大圖片 
同樣以移動鏡頭方法拍攝，但驟眼睇搵唔出任何「駁位」，而且相片嘅彩色非常均衡，樹葉光暗位都好細緻，抵讚！
Detail Snap 放大圖片 
■具備 f2.2大光圈，提供靚景深效果。
放大圖片 
■拆出底蓋後，發現 Radar採用內置電池。
放大圖片 
■機面、底有喇叭，也支援 3.5mm耳筒。
放大圖片 
■比起 Android Phone少咗粒 Menu掣。
Profile 放大圖片 
$3,498HTC（ 3520 1234）
系統： Windows Phone 7.5 Mango處理器： 1GHz重量： 137g記憶體：內置 8GB/512MB RAM體積： 61.5× 120.5× 10.9 mm通話時間： 480（ 3G）/600（ 2G）分鐘備用時間： 535（ 3G）/480（ 2G）小時主要功能：連接 Kinect打機、 3.8吋 WVGA屏幕、 500萬像素相機、 720p高清拍片 
留言列表
