電眼美人李美鳳昨日無懼超級颱風鮎魚，由台灣來港出席美容活動，更首度公開演奏彈琴。她笑言學琴已有 5年，琴技已超越一對子女，也因為練琴多了耐性，笑容多了，與子女關係好了不少。
其他娛樂名人影片
久未露面的電眼美人李美鳳與夫婿鄭翔中，昨日冒超級颱風鮎魚由台北到港，在中環四季酒店出席護膚品牌 Estee Lauder的晚宴，席間李美鳳首度公開彈奏鋼琴，演奏蕭邦夜曲，其母親、契媽和胞妹李美美也前來撐場。
放大圖片 
李美鳳全神貫注演奏蕭邦名曲，為慈善出力。
放大圖片 
李美鳳首度公開演奏鋼琴，夫婿、母親、契媽及胞妹均前來支持。
老師讚達 7級
事後李美鳳笑言演奏時手震、心跳加速，她說：「為咗呢首歌已經練咗幾個月，其實學彈琴已有 5年，冇考過試，老師話我今日彈呢首歌已有 7級水平。」問到她的琴藝是否超越一對子女，她說：「都係，大人專心啲，可以坐得耐啲，學咗琴，覺得自己似 teenager，冇咁似『後底乸』，同仔女關係都好啲，多咗耐性同笑容。」問到此行有否跟林敏驄聯絡，李美鳳說：「自己都係兩、三月返嚟一次，主要探媽咪，喺報紙都見到好多佢近況，時間唔多，同佢冇聯絡。」
放大圖片 
張天愛近日忙於打理內地藝術學校，清減了不少。
放大圖片 
熊黛林（右）揚言已買了生日禮物給城城，但會否慶祝則保密。
張天愛瘦 20磅
此外，偕夫婿羅素到來的張天愛，設計了 6套服裝慈善拍賣，她透露忙於內地學校而消瘦了不少，並笑言曾經考慮過整容，她說：「有一排覺得皮膚麻麻哋，諗過打 botox，不過見到人打得好肉酸，又走火入魔。」問到老公有否投訴，她說：「佢冇眼睇我，我比起喺美國嗰陣瘦咗成 20磅，佢攬住我連個胸都冇埋。」作模特兒示範的熊黛林則預告下周二郭富城生日會在工作中度過，她說：「唔會講同唔同佢慶祝，不過已買咗生日禮物畀佢，之前佢都有送生日禮物畀我。」對於王力宏暗寸城城買名貴跑車暴發戶，她說：「佢有品味，有能力買咪就唔算啦。」採訪： R. Au Yeung攝影： Chan Shun Ching 
李美鳳專程前來慈善晚宴，風采依然，星光不減。\n
留言列表
