21歲趙茜上週四（ 17日），除一眾《變形 4》主角外，大陸新紮模趙茜亦隨大隊去鰂魚涌開工。當日，趙茜着住件背心仔加熱褲出場，咁鬼惹火，搶晒鏡。
FBI
蒙古高妹 《變形》削面
近年荷里活片都鍾意加入中國演員攻強國市場，《變形 4》梗係唔執輸，今集除加入「國際冰」李冰冰演出之外， FBI仲留意到多咗一位 21歲嘅新紮內地嫩模趙茜，比起女主角 Nicola仲搶鏡。
來自內蒙古嘅趙茜，唔只靚女，而且身高有 5呎 9吋半，最勁係 36E導彈身材， 3年前參加大陸舉行嘅「國際比堅尼小姐」得到冠軍，上年因參加《變形 4》中國演員招募性感女神脫穎而出攻入荷里活。不過， FBI發現，幾年前嘅趙茜，輪廓明顯冇𠵱家咁突出，更由發水面變 V面，今時今日想紅，真係要識變面術先得喎！
今年 21歲嘅趙茜，擁有 36E巨彈身形。所以佢都唔怕醜，影落唔少大膽性感相。（網上圖片） 
週日深水埗外景，飾演製造變形金剛嘅首席女科學家李冰冰，終於出動。當日冰冰谷盡胸玩飛車。《蘋果日報》圖片 
男主角麥克華堡及女主角 Nicola等主角，就由博派新成員 Hound軍車護駕下狂奔。《蘋果日報》圖片
3年前，趙茜參加「國際比堅尼小姐」時，面闊而且氣質勁娘。上週來港，塊面唔單只尖晒，成個樣都 sharp晒，唔係化妝咁簡單啩？
全站熱搜
留言列表
