要用幽默感嚟處理！（真實對白）May姐上週五（ 18日）往中環中心種牙，對被批評笑聲難頂，她說：「唔叫我大冬瓜已經好開心！」還即席教記者如何用雞汁醃完食物至好煮（小圖）， May姐堅係愛雞汁。
真面目
哈哈哈 上岸罷拍第 3輯 追訪雞汁 May：「唔話我大冬瓜已好開心」
TVB一台獨大，節目冇創意卻又不停植入廣告，觀眾矛頭直指淨係識哈哈哈嘅「雞汁 May姐」，一時間《 May姐有請》變成市民笑柄。
觀眾憎睇 May姐，但係製作總監余詠珊已準備開拍第三輯，話之你民意沸騰。之不過 68歲 May姐上週接受本刊訪問時就話怕怕：「我唔肯再加喇……（網民）唔叫我大冬瓜已經好開心，哈哈哈！」俾人鬧得多梗縮沙啦，你估係特首同高官咩！
狂嗌轉台
網民發起週日（ 20日）包圍政總塞爆公民廣場，集會現場播放《 May姐》惡搞片段時被市民狂噓，及舉起交叉手勢大叫「轉台」，反應極大。
余詠珊：「好多人爭住贊助」
節目負評爆燈，但週日（ 20日）收視竟狂升 4點至平均 22點，難怪非戲劇製作總監余詠珊極欲開拍第三輯。
上週四（ 17日）余詠珊出席活動時承認有意添食，而且事在必行：「拍呀，一定拍！但 May姐太忙，要下年至開到工。」問到新一輯 May姐是否依然要集集落雞汁，她則回應：「點解係雞汁，好多人爭住 sponsor May姐㗎，暫時好多嘢未落實，詳細要開會先知。」
不過曾經話過想退休的 May姐其實唔多願意再做，據知 May姐第二任老公梁振邦，於內地從事化工原料生意，現住西貢市值 4,000萬獨立屋兼在港島山頂有一市值 6億物業，而 May姐開設的兩間曲奇餅店生意不俗，拍飲食節目純為興趣，家陣日日被人恥笑，畀你都縮。
May姐三部曲
May姐每集都有指定動作，睇得多都煩，唔怪得觀眾怒叫要踢走 May姐。
乜姐惡搞
May姐哈哈哈不斷被惡搞，網絡紅人司徒夾帶亦扮 May姐，連同魔術師 Hunny及小花拍《乜姐有請》食薯片點雞汁，有成超過 60萬點擊率。
哈哈哈
攬嘉賓
操兵走
同嘉賓吹完水埋位試食， May姐都要手拉手操兵咁款走出熒幕，軍訓乎？
唔憂做縮沙
May姐其實在圈中人緣極好，年輕時曾做過 TVB藝員經理，捧紅過「五虎將」和周星馳、周潤發等，威水史一籮籮。
夫擁 7億物業
May姐現任老公梁振邦非常有米，退休唔做係人之常情，觀眾唔阻你㗎！
6億山頂物業
山頂百祿徑豪宅甚少成交，最近有一同街的獨立屋叫價 6億放售，真係打跛腳唔使憂。
現居 4,500萬獨立屋
羅鈞滿擦錯鞋玩完
香港電視冇牌，搞到無奈要炒 3百多名員工， TVB羅鈞滿卻叻唔切，突然在 facebook直斥王維基將不獲發牌同公義混為一談，又指他應為被炒員工負上全責，謬論一出即被網民狂插。
羅鈞滿雖然有解釋：「我係支持政府應該交代冇發牌原因，但同時知道有部門俾人炒，嗰刻好有感受。」但由於群情洶湧，據知搞到要暫停接 job，知情人士說：「家陣佢人氣太差，公司怕幫佢接騷同商演，出嚟隨時俾人噓爆咪仲衰！」位已上，但唔係咁上囉！
懶另類
羅鈞滿落敗《星夢》後，即為新劇《男大當婚》試造型，咁識擦鞋梗係襟撈啦。
被死亡
任由網民編輯的「維基百科」網頁，羅鈞滿的資料被惡搞，指他於今年 10月 17日，在電視城舔高層鞋時中毒身亡，終年 29歲。
繼續師奶
播足半年的《 May姐有請》其實到下週日（ 27日）將播最後一集，以為 May姐玩完有新嘢睇，但大家應該又失望，無綫外事部總部曾醒明稱：「 May姐之後，會改由黃淑儀主持嘅《吾淑吾食》，暫定 10集，之後肥媽嘅《食平 D II》亦籌備中。」即係繼續貫徹師奶為目標，學曾醒明話：「星期日 8點播飲食節目有一定收視呀！」
May姐之後，由黃淑儀接棒，以後又有肥媽《食平 D》，想 TVB變？好難！
留言列表
