上週五（ 18日），「娜姐」需到警署報到，片中被摑的男友則全程傍到實，二人更不時有傾有講，各自塞一邊耳塞扮「聾」好有默契，又會轉變得咁快嘅？最終「娜姐」須於 24日到九龍城裁判法院上庭等候宣判。
真面目
天生一對 差館報到 賤招甩身 14巴港女吹弱雞招殘兵
網上瘋傳的「港男跪地捱港女『女友』巴掌」片段， YouTube點擊率至今已高達 160萬。 20歲鄭姓女子向 23歲趙姓男友連摑 14巴掌，被網民冠以「 14巴港女」惡名，除了雙雙被起底外，花名「娜姐」的鄭姓女子更被控以襲擊罪名拘捕，上週五（ 18日）到警署報到。
本刊全程直擊「 14巴港女」和男友到警署報到。面對貼身追訪，二人出盡辦法撇甩，更「吹雞」搵幫手，可惜只班到金髮男同佢老婆，吹弱雞招殘兵，又一幕搞笑鬧劇。
本月初，網上瘋傳一段的「港男跪地捱港女『女友』巴掌」短片，片中惡女不單怒扯男友頭髮 8次，仲連摑 14巴掌，最後遭網友大起底，並冠以「 14巴港女」醜名。
據知， 20歲「 14巴港女」現於香港專業教育學院（觀塘分校）就讀，並於土瓜灣區的個人護理連鎖店兼職，但事發之後一直放「事假」。
奴隸男兇狠
正當大家以為被打 14巴之後，這對小情人會不歡而散，但上週五，「 14巴港女」到九龍城警署報到時，被摑的趙姓男友仍然「跟得男友」，上的士離開時，「 14巴港女」繼續向男友呼喝︰「坐車頭啦你」，尊嚴何在？
當日早上 11時 30分左右，兩人到達九龍城警署，落的士時，「娜姐」先衝入警署，本刊記者上前問她掌摑男友一事時，趙姓男友馬上衝前兼大叫︰「喂！呢度差館嚟，阿 Sir做嘢啦！」趙姓男子表情兇狠，同當日跪地求饒個奴隸格好唔同喎！
兩人被警員召入房，逗留大約一小時，再乘坐白色警車回到土瓜灣的住所附近。對於記者的追訪，二人不時擺出臭寸樣，一言不發，更在馬路中央左穿右插試圖撇甩記者，險象環生。
被「 14巴港女」當街打完，男友仍然跟出跟入，真係多啲尊嚴都做唔到。 
兩人成功搵來一對男女幫手，死纏記者，金髮男仲郁手郁腳，真係物以類聚。
「唔好扮 x晒嘢」
之後兩人到觀塘翠屏南邨，一落車就飛奔到另一架的士，被本刊再度追問有關掌摑一事，二人表現煩燥，趙姓男子還用粗口指罵的士司機為何不開車離開。同一時間，「 14巴港女」就不停地打電話，記者聽見她說：「阿咩哥嚟緊幫手！」
相隔數十分鐘，一名金髮男和一名師奶來到現場，師奶先大聲呼喝記者「唔好扮 x晒嘢！落車走喇！」而金髮男就從後熊抱本刊記者，經過一輪混戰後， 14巴港女和男友成功跳上另一的士，而金毛男則散水，師奶原來是他老婆：「老公走喇！」
其實「 14巴港女」口口聲聲話自己係明星，應該大大方方做個專訪，等全香港人認識吓你嘛！
上星期上映的電影《溝女不離 3兄弟》，乘機抽水拍宣傳片谷戲，陳奐仁和莊思敏在同一地方，重演「 14巴港女」經典掌摑，片中對白當然改為幫電影宣傳的字眼啦。 
兩人第 2次跳上的士，撇唔甩記者，「 14巴港女」頻頻打電話「吹雞」。本刊將港女上的士呼喝男友片段，於上週五放上本刊 YouTube頻道，短短四日，週一已超過 13.5萬點擊。
唔返工唔返學
據知 14巴港女就讀香港專業教育學院觀塘分校，「成名」之後，學校和工作地方都未見她的蹤影，相信是避開傳媒的追訪。
14巴港女就讀香港專業教育學院觀塘分校，分別有工商管理同設計兩個學科選擇。她亦曾在 fb列出學校名。 
14巴港女亦於土瓜灣區的個人護理連鎖店任兼職員工，掌摑片段曝光後已多日冇返工。上週五（ 18日），本刊前往詢問店鋪女經理，她說︰「佢冇返工，佢 part-time嚟嘅。」
留言列表
