拍攝呢場拖地受虐戲，娜姐話受盡皮肉之苦。不過着到咁性感，狂徒有冇色心起，娜姐又話冇喎：「我哋係商品，要打黑市拳，佢哋唔掂得㗎！」
真面目
暴力嬌娃 叫鴨虐打 周秀娜 SM照流出
年初與拍拖 6年男友陳偉成甩拖，舊愛冇耐已經拖住𡃁模 Yumi晒幸福，可憐周秀娜就得個做字，未有新戀情。
本刊收到絕密消息， dry爆娜姐搵唔到真愛，索性約埋好姊妹，秘赴馬來西亞自組叫鴨團尋歡……哈哈哈哈哈哈，有一半係真，另一半係劇情啫。卓韻芝導演、周秀娜主演新戲《爆 3俏嬌娃》下月上映，今次娜姐唔只打到飛起，仲真係俾卓大導安排去叫鴨玩 SM，都算寓工作於娛樂啩！
甩拖後，娜姐專心事業，好明顯更搏更瞓身，上半年戲接戲拍唔停，下半年就到收割期，拍住杜汶澤擔大旗的《爛滾夫鬥爛滾妻》後，輪到經理人公司 GME創業作，由卓韻芝執導的動作片《爆 3俏嬌娃》上映。
上一幕至係晚裝，下一幕已經換咗 SM黑絲套裝色誘狂徒，又會咁快：「我哋一心諗住去馬來西亞叫鴨，所以咪帶啲 costume喺身囉！」 
同卓導演拍檔兩個月後，三位演員都慣咗套「被折磨」模式，所以喺馬來西亞拍緊呢場被虐戲時， DaDa Lo同 Hidy冇嗌痛，仲好開心添！
賣肉拉客
話說娜姐同師妹 Hidy（余曉彤）在戲中夾份開拳館，不過生意麻麻，惟有夾埋老友 DaDa（盧頌之）以「靚女陪打拳」做招徠拉客。三姊妹生意做唔掂，又一齊俾男友飛，友情亦都瀕臨決裂之際，被神秘人邀請赴馬來西亞豪華遊……呢個世界梗係冇咁大隻蛤乸隨街跳啦，原來娜姐三姊妹被當地販賣人口集團禁錮逼打女子黑拳，齊齊被賣豬仔。
卓大導今次明玩港產俏嬌娃，為逃出生天兼瓦解販賣人口集團，娜姐梗係打到飛起。本刊收到絕密劇照，為咗色誘敵人，娜姐、 DaDa同 Hidy齊齊玩埋 SM。
《爆 3俏嬌娃之決戰鬼獅子》將於下月 14日上畫，係娜姐經理人公司 GME電影創業作。 
七情上面變埋身跳鋼管舞，可惜娜姐最後的美人計施展失敗，又換來一身毒打。 
捱更抵夜拍打戲，娜姐話最辛苦係筋疲力盡通宵被拖行：「個人好攰、件衫又緊，塊面啲傷係化，但其實對腳一早磨到真損。」
被狂徒關閉在廢棄工廠，呢條三百米通道，三女俾人拖行足足四五次，難怪個個都話被卓導演虐待。 
今年 5月《爆 3》在馬來西亞正式煞科，卓韻芝帶領娜姐同兩位師妹齊齊出席煞科宴。
「上圍磨到好痛」
雖然《爆 3》主要講三女友情，不過娜姐都有艷福，在戲中被前男友徐天佑慘飛後，最終同師弟趙勁皓終成眷屬。
「其實我哋喺香港感情失敗 dry咗好耐，一心諗住豁出去，到馬來西亞叫鴨㗎，所以被人禁錮時身上會有呢啲戲服囉！」
最近腸胃炎入廠、早前又為 TVB節目傷腳，娜姐自爆今年最傷其實係拍卓大導套《爆 3》：「佢真係冇人性㗎，成日叫我哋着住套晚裝同 5吋高踭鞋打。呢幕就俾人又拖又吊。我哋拍咗一晚， DaDa大髀內側磨損、我就喺地下拖到菠蘿蓋損晒，一晚俾人拖來拖去四五次，上圍都磨到好痛，因為件 SM戲服啲窩釘好硬頂住囉！如果呢套戲收得，我一定要卓韻芝着番啲戲服大報復呀！」卓導演都係為套戲好啫，再講 SM暴乳娜姐被人拖地蹂躪，一睇就知係高潮位喎！
傷過情傷
失戀情傷，娜姐一早好番晒，不過周身拍戲「戰績」就有排醫！近年娜姐戲接戲，亦都傷接傷，不停出入醫院，呢啲咪財多身子弱囉！
10月
7月
沖繩拍攝無綫節目《度身訂造旅行團》時放煙花叉錯腳，趾公重創。
4月
11年
留言列表
