陳茵媺自認錫番肥豪
其他娛樂名人影片
陳茵媺（ Aimee）前日去完中環出席活動之後，喺 4點幾就去咗附近行街，佢先喺連卡佛揀鞋。蜜運中嘅女仔唔單止特別靚，而且仲好和藹可親，當記者走埋去問佢拍拖開唔開心時，佢都有問必答，仲笑到好甜咁話：「 OK啦！做嘢都好開心。」面對近日心廣體胖嘅男朋友陳豪， Aimee就錫住男友話唔算係好肥，而且近日男友要趕戲應該都會好辛苦，至於會唔會錫番佢，陳茵媺就話：「 OK啦！有呀，佢都好好。」面對近日挖角潮，陳茵媺就即刻打起精神向 TVB表忠，佢話：「我會一直留喺 TVB，同公司合作好開心，而且我嘅合約仲有好耐。」之後就拎住戰利品行去攞車走人。
放大圖片 
陳豪之前去試衫，後面望埋去明顯肥咗兩個碼，變咗豪華臀。資料圖片
放大圖片 
阿 Lynn平民打扮去到中環揀冷衫，應該走唔甩男友城城嗰份。
熊黛林揀冷衫
另外，大約 6點鐘就見到熊黛林（ Lynn）着住 T恤牛仔褲戴副黑超現身 H&M，同平時喺天橋千嬌百媚嘅感覺完全唔同，見佢一邊揀冷衫一邊講電話不知傾得幾開心，睇嚟男友郭富城應該就快有新衫着。買完衫之後阿 Lynn碰到兩個朋友，寒暄咗一陣佢就攞車離開。 
有愛情滋潤嘅 Amiee買完鞋後撞見記者，打完招呼急急腳走人。
陳茵媺 自認 錫番 肥豪 陳豪
文章標籤
全站熱搜
留言列表
