香港書展有宅男為買周秀娜寫真、攬枕而通宵達旦霸頭位,台灣書展一樣有宅男為見漫畫女神捱更抵夜排足六日六夜,求嘅只係一睹來自湖南嘅內地美女漫畫家夏達嘅風采,1981年出生嘅夏達雖然就嚟三十,但係佢副童顏樣似足十八歲嘅台灣黑澀會美眉咁青春又可愛,班宅男由年初一等到年初七,書展一開幕為搶購夏達嘅200套簽名組書,宅男們洶湧而上,場面失控有如暴動一樣。

書展一開幕宅男們即洶湧而上

夏達來到台北最想去嘅地方係花卉展

1981年出生嘅夏達一副童顏樣似足十八歲

筆名叫做April嘅夏達高中就開始畫漫畫,○三年正式出版單行本《四月物語》,大學畢業後夏達就喺北京開始佢嘅職業漫畫生涯,佢喺《北京卡通》連載嘅《米特藍的辰星》廣受好評。融合中國畫風嘅夏達曾獲中國金龍獎最優秀少女漫畫獎殊榮,09年佢嘅作品《子不語》更獲日本集英社漫畫月刊連載,瞬即成為日本當紅漫畫家。

夏達作品帶有中國風

美女漫畫家夏達台北書展訪問

全站熱搜

stacylife 發表在 痞客邦 留言(0) 人氣()