「啲飯食完一碗又一碗」郭羨妮陀小龍女脹爆 130磅

陀 B五個幾月的郭羨妮昨日無懼老公詐型，腳踏 5吋高踭鞋出席手錶活動，公佈如兩公婆所願懷小龍女，自爆現時重達 130磅，肥到似波。安志杰大晒繫在左手無名指的情侶戒指，冧爆說戴着就想起女友謝婷婷，被問如何過情人節時卻尷尬滴汗。

其他娛樂名人影片

郭羨妮、安志杰及韓模蔡恩真昨日在尖沙嘴出席天梭錶活動，郭羨妮穿連身裙難掩巨肚及圓潤手臂，更腳踏 5吋高踭鞋，認真大膽。陀 B五個多月的郭羨妮高興地宣佈懷小龍女，與老公朱少杰得償所願，自言怕痛的她將擇日開刀，預產期 6月，早已預約床位生 B，她謂不覺床位難撲，已開始買 BB用品， B女名字留待長輩決定。

放大圖片

郭羨妮宣佈懷有小龍女，為貪靚穿五吋高踭鞋並企足全程。

放大圖片

與韓模蔡恩真示範手錶的安志杰，大晒與女友的情侶戒。

減肥贊助

問貪靚穿高跟鞋的郭羨妮，老公有否阻止，她說：「叫我唔好跳同搖，搖到 BB都暈。」她自認肥了很多，近月肚子大得很快是正常：「之前唔覺肥，家似個波，但老公、奶奶話我瘦，重 130磅，未慣咁大個肚，行動冇以前咁敏捷。」郭羨妮表示與腹中 BB說話及播音樂胎教， BB會郁動有反應，問到有否特別餐單，她說：「冇，飲湯，胃口恐怖，啲飯食完一碗又一碗，擔心生完唔知點減，希望有減肥贊助搵我。」她謂留在家中安胎很悶，暫不會全面停工，閒時愛煲主演劇集《缺宅男女》，不問收視的她只知口碑好。同場的安志杰與蔡恩真示範手錶，司儀問安志杰元宵與女友謝婷婷吃過法國餐，如何慶祝情人節時，安志杰即額頭汗如泉湧，他說：「未知，仲有其他菜式，未買禮物，有諗過自己整，但唔夠時間。」

戴情戒心甜

問到左手無名指上的戒指是否與婷婷一對，安志杰說：「買嘅時候係一對，工作時戴就諗起佢。」至於是否訂婚戒指，他即否認。」採訪：林嘉慈攝影：陳志嵐


郭羨妮昨日挺着五個多月巨肚開工，穿背心裙令壯臂現形，自嘲肥到似波。

懷孕5月踩高踭 郭羨妮自嘲肥到變波

懷孕5個月的郭羨妮，昨日出席TISSOT慈善拍賣發布會時，大膽地穿上5吋高踭鞋，她說：「靚吖嘛！企一陣啫！老公冇唔畀，但叫我唔好跳同搖，因為我成日周圍郁。」她透露腹中塊肉是女嬰，預產期則是6月：「我會開刀，到時先生會陪住。（唔係話順產感受吓咩？）唔喇！我驚痛！」問到有否胎教，她說：「喺屋企會聽音樂，我同老公成日同佢傾偈。」她還自爆胃口大增，現已有130磅：「每晚食完一碗飯又一碗，肥到成個波咁！（習慣未？）未呀！」

第一手消息請下載on.cc東方互動iPhone/iPad/Android Apps

名人組

冒險踩高踭的郭羨妮，出入均有工作人員扶到實。

郭羨妮貪靚踩高鞋 胎教行善

準媽咪郭羨妮（Sonija）昨天為Tissot舉行慈善拍賣發布會，貪靚的她仍然穿上5吋的高跟鞋，她以身作則率先作第一個競投，BB在肚裏已被灌輸「施比受更為有福」的精神，別具意義！

郭羨妮透露丈夫得知ＢＢ是女時高興不已。

藝人Sonija昨日現身尖沙咀出席「Tissot T-Touch Expert 2012龍年限量紀念珍藏版全球首枚高科技觸碰感應腕錶慈善拍賣」活動，懷孕5個多月的她仍穿5吋高跟鞋出席，認真貪靚，她說：「靚呀嘛！都係企一陣啫，（老公有冇唔畀你着呀？）冇呀，不過就叫我唔好成日跳、唔好搖，哈哈！因為我成日周圍郁。（停工未？）未知住，暫時出席活動都仲OK，留喺屋企冇嘢做，出吓嚟冇咁悶。」

胃口大增食唔停

Sonija透露預產期是6月，到時會在丈夫陪伴下入院剖腹，現時BB非常精靈：「已經照到係女仔，BB依家成日踢我，（有冇胎教？）我喺屋企成日聽音樂，仲有同佢傾偈，我老公成日同佢講嘢！」她坦言丈夫恨生女，現在得償所願也非常高興，至於女兒名字留給老人家改。

身懷六甲的Sonija貪靚，昨日仍穿５吋的高跟鞋出席活動。

安志杰與蔡恩真盛裝出席。

昨日在現場所見，Sonija明顯身形圓潤不少，自爆現時已達130磅，她說：「每晚食完一碗又一碗飯，肥到成個波咁！」她非常擔心誕下女兒後難修身，笑言要現在找定纖體贊助商。

至於安志杰及韓星蔡恩真昨日亦有到場，安志杰被問到手中的戒指有否訂婚意思？他表示：「冇特別，只係情侶對戒，（預備咗禮物畀婷婷未？）本身想自己整，但冇時間，一陣行街物色。」

文：名人組