今年參選特首比之前熱鬧，繼唐英年和梁振英後，就連民建聯創黨主席曾鈺成和新民黨主席葉劉淑儀都話有意加入特首選舉戰團，名副其實七國咁亂。但原來仲有一個人有興趣做特首，呢位仁兄就係大家估都估唔到，平日鍾意上廣州同深圳的小明，小明之所以做特首，都係拜醫生李家仁所賜。李家仁近日推出了一首新歌〈小明做特首〉，歌詞都係以選特首的人同事為藍本，「小明要做特首阿爺都開心笑小明冇做特首有冇人偷偷笑」歌詞輕鬆搞笑，等大家可以暫時放下邊個做特首先啱，呢個咁大的難題！

李家仁又玩新嘢，今次唔叫小明上廣州，反而叫小明去選特首。

李家仁的新歌〈小明做特首〉MV裡，就有唐唐等政界人物的漫畫。

〈小明做特首〉

小明做特首？說笑罷了？其實，《小明做特首》可能是未來會超級流行的一個「人人有份猜、人人有份玩」的「猜領袖」和「估領袖」的集體搋澄鋹(猜情尋)、廣東人呼之「包剪揼」或外省人稱之為「布、鉸剪、石頭」的小遊戲猜皇帝進化版。

這遊戲的方法行簡單，大致上，我們可以分作「全民普選」或「功能組別」的競猜模式來玩，主要的，是視參加者的人數而定。

人太多，我們就選用美國式的「間選」。這一種「間選」，就和我們香港目前仍沿用的「功能組別」選舉法有點相似。人不太多的話，就可以全部到場的朋友一起玩，實用來一個「全民普選」。

還有一點，玩這一個遊戲的朋友，必需老實，不可似造假、虛報，也不可種票。沒有被邀到聚會的朋友，就不可以搏大霧、扮代表參加。

「全民普選」式的方法並不複雜。首先，我們由主持人擔當旗手，請在場全體人士一同站立，然後和在場的所有朋友一齊玩「包剪揼」。勝負方式，也是簡單直接的。主持人如果出剪，出揼的就是勝出者，而跟主特人同出剪打和的、和出包的打輸的，都同被列進「負」方坐下來，而所有出「揼」的朋友們就可以留下來玩第二輪、第三輪的搋澄鋹遊戲，而猜至成為最後的一位勝利者，就可以成為「小明特首」，或得到大禮物一份。為增加緊張氣紛，最後的幾位候選人，可以請他們上到台上去玩，再給他們一個號碼，由台下朋友們為他們一齊打氣，猜一猜那一個是勝利者。台下猜中「誰是小明特首」和台上猜贏的，都可似得到超級大獎。

「間選」方法，就是聚會中每台人先猜，選出一個作代表，作為選委，然後各選委再作上台。台下競猜，台上鬥猜，猜出最後的得勝者。這一個遊戲，最適宜在各大周年晚宴中玩，很熱鬧、很高興的。這一個猜特首、估領袖的遊戲，還可以是一個通識活動，教導大家認識民主這一個普世的價值觀。

為增加「包剪揼」的緊張氣紛，我們每猜一次，都可以用不同的猜枚模式去猜，如十五二十、何家小雞何家猜、左一拳右一拳、小明小明小小明、黑白配等等，大家還可以創作出不同的口號作配合，例如「包剪揼十五二十，搞好經濟就冇人嘰噻」、「左一拳呀右一拳，住屋交通妥當就唔使氹氹轉」、「小明小明小小明，醫療福利搞掂就話你醒」、「黑白配，男仔女仔配，文化教育創意要好好栽培」，創作這一些押韻的句子，也是很有趣的。

《小明做特首》仍由小明團隊的創作人韋然作曲並詞，音樂人何沛澄編曲，小虎及何沛澄和唱。

小明做特首
曲、詞：韋然編曲、製作：何沛澄唱：李家仁
和唱：小虎、何沛澄
原創漫畫：韋然
繪畫、協力：黃欣欣
MV導演、編劇、監製：韋然
製作、剪接、動畫製作：Good Weather Studio
OP: AL-Songs Music Publishing Ltd

小明要做特首人人哈哈笑
小明佢做特首包冇人呱呱叫
小明要做特首阿爺都開心笑
小明冇做特首有冇人偷偷笑

阿郎與珠媽跟韋然陳豪和何邂
家英哥司徒夾帶你家人都嚟撐
阿爺阿姐阿叔阿婆齊齊嚟猜啊
猜輸猜贏冇緊要來來來猜啊

澄鋹磨鉸叉燒包老鼠唔食豆沙包
唐唐唔食豬油包 CY唔食沙糖包
權哥唔食黑麵包成龍唔食小籠包
林峰骾唔落啅包志偉唔再賣大包

古巨基馬逢國小明噚埋你啦
曾露得米雪小明猜贏你啦

包剪揼十五二十搞好經濟又點會有人嘰噻
左一拳呀右一拳住屋交通妥當唔使氹氹轉
小明小明小小明醫療福利搞掂就話你醒
黑白配男仔女仔配文化教育創意要好好栽培
有能力又肯承擔其實做特首又有幾難

一二三快來啊呢度有得揀
猜特首估領袖小明噚埋你啦
埋嚟睇啦埋嚟揀呢度有得玩
猜特首吖估領袖小明猜贏你啦

握握手好朋友我哋一齊估吓邊個做特首
呢度人人有得揀唔係勁膠金曲咁謊謬
黑芝麻呀白芝麻李小龍呀史太龍
何家小雞何家猜猜贏就去做特首

方力申鄺其志小明噚埋你啦
張曼玉薛平貴小明猜贏你啦

一二三呀三二一有錢大家搵有金大家執
小蜜蜂呀嗡嗡嗡我地唔係狗又唔係蝗蟲
一隻青蛙兩條腿中國人互相包容又點會衰
零零七呀入子彈小明你快哋返屋企喫飯
唉 ! 不過小明發夢係北京嘅時候
已經被胡先生勸退，唔會做CE啦!

猜猜怎會實現請你想一想
想一想會實現請你高聲唱
假使心有願望不怕想多想
普選將快實現只要高聲唱