做背後男人陪睇騷陳奕迅飛巴黎賀壽阿徐
【巴黎直擊】巴黎不愧是浪漫花都戀人勝地，上周五鄧麗欣與方力申在羅浮宮被本報撞破遊巴黎慶祝小方 32歲生日，今日是徐濠縈 38歲生日，老公陳奕迅（ Eason）神秘現身巴黎為老婆慶生，送上浪漫驚喜，但因太過神秘，昨午 Chanel秋冬展，老婆坐 VIP第一行，他只能坐記者位。
巴黎 Chanel 2012秋冬時裝 show在香港時間昨午舉行，一如以往假巴黎大皇宮內進行，場內變成水晶陣，擺放了多個巨型水晶柱，吸引大批中外明星睇騷，包括外國女歌手 Katy Perry及 Alicia Keys，以及中港台紅星周迅、陳妍希、徐濠縈、陳奕迅等。今日是徐濠縈 38歲生日，因正值巴黎時裝周，阿徐日前已飛抵當地睇騷及為自己的時裝店入貨，老公 Eason則留港工作，但鬼主意多多的 Eason，突然秘密飛抵巴黎，送給老婆驚喜生日禮。
臨時坐記者席
Eason突然出現，事前大會沒收到他要求安排貴賓座位，幸 Chanel臨時安排到他入場及坐記者席，而阿徐則與周迅、陳妍希等嘉賓坐 VIP首行。阿徐表示：「今朝晨早出外跑步收到 Eason電話，當時係香港時間下午， Eason鬼鬼馬馬打嚟講『 Good morning， Mum』，我都覺得好奇怪，叫佢搵囡囡包包聽電話試探，佢話包包沖緊涼聽唔到。」她指老公突然出現好開心，不過阿徐說：「我好忙，忙到顧住買貨冇時間食飯，未必可以同老公一齊玩，喺巴黎佢做住我背後嘅男人喇，巴黎時裝冇人識佢。」
放大圖片 
美國創作歌手 Alicia Keys（箭咀示）低胸出席時裝 show，吸引大批中外記者和陳奕迅拍照。
放大圖片 
Katy Perry以盛裝出席時裝騷，她出現時引起一陣哄動。
陳妍希帶兩空喼 放大圖片 
昨日 Chanel在巴黎舉行的時裝騷，吸引女神陳妍希到場睇騷。
Eason則傻更更笑着說：「畀驚喜老婆嘛，我太容易俾人識穿，籌備過程我已經好享受，會陪到老婆一齊返香港。」昨日見到 Eason已經不需要用拐扙助行。此外，陳妍希表示第一次到巴黎，下周三才離開，她興奮地謂：「預備了兩個空喼購物，有傳媒來拍照，我覺得好榮幸。」她並大讚巴黎男土有味道及友善。採訪：顏英儀攝影：葉君海 
陳奕迅昨日突然現身巴黎慶祝老婆徐濠縈今日 38歲生日。記者葉君海巴黎傳真
留言列表
