Jeana教師妹揀 Bra頂頸 F奶冧仔
冬去春來，炎夏未至， D奶模何佩瑜（ Jeana）已急於選購新胸圍備戰，日前她相約師妹 Chilon和 Anladia逛內衣店，三女滿載而歸。 Jeana換上有矯形功效的胸圍，馬上出現 F Cup頂頸胸。
其他娛樂名人影片
模何佩瑜去年僭建巨咪，由 33C跳至 33D仍嫌未夠大，她日前帶同兩名師妹 Chilon和 Anladia到內衣店買戰衣，三女齊為加建胸部做準備。
「着畀鍾意嘅人睇」
D奶 Jeana在貨架揀了一大輪，然後拿着大堆胸圍進試身室，不用五分鐘便變成 F奶的頂頸胸，兩師妹大開眼界，拉着師姐要求教路。Jeana對於 F Cup導彈胸非常自豪，不時在鏡前照不停，她笑着說：「我咁大個女未試過個胸谷到咁大，女仔身形好緊要， F呢個字用喺個胸好啦，考試成績千祈咪出現 F，大吉利是。」Jeana挑選內衣要求嚴謹，她說：「始終胸圍係貼身用品，我要求品質要好舒服，我覺得女仔着咗套性感內衣，自信心都多啲。有時我哋仲會着畀最鍾意嘅人睇，梗係要裝備好自己。」 Jeana直認每次買胸圍和內褲都要全套同款，最忌 mix& match，她自爆有次一口氣買了 10套不同款內衣回家。
放大圖片 
Jeana教路揀內衣切忌 mix＆ match。
放大圖片 
Chilon（左）和 Anladia（右）跟師姐 Jeana逛內衣店，大開眼界。
自爆祼睡胸堅挺
為了保持胸部堅挺， Jeana分享祼睡習慣，她說：「矯形胸圍會令腋下鬼祟肉撥番去個胸度，各位姊妹瞓覺時千祈咪戴（胸圍），否則會令啲肉走錯位，弄巧反拙。」 Jeana扮靚之餘也為 33C的 Chilon和 33B的 Anladia選擇合適性感內衣。採訪：比華利 攝影：葉君海內衣、場地： BodiBra 
D奶 Jeana自製 F Cup導彈胸，非常自豪。
Jeana：得比失多一千萬倍
何佩瑜（Jeana）入行就想擁有一個美麗的身體，因而決心整容，聽落膚淺，但很實際，因為的確對事業有幫助，Jeana說：「做完醫學美容後得到嘅，絕對比失去嘅多一千萬倍。」
我不嬲都貪靚，一直都想靚啲，畀人睇落感覺Charm（魅力）啲，所以整唔整一直都心大心細。直到自己成為新八模，以為可以以高取勝，點知原來唔Work，我依然係八個女仔入面，最唔起眼一個。唔單只有個周秀娜阻住，前面仲有7個女仔騎住我，真係心有不甘。
豐滿啲！豐滿啲！豐滿啲！我知道要好似周秀娜身材咁正先吸引人注意。我上年出個人寫真，就開始着手搵呢方面資料，唔想貿貿然去整容。So Far，最後出嚟效果真係好靚，唔單只我滿意，連身邊嘅人都覺得好自然。
有朝一日拆彈
我做呢個療程都有一段日子，當中嘅感受又驚又喜，喜當然係個樣同身形令我滿意啦！驚係唔知其他人會唔會接受我做醫學美容。不過，驚嘅感覺好快一掃而空，依家如果你唔提我，我仲以為個胸係渾然天成。唔係咩？如果大家唔識得我，或我一出道就係咁嘅樣同身材，會唔會有人懷疑我呢？我相信冇囉！所以我覺得做完醫學美容後得到嘅，絕對比失去嘅多一千萬倍。
有人咒我老咗個樣會塌，我啋！將來嘅事將來先知，今日我走去美胸，亦難保唔會有朝一日拆彈，天曉得；亦有人問過我如果男朋友唔鍾意會點？呢句更加係廢話，呢一刻我公開講畀大家知我做過美胸，往後同我拍拖嘅男仔都應知道呢件事，佢同得我一齊，又點會介意呢？（明日待續）
口述：何佩瑜 筆錄：專案組
留言列表
