3月 9日，黎明出席《香港國際電影節》活動時，記者提起當天是他與樂基兒結婚周年，他耍太極話：「今晚做嘢！（《火龍》 MV首播會）」記者不罷休問：「咁做完呢？」他隨即封口：「唔講嘞！」"
娛樂頂點
爆火場面生意外　黎明拖小齊逃生
2010年03月12日
黎明、任賢齊主演的警匪片《火龍》，將於四月初上映。戲中大部分都是打鬥、槍戰、爆破等危險場面，惟兩人都堅持唔用替身。不過拍其中一場火場打鬥戲時險象橫生，皆因黎明與小齊喺火場對打期間，火焰過猛將道具車的威吔燒斷，整架車跌落嚟，好在黎明機警，千鈞一髮之際拖走小齊，否則搞出人命！


黎明與同場的楊千嬅互當透明，咁又係，都結束咗賓主關係，連戲都唔使交啦！

電影《火龍》嘅題材有啲似《無間道》，黎明同任賢齊雖然同樣飾演警察，但外表跟內心完全各走極端。外表不修邊幅的黎明，看似壞人，其實是忠的；而西裝骨骨的任賢齊，則奸到出汁。
其中一場戲講述黎明揭穿任賢齊詭計，在追捕期間，二人在火場中搏鬥，打得你死我活。導演林超賢為咗拍出火場真實感，不惜花費近百萬元，搭出車房實景，並用了五十罐石油氣，在現場製造爆炸及烈焰火海場面，更為黎明同小齊買重千萬保險。
拍攝前，小齊與黎明在身上均噴了防火噴霧，工作人員亦檢查好現場滅火裝備，想不到意外依然發生。當拍到一個黎明與小齊在火場打到碌地的場面時，兩人頭頂吊住的着火汽車搖搖欲墜，車上部分組件相繼跌下。黎明見狀大叫：「嘩，架車跌落嚟呀！」邊說邊拖開攤在地上的小齊，工作人員即撲前弄熄車上的火。雖然很快撲熄火種，但工作人員都揑一把汗。
事後小齊猶有餘悸：「嘩！當時真係好驚，唔夠十秒，話咁快架車就『責』落嚟，好在 Leon掹咗我出嚟，佢真係我嘅救命恩人，唔係佢我死梗啦！之前拍咗嗰啲 take好在導演話收貨，否則再拍真係有排驚！拍呢套戲好辛苦，同啲火好近，似喺焗爐被烤，瘦咗十幾磅呀。」
黎明則暗寸：「覺得個導演有暴力傾向，唔係點會設計到呢啲咁危險嘅動作出嚟！不過以後拍呢類鏡頭真係要打醒十二分精神，今次好彩咋！」
燒到埋身


Leon黐到滿臉鬍鬚，在火場被熊熊烈火包圍，熱上加熱，不過佢話都唔夠之前跑街辛苦！
 
戲中講小齊被 Leon揭發奸計，竟然點火，想同 Leon一鑊熟。

廢車斷纜 


黎明同小齊在火場打到典來典去， Leon發覺架車有下墮趨勢，二話不說大力拖走小齊，前後不到十秒，架車就跌落嚟，真係險過剃頭。
拉出小齊 


Leon硬拖小齊離開時，小齊一臉驚慌，幸好未有釀成意外發生，事後小齊笑話：「無咗條命，買重保險都無用啦！」
幫忙救火


救完小齊， Leon見架車嘅火勢不受控，亦戮力拎起滅火筒幫手救火。
 
現場的火光熊熊效果，動用了五十罐石油氣，由專人引爆。

《火龍》玩盡人性


黎明與葉璇在戲中演情侶，但因為是男人戲，葉璇戲份不多。

黎明飾演重案組探長，任賢齊飾演緝毒組高級督察，因一宗車禍拉在一起，兩人的外表跟性格各走極端，但內心同樣受着心魔纏繞。黎明的妻子多年前被賊匪殺害，喪妻之痛令他情緒失控、躁狂，每每使用暴力對付匪徒。
而任賢齊原本有着大好前程，因愛上一名妓女，感情不被認同的同時，事業亦因此受影響，後更利用職權去妨礙司法公正。本來充滿正義感的警察，卻走入魔道，成為魔警。電影深入刻劃人性在正邪之間的掙扎。
是非當宣傳


《蘋果日報》圖片

新年期間，黎明同老婆樂基兒到布吉度假，只在上月 25日的東亞春茗現過身，不過有關兩人各自嘅是非一直未停過，正好配合四月一日上映的電影《火龍》，順水推舟當宣傳。

舊愛首合照
黎明同舒淇呢對舊情人，拍拖時玩地下情，分手後避免碰頭。但在東亞春茗上，卻避無可避同台，兩人表面上大方碰杯，但實則舒淇敬酒後速閃。二人分手後六年，首次世紀合照，當然成為全場焦點。


樂基兒排嬅
樂基兒過檔老公黎明旗下，簽約百仕活，本月 2日正式以老公公司藝人身份出席 I.T.活動，主動提及自己轉投新經理人公司，不過同場的楊千嬅卻零交流。而千嬅亦表示唔知黎明嫂過檔，暗指自己是外人，所以全不知情。
古堡贈外母
有報道指黎明一擲二百萬美元（約 1,560萬港幣），購下豪華古堡贈予長居美國的樂基兒母親，不過樂基兒否認由黎明科水，而是用自己十年來當模特兒的積蓄買樓。


控加州紅侵權
最近 Neway收購加州紅，將成一壟斷卡拉 OK，而黎明前年的國語歌〈是我〉，以及與章子怡合唱電影梅蘭芳主題曲〈你懂我的愛〉，被加州紅擅自偷播，最近黎明以 Amusic名義，發律師信禁止加州紅再播。






arrow
arrow
    全站熱搜

    stacylife 發表在 痞客邦 留言(1) 人氣()

    E-mail轉寄