Twins後日舉行紅館演唱會，昨日二人出盡力宣傳。宣佈離婚後的蔡卓妍（阿 Sa）心情已見開朗，反而鍾欣桐（阿嬌）疲態畢露，她謂日以繼夜練習很累人，正在減肥的她不透露成果，但揚言：「總之演唱會時會 fit畀大家睇啦。」
其他娛樂名人影片
二人組合 Twins於後日開始在紅館舉行三場演唱會，昨日阿 Sa與阿嬌在九龍灣排舞，仍落力做宣傳，容祖兒及陳偉霆來探班，唱片公司又特地到場頒發白金唱片給她們。
減肥照食飯 放大圖片 
阿 Sa與阿嬌後日開騷，昨日仍要落力宣傳。
只見阿 Sa排舞時拗腰又被托高，笑容滿面，心情開朗，反而阿嬌則一臉倦容，她說：「家日頭排舞，夜晚練歌，我噚晚返到屋企都冇瞓，要溫習。前兩日我仲喺屋企跌親，整親手指。」問到減肥成績如何？阿嬌說：「冇計減咗幾磅呀，我都有食飯，總之演唱會時會 fit畀大家睇啦。」她又謂演唱會舞衣性感又貼身，故要操弗身形。阿 Sa談到王祖藍早前在無綫節目中扮她與鄭中基的離婚記者會，因而被投訴此舉是雪上加霜，她說：「我冇睇，祖藍有打畀我 say sorry，我知佢做嘢啫，冇嬲。最唔開心唔係我，係 Mani，因為阮兆祥扮佢。」問她宣佈離婚後，現在是否回復開朗，阿 Sa說：「日子都係要過 o架啦。」
祖兒舞癮起 放大圖片 
祖兒昨日專程為 Twins打氣外，還會捧足三晚演唱會。
祖兒透露與陳偉霆到場時舞癮大發，混入舞蹈員中一起跳， Twins也沒發現，祖兒又說：「得閒嘅話我三場都捧場，着定平底鞋㖭，因為佢哋話會拉啲 friend上台玩，佢哋係兒童樂園，要配合佢哋。」陳偉霆則帶備自己代言的止汗劑送給 Twins，他硬銷說：「我自己排舞後所有人都避開我，用咗呢隻止汗劑後就冇事，真係好用。」他又大讚 Twins跳舞好看，他說：「見到阿 Sa咬唇，好有女人味。」採訪：胡比 攝影：陳順禎 
阿 Sa昨日綵排時心情開朗，但阿嬌（左）卻疲態畢露。
留言列表
